Markos 10
10
10 Ik.
1Orowa, Shinuma hopuni hine nei kotan wano oman wa Yorodan pet kush ta an Yudea moshiri orun ek nisa ruwe ne: orowa, kanna-shui inne utara Shinuma otta uwekarapa; awa, ramma korachi shui Shinuma epakashnu nisa ruwe ne na. 2Orosama, orota Parisee un utara araki wa koramnukara hine ene uwepekennu-hi :— Ainu anak ne koro machi osurupa chiki kashpaotte ehaita ruwe he an, ani nu. 3Orota Shinuma ese wa ene itak-hi :— Mose anak ne nep ani echi kashpaotte ya? 4Tata otta nei utara ene ye-hi :— Mose anak chi utara uwosurupa kambi kore wa shiwentep osurupa kuni ramuoshma nisa ruwe ne, sekoro itak. 5Koroka, Yesu nei utara otta ene itakhi :— Echi koro sambe nishte wa gusu Mose nei ikashpaotte echi gusu nuye nisa ruwe ne. 6Koroka, moshiri akara heashi ta okkai shiueu matne shinen akan ruwe ne. 7Tambe gusu, ainu anak ne koro ona koro unu ande wa kon machi tura ko-an kusu ne; 8orowa, nei tun anak ne shine kam ne kusu ne na; tambe gusu nei utara naa tun shomo ne shine kam ne ruwe ne. 9Tambe gusu, Kamui ukotukkare utara nen ye yakka iteki usa ande yan. 10Orowa, chisei ta okai ita anak ne koro koikara utara shui nei orushpe gusu Shinuma otta nu nisa ruwe ne. 11Orota Shinuma ene itak-hi :— Nen ne yakka kon machi osurupa wa moshima an shiwentep ani machi ne kara gurʼanak ne shinuma gusu omoinu kon ruwe ne: 12samata, nei shiwentep yaikota anak ne koro hoku osurupa wa moshima an ainu ani hoku ne koro chiki shinuma omoinu kon ruwe ne.
13Orowa, atomooshmare kuni ne utara anak ne Shinuma orota nokan utara tura wa araki nisa ruwe ne: awa, 14koikara utara kopao nisa ruwe ne. Koroka, Yesu nei ambe nukara chiki irushka hine orota ene itak-hi :— Nokan utara En otta araki kuni ambe ramuoshma; iteki hattoki yan: Kamui moshirʼumbe anak ne nei no okaibe ne ruwe ne gusu ne na. 15Son no echi otta Ku ye, nen ne yakka nokan guru nei no Kamui moshiri uk shomoki gurʼanak ne, earikinne nei moshiri orun ahun shomoki kusu ne, ari itak. 16Orowa, Shinuma nei nokan utara otekomare wa kashiketa tekehe ande koro shinnunuke nisa ruwe ne.
17Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu. 18Orota Yesu ene itak-hi :— Hemanda gusu pirika ani En ye ya? Shinen moshima pirikap isama, nei ambe anak Kamui ne ruwe ne. 19Eani ikashpaotte eramʼan, Iteki keuk yan, Iteki omoinu koro yan, Iteki ikka yan, Iteki shunge paweteshu ki yan, Iteki iramisamka, E koro ona, newa unu ko-oripak yan, ari itak. 20Orota nei guru ene itak-hi :— Epakashnu guru, pon ram orowa no tap okaibe obitta ku shikkashima nisa ruwʼe ne. 21Orowa, Yesu nei guru orun nukara wa omap ki, aine, orota ene itak-hi :— E haita ambe shinep an: e oman wa e korobe obitta ehok hine irapokkari guru otta koropare, yak anak ne kando oshiketa aeoteknup e koro kusu ne; orowa no ek wa En osh apkash yan, ari itak. 22Koroka, shinuma nei itak nu koro enanhachire, aige, oknatara wa oman nisa ruwe ne; nei guru shiri poro ambe koro guru ne ruwe ne gusu ne na.
23Orowa, Yesu ekeshne orun ingara wa koro koikara utara otta ene itak-hi :— Nep hokamba no aeoteknu ambe koro utara Kamui moshiri orun ahup humi! 24Orowa, koikara utara Shinuma ye itak eoyamokte. Koroka, Yesu shui ese wa nei utara otta ene itak-hi :— Poho, aeoteknu ambe eyaikopashte utara Kamui moshiri orun ahup-i nep hokamba ruwe! 25Aeoteknu guru Kamui moshiri orun ahun-i kasu no rakuda chikoikip kem-pui oboso wa oman-i anak ne naa isaika ruwe ne. 26Orowa, nei utara shi no iyokunnure wa otta ene itak-hi :— Yakun, kashi-a-obiuki eashkai guru inan guru ne ruwe he an? 27Yesu nei utara orun ingara wa ene itak-hi :— Tambe anak ne ainu gusu eaikapbe ne, koroka, Kamui gusu shomo ne ruwe ne; inambe gusu ne yakun, Kamui anak ne nep ne yakka ki eashkai ruwe ne gusu ne na. 28Orota Petros itak heashi wa ene itak-hi :— Ingarʼan, Chi utara anak nep ne yakka chi ande ash wa E osh araki ash ruwe ne, sekoro itak. 29Yesu ene itak-hi :— Son no echi otta Ku ye, Ku rengap gusu hemhem, pirika shongo rengap gusu hemhem, chisei hene, okkai ainu uiriwak hene, matne ainu uiriwak hene, unu hene, ona hene, po utara hene, 30toi hene are wa, tane an pakihi ta ashikne hotne pakno shomo akore guru isam ruwe ne; chisei hemhem, okkai ainu uiriwak hemhem, matne ainu uiriwak hemhem, unu hemhem, po utara hemhem, toi hemhem, aepokbap tura no koro; orowa, ek kushki moshiri ta hembara pakno ne yakka shiokere shomoki inotu kon ruwe ne kusu ne na. 31Orowa, inne hoshiki no okai utara iyoshi no ne kusu ne; samata, iyoshi no okai utara hoshiki no ne kusu ne na.
32Orowa, nei utara Yerusarem kotan orun hemesu korʼan, awa, ru hontomota okai; Yesu nei utara ratchaot oman shiri an: aine, utara oyamokte; samata, osh paye utara ishitoma nisa ruwe ne Orowa, shui, Shinuma nei tun ikashima wa niu uk hine yaikota gusu hetuku kusu ne orushpe nure heashi wa ene okai-hi :— 33Ingarʼan, chi utara Yerusarem kotan orun hemespa; orowa, Ainu Poho anak ne Kamui kora kenru esapane utara newa kambi-nuye utara otta aekoshi; orowa, nei utara Shinuma raige kuni esanniyo wa Oya uirup utara otta ekoshi; nei utara anak ne Shinuma eoyaitak hemhem ki, 34kata topsekara hemhem ki, shirikik hemhem ki, orowa no raige hemhem ki kusu ne; orowa, rereko okaketa Shinuma hetopo-shiknu kusu ne na.
35Orowa, Zebedee koro poho Yakob newa Yoannes Shinuma karange no araki hine orota ene itak-hi :— Epakashnu guru, nep ne yakka Aokai otta chi koramkorobe un gusu iki kuni chi kon rusui ruwe ne. 36Orota :— Hemanda echi gusu Ku kara kuni echi kon rusui ya? ari Shinuma itak. 37Orota nei utara ene itak-hi :— E koro nupeki otta chi utara anak ne shinen E shimon tek samata, shinen E hariki tek samata rok kuni kara wa un kore. 38Koroka, Yesu nei utara otta ene itak-hi :— Echi eikoramkorobe echi erampeutek ruwe ne. Echi utara anak ne Ku iku kuni itangi echi ku eashkai ya? Samata, Ku uk kuni baptisma ani baptisma echi uk eashkai ya? 39Orota, eashkai ruwe ne, ari nei utara ye ruwe nisa ne. Orota Yesu ene itak-hi :— Ku iku kuni itangi echi ku kusu ne, samata, Ku uk kuni baptisma ani baptisma echi akore kusu ne na: 40koroka, Ku shimon tek samata a hene, Ku hariki tek samata a hene ani an ambe anak ne Ku kore kunip shomo ne; koroka, gusu aetokooiki utara otta akore kusu ne na, sekoro itak. 41Orowa, nei wa niu nei itak nu chiki Yakob newa Yoannes ko-irushka heashi nisa ruwe ne. 42Orowa, Yesu nei utara shihekote hotuyekara wa orota ene itak-hi :— Oya uirup utara esapane kuni aesanniyo utara anak ne enishpane iki wa epungine, orowa, nei pase utara anak ne shiramniukesh mondum ko-ki ruwe ne. 43Koroka, echi utara tumugeta nei no an shomo ne kusu ne: koroka, nen ne yakka echi tumugeta pase rusui gurʼanak ne echi auitek guru ne kusu ne: 44orowa, nen ne yakka echi tumugeta sapane rusui gurʼanak ne echi obitta gusu an usshiune guru ne kusu ne na. 45Inambe gusu ne yakun, son no newa Ainu Poho anak ne moshima utara eiwange kuni gusu ek shomo ne, koroka, yaishieiwangere kuni gusu ek, inne utara kikiraye gusu, koro inotu kore kuni gusu ek nisa ruwe ne na.
46Orowa no, Yeriko ta araki: awa, koro koikara utara newa inne utara tura no Yeriko orowa no paye koro, Timaios poho Bartimaios ani ap reihei koro shiknak iyahup guru ru samta a wa an. 47Orowa, Nazaret kotan un Yesu ne sekoro nei guru nu chiki, hawe ashte heashi wa ene itak-hi :— Dabid koro Poho Yesu, en erampokiwen wa en kore, ari itak. 48Orowa, inne utara shinuma mo no an kuni ne ko-sakayokara: koroka, shinuma naa kasu no earikinne hawe ashte, Dabid koro Poho ne Aokai, en erampokiwen wa en kore, ari an itak ani ye. 49Orowa, Yesu ash wa nei guru hotuyekara yan, ari ye. Orowa, okai utara nei shiknak guru hotuyekara wa, ramu-ritetke yan! Hopuni, Shinuma e hotuyekara an na, ari itak. 50Orowa, shinuma anak ne koro mipi emaka hine hopunikatta wa Yesu orota ek nisa ruwe ne. 51Orota Yesu ese wa ene itak-hi :— E otta Ku ki kuni nep e kon rusui ya? Orota shiknak guru ene itak-hi :— Rabboni, ku ingara kuni ku kon rusui ruwe ne. 52Shinuma orota Yesu ene itak-hi :— Paye yan; e koro eishokor-i anak ne e iwangere nisa ruwe ne na, ari itak. Orowa, nei guru nani nukara wa ru otta Yesu osh oman nisa ruwe ne na.
હાલમાં પસંદ કરેલ:
Markos 10: AINU
Highlight
શેર કરો
નકલ કરો
Want to have your highlights saved across all your devices? Sign up or sign in
© British and Foreign Bible Society 1897, 2018
