Popular Bible Verses from Markos 10

શેર કરો

Inambe gusu ne yakun, son no newa Ainu Poho anak ne moshima utara eiwange kuni gusu ek shomo ne, koroka, yaishieiwangere kuni gusu ek, inne utara kikiraye gusu, koro inotu kore kuni gusu ek nisa ruwe ne na.

Yesu nei utara orun ingara wa ene itak-hi :— Tambe anak ne ainu gusu eaikapbe ne, koroka, Kamui gusu shomo ne ruwe ne; inambe gusu ne yakun, Kamui anak ne nep ne yakka ki eashkai ruwe ne gusu ne na.

Shinuma orota Yesu ene itak-hi :— Paye yan; e koro eishokor-i anak ne e iwangere nisa ruwe ne na, ari itak. Orowa, nei guru nani nukara wa ru otta Yesu osh oman nisa ruwe ne na.

Tambe gusu, Kamui ukotukkare utara nen ye yakka iteki usa ande yan.

Orowa, Yesu nei guru orun nukara wa omap ki, aine, orota ene itak-hi :— E haita ambe shinep an: e oman wa e korobe obitta ehok hine irapokkari guru otta koropare, yak anak ne kando oshiketa aeoteknup e koro kusu ne; orowa no ek wa En osh apkash yan, ari itak.

Orota Yesu ese wa ene itak-hi :— E otta Ku ki kuni nep e kon rusui ya? Orota shiknak guru ene itak-hi :— Rabboni, ku ingara kuni ku kon rusui ruwe ne.

Koroka, echi utara tumugeta nei no an shomo ne kusu ne: koroka, nen ne yakka echi tumugeta pase rusui gurʼanak ne echi auitek guru ne kusu ne

Son no echi otta Ku ye, nen ne yakka nokan guru nei no Kamui moshiri uk shomoki gurʼanak ne, earikinne nei moshiri orun ahun shomoki kusu ne, ari itak.

Orowa, inne hoshiki no okai utara iyoshi no ne kusu ne; samata, iyoshi no okai utara hoshiki no ne kusu ne na.

Koroka, moshiri akara heashi ta okkai shiueu matne shinen akan ruwe ne. Tambe gusu, ainu anak ne koro ona koro unu ande wa kon machi tura ko-an kusu ne; orowa, nei tun anak ne shine kam ne kusu ne na; tambe gusu nei utara naa tun shomo ne shine kam ne ruwe ne.