Popular Bible Verses from Mateo 27

શેર કરો

Tul b'iitik kuxh toon ve't oxva'l oora ku'q'ii, as sik'in ve't u Jesús. As ech tal ve't Aak ile': —¿Elí, Elí, lama sabactani?— ti'k Aak. A' isuuchil u yole' uva' «¡Kub'aal Tiixh, Kub'aal Tiixh! ¿Kam q'i uve' nu kuxh aaq' kan in sunjunal?» ti'k Aak.

As q'ixmu ve't u nimla ixb'u'je' uve' nik jatxon tuul u tostiixhe'. As ka'va'l ku' u ixb'u'je' stuul, tan kat q'ixmik ku' tzan tivi' as kat ul xe' toj. As ul ve't uma'l u kab'laano. As e'p ve't unq'a sivane' sta'n. As ijaj ve't tib' unq'a jule' vatz u pi'une' uve' mujikkat unq'a kamnaje'. As nimal unq'a kamnaje' ul ve't taama uve' nimanik tetz u Tiixhe'.

As sik'in ve't u Jesús unpajte. As taq' ve't ok Aak u taanxelale' te u Tiixhe'. As kam ve't Aak.

Viq'esal unq'a sole' tuk' unq'a isol naje' uva' nik xeen u Jesús, as tul til chajnaj u kab'laanoe' tuk' uva' kat til chajnaj tul kat kam Aak, as va'lik chit ixo'v ve't chajnaj. As ech tal ve't chajnaj ile' svatzaj: —An chite' vil. IK'aol Tiixhe' vil u naje',— ti'k chajnaj.

As tul chaq'aan ve't q'ii, as tokin ve't ivatz u tx'ava'e'. As techanal oon ve't oxva'l oora ku'q'ii, as a'n ilon ve't u q'iie' unpajte.

As ech tal ve't u Pilato ile': —¿Kam q'i tuk unb'an ti' u Jesús uve' Cristo ni talpe'?— ti'k u Pilato. As kajayil chit unq'a tename' kat alon: —¡Yatz'poj naj vatz u kuruse'!— ti'k unq'a tename'. As ech tal ve't u Pilato ile': —¿Kam ipaav u naje' q'i kat ib'ana?— ti'k u Pilato. As aal chit taq' je' unq'a tename' tuul ivi'. As ech tal ve't ile': —¡Yatz'poj naj vatz u kuruse'!— ti'k unq'a tename'.