Popular Bible Verses from Mateo 26

શેર કરો

Iseb'oj chit ex. As enachtaj chit Tiixh aq'al uva' la iyak'insa Aak u k'ujleb'al ek'u'le' svi' tul la chukax txumb'al seti' ti' eteesal sunk'atz. As k'uxh aya'l chit ik'u'l vetaanxelale' ti' enachat Tiixh, as ech koj vechi'ole', tan ye' nisa',— ti'k u Jesús.

As ech tal ve't Aak ile' te oxva'l unq'a ichusulib'e': —¡Ootzimal sva'n uva' tuk kamoj in! ¡As va'l chit itxumun ve't vaama! Pet kaaoj kan ex tzitza'. Iseb'ojtaj chit ex ti' enachat Tiixh sunk'atz,— ti'k u Jesús.

As jetz'en ve't el unb'iil u Jesús k'atz chajnaj. Qaaeb' ve't Aak techal toon ivatz Aak tu tx'ava'. As ech tal ve't Aak ile' tul inach Aak Tiixh: —UnB'aal, asoj la uchi, as eesa el in vatz u k'axk'oe' uva' k'ujlu kan svi'. As jit in la alon. Pet axh la alon kam uva' la unb'ane',— ti'k u Jesús.

tan a' vunkajale' uva' tuk jejon kan u ak' tzaq'ite' ti' ik'ulat tib' iyol u tename' tuk' u Tiixhe', tan tuk eloj vunkajale' ti' unsotzsat ipaav unq'a tename' skajayil.

As tul aalik itx'a'n ve't u Jesús tuk' unq'a ichusulib'e', as itxey ve't Aak u paane'. As taq' ve't Aak ta'ntiixh sti'. As ijatx ve't Aak; as taq' ve't Aak te chajnaj. As ech tal ve't Aak ile': —Ek'ultaj; as etx'a'taj, tan a'e' vunchi'ole',— ti'k Aak.

As itxey ve't u Jesús u koopa. As taq' ve't Aak ta'ntiixh sti'. As taq' ve't ok Aak te chajnaj. As ech tal ve't Aak ile': —Etuk'ataj sekajayil

As tul q'aavik tzan u Jesús k'atz oxva'l unq'a ichusulib'e', as vatik ve't chajnaj. As ech tal ve't Aak ile' te u Lu'e': —¿Ma ye' nekuy umaj oora uva' la iseb' ex sunk'atz?

As tuk val sete, tan ye'xh jatu la vuk'a ve't u ta'l u uuvae' eche' u vaa' nu kub'an cheel. Pet lanal ilej ve't u q'iie' uva' la ilpu ve'te' uva' at ve't unq'a tename' jaq' u tijle'm vunB'aale'. As a'n la vuk'a ve't u ta'l u ak' uuvae' setuk',— ti'k u Jesús.

As jub'in ve't tul viyol u Jesús sk'u'l u Lu'e' uva' ma'tik talat Aak: «Tul ye'xnaj oq' u pele'xhe' cheel tu aq'b'ala', as oxpajul ma't eesat eeb' sunk'atz,» ti'k Aak. As el ve't ch'u'l u Lu'e' vatz u q'anale'. As a' chit oq'ele' ib'an ve't naj.

¡Pet txakpoj ex! ¡Ko'naj! Tan il u naj ile' tul ve'te' uve' tuk aq'on ok in tiq'ab' unq'a aapaave',— ti'k u Jesús.

As ech tal ve't u Jesús ile' te naj: —¡Kol ku' vach'ich'e' tu u totzotze'! Tan jank'al unq'a uxhchile' uve' ni b'anon ch'a'o tuk' ch'ich', as an chit tuk' ch'ich' la yatz'pukat.