Popular Bible Verses from Mateo 28

શેર કરો

Esti'e' tuk val sete, b'enoj ex. B'enoj echus unq'a tename' skajayil ti' uva' la inima in. As la etaq' ku' unq'a uxhchile' xe' u a'e' tuk' vib'ii u Tiixhe', tuk' vunb'iie' uva' in viK'aol u Tiixhe', as tuk' vib'ii u Tiixhla Espíritu. As la echus unq'a tename' ti' uva' la chit inima unq'a yole' skajayil uve' kat val sete. As at chit ve't in sek'atz la ib'ane' ti' chit ib'ene', techal la sotz ivatz u tx'ava'e',— ti'k u Jesús. An chite'.

As jetz'en ve't ok u Jesús k'atz chajnaj: As ech tal ve't Aak ile': —Kat aq'ax ve't u vijle'me' ti' vilat isuuchil unq'a vee' skajayil uve' at tu almika' tuk' unq'a vee' at vatz u tx'ava'e'.

As tul oon ve't unq'a ixoje', as ech tal ve't u ángel ile' te cha'ma: —Ye' kuxh xo'v ex, tan ootzimal sva'n uva' a' u Jesús nechuke', uva' kat kam vatz u kuruse'. Pet ye'l ve't Aak at tzitza', tan kat ulyu ve't taama Aak unpajte, eche' uva' tal kan Aak sete. Pet si'unaj. Etiltaj ok u vee' mujlukat Aak.

As ech tal ve't u Jesús: —Ye' kuxh xo'v ex. Pet b'enoj etaltaj te unq'a vitz'ine' uva' b'enoj chajnaj tu u Galilea, tan tzitzi' la tilkat in chajnaj,— ti'k u Jesús.

As imol ve't tib' unq'a iq'esal oksan iyol tenam vatz Tiixh tuk' unq'a b'aal tename' ti' ib'anat nuk'uj. As ik'ul ve't tib' iyol chajnaj. As nimal puaj kat taq' ve't chajnaj te unq'a sole'. As ech tal chajnaj ile' te unq'a sole': —Ech la etal ile': «Tul uva' vatik o' aq'b'al as kat b'ex telq'a unq'a ichusulib' u Jesús vichi'ole' tu u jule'» chaj ex la etale'. Pet asoj la tab'i ve't u b'anol ivatz u ijlenaale' u yole', as o' la mutxb'en ve't naj ti' uva' ye'l k'axk'o la epaleb'e— ti'k chajnaj tal te unq'a sole'. As ik'ul ve't unq'a sole' u puaje'. As b'ex tal ve't chajnaj u yole' uva' alax te chajnaj. As antel kuxh talax u yole' scheel xo'l unq'a tiaal Israel.