2 Ba-Korinto 9
9
Zipo zileelede kubambwa katanasika Paulo
1 #
2 Kor 8:4,20 Lino kumakani aamilimo eyo yakugwasya basalali, taceelede kuti nkamulembele majwi manji pe. 2Nkaambo ndizi kale busungu bwanu, nkabela ndili mukumulumbaizya kubusyu bwaba-Makedoniya cakuti, ba-Akaya bakalilibambide kale mwakali, alimwi busungu bwanu bulibusizye banjibanji akati kabo. 3Lino ndatuma aba bakwesu kuti kulikankaizya kwesu nkutulikankaizizya ndinywe kumakani aya kutabi kwabuyo. Ndakaamba kuti mulilibambide kale, 4lino na ndeza abamwi ba-Makedoniya, elyo bajana kuti tamuna kulibamba, tulausigwa insoni swebo (teensi kwaamba anywebo) nkaambo kamakani aya. 5Nciceeco ncindakayeeya kuti ndeelede kukumbila aba bakwesu kuti basolole kuzwa kulindinywe, bakasaangune kubamba zilumbo zyanu nzimusyomezezye. Ndayanda kuti ezi zibe zilumbo ncobeni, nsiyandi kuti zibe eoondonganyo.
Tulatebula mbubonya mbutubyala, Basibuuya Leza ulabapa bulumbu
6 #
Tus 11:24; 19:17 Amuswiilile ijwi eli! Oyo uubyala cakucesya ulatebula cakucesya, pele oyo uubyala cakuvuzya ulatebula cakuvuzya. 7#Rom 12:8; 1 Mak 29:17Umwi aumwi uleelede kupa mbuli mbwayanda mumoyo wakwe, kutabi cakunyonosya moyo nanka cakusinikizigwa, nkaambo oyu uupa calumwemwe nguuyandwa kwa-Leza, 8Leza ulakonzya kumulongezya kukumupa buvubi bunji, kuti lyoonse mukabe azintu zyoonse zyeelede zyakuligwasya nubeni, alimwi kuti mukabe azintu zyakucitila bamwi milimo mibotu. 9#Int 112:9Mbubonya mbukulembedwe kuti,
Waabila bapengede zipo cakuminza.
Buuya bwakwe tabweeli kukabe kutamani.
10 #
Is 55:10; Hos 10:12 Oyo uuabila mubyali imbuto ansima yakulya uyooabila ndinywe imbuto, alimwi uyoozivuzya, akuyungizya micelo yabuuya bwanu. 11#2 Kor 1:11; 4:15Muyoovubizigwa muzintu zyoonse akuba basibuuya lyoonse, nkabela obu buuya bwanu buli mumaanza esu buyoocitya kuti bantu balumbe Leza. 12#2 Kor 8:14Nkaambo eyi milimo yabulumbu teensi yakuzuzya kubula kwabasalali luzutu, pele alimwi ilapaya kukucitya kuti bantu banji balumbe Leza. 13Milimo eyi ilatondezya bantu mbumubede, aboobo balalumba Leza nkaambo kakuti mulaswiilila ayo Makani Mabotu aa-Kristo ngumuzuminina, alimwi nkaambo kabuuya bwanu bwakwaabana ambabo abantu boonse. 14Nkabela balamukombela akumusukama nkaambo kaluzyalo lwa-Leza luinda loko kuboneka kulindinywe, 15Alumbwe Leza nkaambo kacipo cakwe citaambiki!
Sélection en cours:
2 Ba-Korinto 9: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
