2 Ba-Korinto 8
8
Makani aamilumbo yakugwasya bacete
1 #
Rom 15:26
Lino bakwesu, tulamulwiida makani aaluzyalo lwa-Leza nduzipedwe imbungano zyaku-Makedoniya. 2Ikuti nikuba kuciindi ncibakali mukati kalusunko lwamapenzi mapati, alimwi bakali mubucete bunji, kukondwa kwabo kwakapaya akucita kuti buuya bwabo buvule. 3Ncobeni bakapa mbuli inguzu zyabo, ee, kwiinda inguzu zyabo, nkabela makani aya akazwa mumyoyo yabo beni. 4#2 Kor 9:1; Inc 11:29Bakatukumbila camoyo woonse kuti bazumizigwe kuba acaabilo camilimo eyi yakugwasya basalali. 5Nkabela teebakacita ayo luzutu ngitwakali kusyoma, pele kukusaanguna bakalipa beni mumaanza aa-Mwami, aboobo bakalipa kulindiswe, mbubonya mbwaakayanda Leza. 6Nciceeco ncindakakumbila kuli-Tito kuti ailondole kulindinywe eyi milimo njiyonya njaakatalikide kale. 7#1 Kor 1:5; 16:1,2Lino mbuli mbumwiinda kucita kabotu muzintu zyoonse, mulusyomo amukwaamba amuluzibo amubusungu boonse amuluyando ndumujisi kulindiswe, amukainde kucita kabotu mumilimo eyo ayalo. 8Nsili mukwaamba cakulailila pe, pele ndayanda kubelesya busungu bwabantu bamwi kukusunka luyando lwanu nubeni na ndwinilwini. 9#Mt 8:20Mulizi mbulubede luzyalo lwa-Mwami wesu Jesu Kristo, nkaambo walo wakali muvubi, nekubaboobo wakaba mucete nkaambo kandinywe, kuti bucete bwakwe bumuletele buvubi nywebo.
10Lino njanda kumulwiida mbunjeeya kumakani aya. Muleelede kucita milimo eyi, nkaambo mwakali ndinywe mwakaba bataanzi mulinjiyo, nikuba kukucita nikuba kukukanza. 11Mbubo, lino amulondole kukwiicita, Mbuli mbumwakasungwaala kukanza, amulondole kucita mbubonya obo, nkukuti mbuli buvubi bwanu. 12#Tus 3:27,28; Mk 12:43Nkaambo ncibotu kuti muntu asungwaale kupa mbuli buvubi bwakwe mbwajisi, takonzyi kupa ncatajisi pe. 13Takweensi kwaamba kuti bamwi balalemununwa anukuti nywebo mulalemenwa, pe. 14#2 Kor 9:12Ngemakani akweelanya buyo. Kuciindi ecino lwiindano lwanu lulazulila kubula kwabo, kuti lwiindano lwabaabo lukazulile kubula kwanu anywebo, kube lweelano, 15#Kul 16:18mbuli mbukulembedwe kuti,
Oyo iwakajana zinji, taakwe ncaakasyaalilwa,
Pele oyo iwakajana ziniini buyo, taakwe ncaakabula.
16Ndalumba Leza nkaambo kakuti mumoyo wa-Tito ulibikide obo busungu mbubonya bwakulindinywe mbutujisi swebo. 17Nkaambo wakazumina ciindi ncitwakali kumukombelezya, pele walo mwini wakainda kusungwaala kuza kumuswaya, 18Nkabela antoomwe anguwe twatuma oyo mukwesu uulumbwa kumbungano zyoonse nkaambo kamilimo yakwe njacitila Makani Mabotu, 19#Gal 2:10Alimwi nguwenya wakasalwa kumbungano kuti tweende awe mukumana milimo eyi yaluzyalo niitwapegwa kukuletela Mwami bulemu, Ambebo ndakazumina, 20nkaambo nkucili cintu ncincenjela, Nsiyandi kuti muntu naba omwe atupe mulandu kumakani aazilumbo ezi zipati zili mumaanza esu, 21#Tus 3:4Nkaambo tulalabilila ziimbo zibotu koonse koonse, nikuba kumeso aa-Mwami nikuba kumeso aabantu. 22Alimwi antoomwe ambabo ndatuma mukwesu. Oyo ndimubwene kanjikanji kuti ulisungweede mumakani manji, nkabela kuciindi ecino ulainda kusungwaala nkaambo kalusyomo lupati ndwajisi mulindinywe. 23#2 Kor 7:13; 12:18; Rom 16:7Lino Tito ngumweenzuma, ngusimilimoma kulindinywe, abalo aba bakwesu bali baapostolo bambungano balemeka Kristo. 24#2 Kor 7:14Lino akube citondezyo kumeso aambungano zyoonse caluyando lwanu acakulikankaizya kwesu nkutulikankaizya aandinywe.
Sélection en cours:
2 Ba-Korinto 8: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
