Luke 3

Sa vunau ko Joni na dauveipapitaiso, 1-18. (Sa biuti koya emuri ko Eroti ki na vale ni veivesu, 19, 20.) Sa papitaisotaki Jisu ko Joni, 21, 22. Ai tubutubu t Jisu, 23-38.

1IA o nai katinikalima ni yabaki sa tui kina ko Tiperiu Sisari, ni sa turaga mai Jutia ko Ponitio Pilato, a sa turaga mai Kalili ko Eroti, a sa turaga mai Ituria kei na vanua ko Tirakoniti ko Filipo na tacina, a sa turaga mai Apilini ko Lisania; 2ni sa bete levu ko Anasi kei Kaiafa, sa qai yaco na vosa ni Kalou vei Joni na luve i Sakaria e na veico.

3A sa lako mai ko koya ki na veiyasana kecega sa voleka ki na Joritani, a sa vakarota na nodra papitaiso era veivutuni me bokoci nai valavala ca; 4me vaka sa volai e nai vola ni vosa i Isaia na parofita, ni sa kaya, A domona e dua sa kacikaci e loma ni veico, Dou caramaka na sala i Jiova, cakava me dodonu na nona salatu: 5ena vakasinaiti na buca kecega, ka na vakalolovirataki na ulu-ni-vanua kei na vanua-cecere kecega; ka na vakadodonutaki na veika sa veve, ka na vakalogalogavinakataki na veisala sa sukusukura; 6ena raica talega na vu ni bula mai vua na Kalou na tamata kecega.

7Sa qai kaya ko koya vei ira na lewe vuqa era sa lako mai me papitaisotaki ira ko koya, Oi kemudou na kawa ni gata, o cei sa vakasalataki kemudou mo dou dro tani mai na cudru sa lako mai? 8o koya mo dou qai vuataka na vua e kilikili kei na veivutuni; ia dou kakua ni vakatekivu me kaya e na lomamudou, A tama i keimami ko Eparaama; niʼu sa kaya vei kemudou, ni sa rawarawa vua na Kalou me vakatubura na veivatu o qo me ra luve i Eparaama. 9Ia na matau sa no edaidai e na vu ni kau; ka sa ta laivi kina na kau kecega sa sega ni vuataka na vua vinaka, a sa biu ki na buka waqa.

10A sa tarogi koya ko ira na lewe vuqa, ka kaya, A cava me keimami cakava? 11A sa vosa ko koya, ka kaya vei ira, O koya sa rua na nonai curucuru, me solia vua sa sega na nona; me kitaka vaka talega kina ko koya sa tu vua na kakana.

12Sa qai lako talega mai ko ira e so na daukumuna nai vakacavacava me ra papitaisotaki, a ra sa taroga, Vakavuvuli, a cava me keimami cakava? 13A sa kaya vei ira ko koya, Dou kakua ni taura me levu cake e na ka sa lesi vei kemudou.

14O ira e so talega sai valu, era sa mai tarogi koya, ka kaya, A cava me keimami cakava? A sa kaya vei ira ko koya, Dou kakua ni vakacacana e dua, se beitaka vakailasu; dou lomavinaka talega e na kemudoui voli.

15Ia ni sa wawa ko ira na tamata, a sa vakananumi Joni e na lomadra ko ira kecega na tamata, se na Karisito ko koya, se segai; 16sa vosa ko Joni, ka kaya vei ira kecega, E dina kaʼu sa papitaisotaki kemudou e na wai: a sa lako mai ko koya sa levu cake vei keirau, ia na wa ni nonai vava kaʼu sa sega ni yaga meʼu sereka: ena papitaisotaki kemudou ko koya e na Yalo Tabu kei na buka waqa: 17ia sa taura na nonai sivi ni sila na ligana, ka na vakasavasavataka sara ko koya na sila ni nona rara, ka binia vata na sila ki na nona lololo; ka na vakama ko koya na qana e na buka waqa e tawa bokoci rawa. 18A sa vuqa tale na ka sa vunautaka ko koya vei ira na tamata e na nona vunau.

( 19Ia ko Eroti na turaga, ni sa vunauci koya ko koya e na vuku i Erotia na wati i Filipo na tacina, kei na vuku ni ka ca kecega sa kitaka ko Eroti, 20sa qai vakaikuritaka me levu cake, ni sa sogoti Joni e na vale ni veivesu.)

21Ia ni ra sa papitaisotaki tiko na tamata kece, sa papitaisotaki ko Jisu talega; ia ni sa masu tiko, sa wase rua ko lomalagi, 22a sa lako sobu mai vua vakayago na Yalo Tabu, me vaka na ruve; a sa dua na domo mai lomalagi, sa kaya, O iko na noqu Gone ni toko; au sa dauvinakati iko vakalevu.

23A sa voleka ni oti nai katolusagavulu ni yabaki i Jisu, o koya sa kainaki kina ni sa luve i Josefa, o koya na luve i Ili, 24o koya na luve i Macati, o koya na luve i Levi, o koya na luve i Meliki, o koya na luve i Janana, o koya na luve i Josefa, 25o koya na luve i Mataceia, o koya ua luve i Emosi, o koya na luve i Neumi, o koya na luve i Esili, o koya na luve i Nake, 26o koya na luve i Maaci, o koya na luve i Mataceia, o koya na luve i Semei, o koya na luve i Josefa, o koya na luve i Juta, 27o koya na luve i Joana, o koya na luve i Risa, o koya na luve i Soropepeli, o koya na luve i Salacieli, o koya na luve i Niri, 28o koya na luve i Meliki, o koya na luve i Ati, o koya na luve i Kosami, o koya na luve i Elimotami, o koya na luve i Eri, 29o koya na luve i Jose, o koya na luve i Elieseri, o koya na luve i Yorima, o koya na luve i Macati, o koya na luve i Levi, 30o koya na luve i Simioni, o koya na luve i Juta, o koya na luve i Josefa, o koya na luve i Yonani, o koya na luve i Eliakimi, 31o koya na luve i Melea, o koya na luve i Menani, o koya na luve i Mataca, o koya na luve i Nacani, o koya na luve i Tavita, 32o koya na luve i Isei, o koya na luve i Opeti, o koya na luve i Poasi, o koya na luve i Salimoni, o koya na luve i Naasoni, 33o koya na luve i Aminatapi, o koya na luve i Erami, o koya na luve i Esiromi, o koya na luve i Feresi, o koya na luve i Juta, 34o koya na luve i Jekope, o koya na luve i Aisake, o koya na luve i Eparaama, o koya na luve i Tera, o koya na luve i Neori, 35o koya na luve i Seruke, o koya na luve i Rekau, o koya na luve i Peleki, o koya ua luve i Eperi, o koya na luve i Sela, 36o koya na luve i Keinana, o koya na luve i Arifakisati, o koya na luve i Semi, o koya na luve i Noa, o koya na luve i Lemeki, 37o koya na luve i Mecusela, o koya na luve i Inoki, o koya na luve i Jereti, o koya na luve i Malelili, o koya ua luve i Keinana, 38o koya na luve i Inosi, o koya na luve i Seci, o koya na luve i Atama, o koya na luve ni Kalou.

Sélection en cours:

Luke 3: FIJ1864

Surbrillance

Copier