Pinongurugan 9
9
Janji nu Kinoringan so si Nuu
1Borokati yo nu Kinoringan si Nuu om inonakan niyo ri nu, “Poganak kou yo mongkupuan nu osuang, su' kopolak kiawi' solusuk muyu so pilolongkop nu wonuo tu.#Pgn 1:28 2Kiawi' bombolog, pait om kulos-kulos wokon lumaa' so ikau. Kiawi' miau nga opogkuosaan mu. 3Ourug ono kiawi' nu ookanon mu, soko ono ya tonom-tonoman. Kiawi' nu ono nitaak Ku so ikau nu ookanon mu. 4Pagka isai yo po miau nga kiat-a so raa', ido yo su dai kowasa muyu okanon, ono onsi kiraa' no po.#Ot 7:26-27; 17:10-14; 19:26; Pom 12:16,23; 15:23 5Isai momatoi nu inong niyo, intawa kulos-kulos momatoi nu lobuw, ukumon Ku.
6Lobuw-o po inurug Ku
koogio so Aku.
Pagka soko ono,
isai momatoi nu lobuw,
iyo nga otoop potoyon nu lobuw.
#
Kin 20:13; Pgn 1:26 7Rumayat kou yo,
su' kopolak solusuk muyu
so pilolongkop nu wonuo tu,”
koo.#Pgn 1:28
8Mutongaro yo Kinoringan so si Nuu om inonakan niyo ri nu, 9“Kosiono mongojanji Aku so kou om so solusuk muyu, 10om kiawi' winangun Ku nu miau-o, ono yo kobombologan, om kiawi' kulos-kulos so tidong, iri linumabus kiat so kapal maid so kou ri. 11Itu yo su janji Ku so kou. Kiawi' pinuwangun Ku nu miau, dai Ku yo sono luwuson nu loni'. D'ado yo sono loni' maayo mongusiba' nu wonuo tu.
12-13Buluntung iitu yo su pongilaan nu otatap janji Ku so kou om kiawi' winangun Ku nu miau-o. Nitou' Ku ono so kawut, pongilaan nu porojonjian Ku so wonuo tu. 14Bang tombolon Ku yo nu kawut langit-o, om osiou sono buluntung, 15ondoman Ku yo janji Ku so kou om winangun Ku ono miau-o, nu dai yo sono luwuson nu loni' maayo onu yo po miau. 16Koduung mintolang-o buluntung so kawut, osiou Ku ya om ondoman Ku yo janji otatap Ku so kiawi' miau so wonuo tu. 17Ono yo su pongilaan nu janji Ku so pinuwangun so wonuo tu,” koo.
Si Nuu om inonakan niyo
18Inonakan-o po ni Nuu linumabus kiat so kapal iiri si Sim, si Yapit om si Ham. (Si Ham-o po amo ni Kanaan.) 19Kitolu-tolu nu anak ni Nuu oono yo su aki rumpungan nu kiawi' lobuw so wonuo tu.
20Si Nuu yo po moomutanom, om minonanom iyo nu wakau ingoranan nu anggur, om iyo yo togna momulo nu anggur. 21Ido runat, nokoinum-o po si Nuu nu sungoi nu anggur, noowukan sono iyo. Luuso yo niyo pokakas niyo ri om moturuw-o yo lobas-lobas so bosalag niyo ri. 22Nosiou-o po ni Ham, anak toudi, iri amo ni Kanaan, nu lobas-lobas amo niyo ri, lumobuso yo iyo om obari yo so duo sulod niyo ri. 23Nga mongolapo yo sono si Sim om si Yapit nu sabung olanggau om yoyaki yo so kayab nosiro ri. Sumunsuruto yo nosiro masuw so bosalag-i, potangkub nu sabung iiri dii so amo nosiro ri, su' dai osiou amo nosiro ri lobas-lobas.
24Noingkoyod-o po awuk ni Nuu, om noilaan niyo kogoyaan oraai nu anak toudi niyo iiri, 25mutongaro yo iyo nu,
“Owusung-o si Ham,
iri amo ni Kanaan!
Ouripon iyo
nu kosusulodan niyo ong wagu.
26Royowon-o TUHAN,
Kinoringan ni Sim!
Ouripon-o ni Sim si Ham,
iri amo ni Kanaan.
27Muda-mudaan
borokatan nu Kinoringan si Yapit,
om paayo nu polak niyo.
Muda-mudaan kopuido ya
solusuk niyo om solusuk ni Sim.
Ouripon-o ni Yapit si Ham,
iri amo ni Kanaan,”
koo.
28Tolu po naatus limo nopulu toun laid ni Nuu miau nu nokotalib loni' maayo iiri. 29Minatoi iyo nu siwoi naatus limo nopulu toun umur niyo.
Sélection en cours:
Pinongurugan 9: TomPWPgLgPn
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2023 (Active), Wycliffe Bible Translators, Inc. All rights reserved.
