Pinongurugan 10

Solusuk nu inonakan ni Nuu

1Itu yo solusuk nu inonakan ni Nuu, si Sim, si Yapit om si Ham. Nokotalib-o po loni' iiri, kitolu-tolu so nosiro kianak-o sono nu kusoi.

2Inonakan-o po ni Yapit, si Gumir, Magog, Madai, Yawan, Tubal, Misik om si Tirus. 3Solusuk-o po ni Gumir minolak so Askinas, Ripat om Tugarma. 4Solusuk-o po ni Yawan minolak so Ilisa, Sopanyul, Siprus om so Rodi. 5Nosiro yo oono odu aki nu lobuw minolak so imbing om so ongo puru, ono yo solusuk ni Yapit. Ido soido nu suku-sakat minolak so tontong nosiro kondiri, om kitangar nosiro kondiri.

6Inonakan-o po ni Ham, si Kuus, Masir, Libia om si Kanaan. 7Solusuk-o po ni Kuus minolak so Siba, Awila, Sabta, Raima om Sabtika. Solusuk-o po ni Raima minolak so Siiba om Didan.

8Si Kuus-o po kianak nu kusoi, ingoranan so si Nimrud, om iyo yo su lobuw togna obantug so wonuo tu. 9Kiat so ponobangon nu Kinoringan, nosiliw iyo nu moomogasu. Ono yo sono su pongindaitan nu lobuw nu, “Muda-mudaan ong siliwon ko nu TUHAN nu moomogasu opintar soko si Nimrud,” koo. 10Pogkuosaan togna niyo nokologa' so Babil, Irik om Akad. Kitolu-tolu nu bandar oono so tana' nu Babilunia. 11Kiat dii minian iyo so tana' nu Asur, om momaalo yo iyo nu bandar Niniwi, Rihubut-Ir, Kala, 12om Risin so puola'an nu Niniwi om Kala, iri bandar sobana ko obantug.

13Solusuk-o po ni Masir minolak so Lidia, Anamim, Liabim, Naptuim, 14Patrusim, Kasluim om Kapturim. Lobuw oono yo su odu aki nu bansa Pilistin.

15Inonakan-o po ni Kanaan, si Sidun om si Iit. 16Si Kanaan pona aki rumpungan-a nu bansa Yibusi, Amuri, Girgasi, 17-18Iwi, Arki, Sini, Arwadi, Simari om Amati. Suku-sakat nu bansa ni Kanaan oono nokolongkop, 19om pubaatan nu tontong pinolakan nosiro rinumarad kiat so Sidun kumoo so solatan sumundur so Girar, so obi' nu Gaja, om rinumarad umpak so pusitan nokologa' so Sodom, Gomura, Adma om Jibuim, so obi' nu Lasa. 20Ono yo kiawi' solusuk ni Ham. Ido soido nu suku-sakat minolak so tontong nosiro kondiri, om kitangar nosiro kondiri.

21Si Sim-o su ongko ni Yapit, aki rumpungan nu kiawi' bansa Ibrani. 22Inonakan-o po ni Sim, si Ilam, Asur, Arpaksad, Lud om si Aram. 23Solusuk-o po ni Aram minolak so Uus, Uul, Gitir om Maas. 24Si Arpaksad-o po amo ni Siila, om si Siila yo po amo ni Ibir. 25Si Ibir kianak duo kusoi, ngaran nu ongko ri si Pilig,#10:25: Orati yo po nu Pilig so tangar Ibrani nga, noias-ias. so' nopuanak iyo nu kinoias-iasan nu kiawi' bansa so wonuo tu, om koduo ri ingoranan so si Yuktan. 26Solusuk-o po ni Yuktan minolak so Almudad, Silip, Ajarmawit, Yira, 27-28Aduram, Ujal, Dikla, Ubal, Abimail, Siiba, 29Upir, Awila om Yubab. Kiawi' nu ono solusuk ni Yuktan. 30Tontong pinolakan nosiro minayo kiat so Misa om nokologa' so Sipar, tontong nu kobubuludan umpak so pusitan. 31Ono yo kiawi' solusuk ni Sim. Ido soido nu suku-sakat minolak so tontong nosiro kondiri, om kitangar nosiro kondiri.

32Kiawi' nu ono solusuk ni Nuu, kiat so koido bansa kumoo so bansa wokon mongowaid nu solusuk nosiro ido soido. Nosiro yo su inimpuunon nu ongo bansa so wonuo tu nu nokotalib loni' maayo ri.

Sélection en cours:

Pinongurugan 10: TomPWPgLgPn

Surbrillance

Copier