Laoidhean 20

LAOIDH 20

Isaiah 24.1-7

1Cia glòrmhor àluinn caithir Dhé!

Sion cia breagh a snuadh!

Innte chuir Dia a chaithir‑righ,

chum marsuinn siorruidh buan.

2A balla dìonaidh e le 'ghràs,

gu làr cha tuit i chaoidh;

Ni slàinte tèarmunn di gach taobh,

's ifrinn cha‑n fheud a claoidh.

3A dhorsa siorruidh, éiribh suas,

fosglaibh gu luath o chéil';

'S gu'n rachadh naomh‑shluagh Dhé a steach

a thug d'a reachd‑san géill.

4An so gun airceas mealaidh sibh

sìth shòlasach gu bràth;

Sibhse le n' ionmhuinn àrd‑ainm Dhé

's tha deanamh buìn á 'ghràs.

5Earbaibh á Dia sìor‑earbaibh as;

gach eagal fògraibh uaibh;

Aig Dia tha cumhachd chum 'ur dion,

feadh linn nan linn gu buan.

6Còmhnuidh nan droch dhaoin', ged is àrd

bheir Dia le 'làimh i nuas;

'S am mòr‑chuis tilgidh esan sìos,

co ìosal ris an uaigh.

7Saltraidh am bochd an sin le tàir,

air àrois àrd' nan daoi:

Tràth bhios iad ànte air an làr,

gun éirigh 'n àird a chaoidh.

Sélection en cours:

Laoidhean 20: LSN1987

Surbrillance

Copier

Tu souhaites voir tes moments forts enregistrés sur tous tes appareils? Inscris-toi ou connecte-toi

Versets bibliques populaires de
Laoidhean 20