Čơdơ̆ng Phŭn 13
13
Abram Hăng Lot Pơčơlah Tơdruă
1Abram tơbiă mơ̆ng gah kơdư kơ čar Êjip nao truh pơ gah dơnŭng lŏn čar Kanaan, jing tring Nêgep, wơ̆t hăng bơnai ñu laih anŭn hrŏm abih bang mơnơ̆ng ñu hmâo, Lot ăt nao hrŏm hơbĭt hăng ñu mơ̆n. 2Abram jing mơnuih pơdrŏng biă mă, ñu hmâo lu triu, bơbe, rơmo wơ̆t hăng prăk laih anŭn mah. 3Mơ̆ng Nêgep, ñu đuaĭ nao pơjưh ƀrư̆ ƀrư̆ mơ̆ng rĭm anih tơl truh pơ Bêthel, truh pơ sa boh anih jing anih ñu hmâo pơdơ̆ng laih anih jưh hlâo adih, dŏ tơ̆ng krah Bêthel hăng Ahi, 4jing anih tal blŭng ñu hmâo pơdơ̆ng kơƀang ngă yang. Ƀơi anih anai, Abram iâu kơwưh anăn Yêhôwa.
5Lot, pô nao hrŏm hơbĭt hăng Abram, ñu ăt hmâo lu triu, rơmo, laih anŭn anih anom. 6Anih lŏn anŭn ƀu djŏp anih kơ dua gơñu dŏ hrŏm hơbĭt ôh, yua kơ dram gơnam gơñu lu đơi tơl gơñu ƀu dưi hơdip hrŏm ôh. 7Hloh kơ anŭn dơ̆ng, tơ̆ng krah ƀing mơnuih wai triu Abram hăng ƀing mơnuih wai triu Lot hmâo tơlơi pơmiă pơrơsua. Hlăk anŭn ƀing mơnuih Kanaan hăng mơnuih Pêrisit hlăk dŏ hơdip amăng anih lŏn anŭn.
8Tui anŭn, Abram laĭ hăng Lot: “Ƀing ta jing drah kơtăk hrŏm hơbĭt, tơ̆ng krah kâo hăng ih, tơ̆ng krah ƀing mơnuih wai triu kâo hăng ƀing mơnuih wai triu ih, anăm hmâo tơlơi pơrơsua dơ̆ng tah. 9Ƀu djơ̆ ôh hă abih tring hlăk dŏ gah anăp ih? Brơi ih tơklah bĕ mơ̆ng kâo. Tơdah ih ruah gah iao, kâo či tŭ gah hơnuă; tơdah ih ruah gah hơnuă, kâo či tŭ gah iao.” 10Lot angak đĭ mơta laih anŭn ñu ƀuh abih anih lŏn daŏ ia krong Yurdan truh pơ plei Sôar. Hlâo Yêhôwa pơrai hĭ plei Sôđôm hăng plei Gômôrơ, anih anai ăt jing anih hmâo ia tuh kar hăng đang Yêhôwa,#13:10 đang Yêhôwa: kiăng laĭ nao war Êđen. ăt kar hăng čar Êjip mơ̆n.#Čơd 2:10. 11Lot ruah kơ ñu pô abih bang anih lŏn daŏ ia krong Yurdan laih anŭn anăp nao pơ gah ngŏ. Tui anŭn, dua gơñu pơčơlah hĭ tơdruă. 12Abram dŏ amăng čar Kanaan, Lot dŏ amăng khul plei pơ anih lŏn daŏ laih anŭn pơdơ̆ng sang khăn ñu ƀơi Sôđôm. 13Mơnuih Sôđôm sat ƀai biă mă, laih anŭn ngă soh prŏng biă mă hăng Yêhôwa.
Tơlơi Ơi Adai Ƀuăn Kơ Abram
14Tơdơi kơ Lot tơklah mơ̆ng Abram, Yêhôwa laĭ kơ Abram: “Mơ̆ng anih ih hlăk dŏ dơ̆ng, angak mơta lăng bĕ pơ abih pă akiăng, gah ngŏ, gah yŭ, gah kơdư, gah dơnŭng. 15Abih bang anih ih hmâo ƀuh, Kâo či brơi kơ ih hăng kơnŭng djuai ih hlŏng lar.#Bruă 7:5. 16Kâo či ngă brơi kơnŭng djuai ih lu kar ƀruih ƀơi lŏn tơnah; tơdah hlơi dưi yap ƀruih ƀơi lŏn tơnah, pô anŭn ăt dưi yap kơnŭng djuai ih mơ̆n. 17Ră anai, rơbat hyu bĕ tar ƀar čar anai, yua kơ Kâo či brơi lŏn čar anai kơ ih.”
18Abram ruh sang khăn nao pơdơ̆ng giăm jĕ khul kơyâo mơyang Mamrê, ƀơi Hêbron, laih anŭn pơdơ̆ng ƀơi anŭn sa boh kơƀang ngă yang brơi kơ Yêhôwa.
Sélection en cours:
Čơdơ̆ng Phŭn 13: JRA2016
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2016 United Bible Societies. All rights reserved.
