INṬANNA 23
23
Sara thi thu Abrahamin thlân hmun ân châwk
1Sara dam sûng chu kum za le sâwmhni le pasari a nih: chu chu Sara dam sûng kum chu a nih.
2Sara chu Kanaan rama Kiriath-arbaa chun a thi a (chu chu Hebron khuo a nih): chun Abraham chu Sara chunga ṭap ding le sûn dingin a hung a.
3Chun, a mithi ruong hmaa chu a tho a, Heth thlahai kuoma chun,
4 #
Heb 11.9,13 “Nangni lai mikhuol le inpêm el ka ni a; ka mithi ruong hi ka phûm hmang theina dingin nangni lai hin inphûmna hmun ding ram mi pe ro,” a ti a.
5Hit mihai chun Abraham chu an dawn a, a kuomah,
6“Pu, lo ngai ta, nang chu keini lai hin lal ropuitak i ni a, kan thlânhaia hin i nuomna takah i mithi chu phûm el rawh, i mithi i phûmna dingin keini lai tukhawmin kan thlânhai pêk che inro naw ning ungah,” an ti a.
7Chuongchun, Abraham chu a tho a, chu rama mi, Hit mihai chu chibai a bûk a.
8Chun, “Ka mithi chu ka phûm hmang in remti chun, mi lo ngai unla, Zohar naupa Ephron kuomah mi hnipêk unla,
9a lo mawnga um amân a inei, Makpelaa pûk kha mi pe dingin. Inphûmna hmuna nei sawng dingin a man âwm tâwk intêlin nangni hrietah mi pe raw se,” a ti a.
10Ephron chu Hit mihai lai chun a ṭhung ve zing a: chuongchun, Hit mi Ephron chun Hit mihai hrietah, a khaw kul kawtkhâra lût taphawt hriet ngeia chun Abraham chu a dawn a,
11“Ni lo e, pu, mi lo ngai ta, lo chu ka pêk che a, a sûnga pûk um khawm chu ka pêk bawk che; ka chipuihai nauhai mithmua hin ka pêk che a nih, i mithi chu phûm el rawh,” tiin.
12Chun, Abraham chu chu rama mihai hmaa chun a kûn a, chibai a bûk a.
13Chun, chu rama mihai hrieta chun Ephron kuomah, “Rem i ti chun, lunginsiettakin mi lo ngai la, lo man chu pe el lem ka ti che: ka kuoma inthawkin la la, chuongchun, ka mithi chu phûm ka tih,” a ti a.
14Ephron chun Abraham chu a dawn a, a kuomah,
15“Pu, mi lo ngai ta, hnuoi tangka sekel za li man dâm chu nang le keia ta dingin hril khawp am nîng a ti? I mithi chu phûm el rawh,” a ta.
16 #
Tt 7.16
Abraham chun Ephron thu chu a zâwm ta a; Hit mihai hrietah, tangka a ihril zât, chu hun laia sumdâwnghaiin an ibûk hlak anga, tangka sekel za li, Ephron ta dingin a bûk ta a.
17Chuongchun, Mamre zâwna#RSV , TEV. Mamre saka Makpelaa Ephron lo chu, a lo, a sûnga pûk um, loa thing um po po le a lo ri vêla thing um po po le chun,
18Hit mihai mithmua le a khaw kul kawtkhâra lût taphawthai mithmua chun nei sawng dingin Abraham kuomah pêkin a um ta a.
19Chu hnunga chun Abraham chun a nuhmei Sara chu Kanaan rama Mamre (chu chu, Hebron) zâwna Makpelaa loa pûka chun a phûm ta a.
20Chuongchun, lo le a sûnga um pûk chu inphûmna hmuna nei sawng dingin Abraham kuomah Hit mihai chun an pêk suok ta a.
Sélection en cours:
INṬANNA 23: HMOVBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
