INṬANNA 22
22
Isak inhlân dinga Abraham kuoma thupêk
1 #
Heb 11.9,13 Chuong thil hnunga chun Pathienin Abraham chu a fie a, a kuomah, “Abraham” a ta. Ama chun, “Hitaka hi ka um” a ta.
2Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti che a, pumrawhmang inhlânah inhlân rawh,” a ti a.
3Chun, Abraham chu zîngkâr inhmatakin a tho a, a sabengtung a siem a, a kuomah a siehlaw tlangvâl pahni a ṭhuoi a, a naupa Isak le chun; chun, pumrawhmanga inthawina ding chun thing a chêk a, a tho a, Pathienin a hrilna hmun tieng chun a fe ta a.
4A ni thum nia chun Abraham chun a hang en a, a hmun chu hlatakah a hang hmu a.
5Chuongchun, Abraham chun a siehlaw tlangvâlhai kuoma chun, “Hitaka hin sabengtung le hin lo um ro, kei le naupang hi sawtaka sawn fêng kan ta; chun Pathien va bieng kan ta, in kuomah hung kîr nâwk kan tih,” a ta.
6Abraham chun pumrawhmang inhlânna thing chu a lâk a, a naupa Isak chu ân puttir a: ama chun mei le chemte a chawi a, chuongchun, an pahni chun an fe ta a.
7Chun, Isakin a pa Abraham chu a biek a, “Pa,” a ti a. Ama chun, “Hitaka hi ka um, ka naupa,” a ti a. Chun, ama chun, “En ta, mei le thing chu a um a; anleh pumrawhmanga inhlân ding berâmte chu khawlai am a um a?” a ti a.
8Abraham chun, “Ka naupa, Pathienin ama ta dinga pumrawhmang inthawina ding berâmte chu ngaituo fâwm el a tih,” a ti a: chuongchun, an pahni chun an fe pei ta a.
9 #
Jak 2.21 Chun, Pathienin a hril hmun chu an va tlung a; Abraham chun chutaka chun maichâm a siem a, thing chu a sep khâwm a, a naupa Isak chu a khuop a, maichâma thing chunga chun ân zâltir a.
10Chun, Abrahamin a kutin a ban a, a naupa sukhlumna dingin chemte chu a lâk a.
11Nisienlakhawm, Lalpa vântirkoin vâna inthawkin ama chu a zuk ko a, “Abraham, Abraham,” a zuk ti a; ama chun, “Hitaka hi ka um,” a ta.
12Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.
13Chun,Abraham chu a hang ngha a, a en a; a hnungtieng chun berâmchal a ki thinghnawka lo intâng tlat hi a hmu a: chuongchun, Abraham chun berâmchal chu a va man a, chu chu a naupa aiah pumrawhmang inhlânna ding chun a hmang ta a.
14Chuongchun, Abrahamin chu hmun hminga chun “Lalpain ngaituong a tih”#Jehova-Jire ti ân bûk a; vawisûn chena “Lalpa tlânga chun ngaituo nîng a tih,” an ti hlak ang hin.
15Chun, Lalpa vântirko chun a ṭum hninaah vâna inthawkin Abraham chu a zuk ko a,
16 #
Lk 1.73; Heb 6.13-14; 11.12 “Lalpa chun,‘Mâni le mâni insâlin kân khâm a nih: Hi thil hi i thaw ta lei le, i naupa, i nei sun khawm chu în ro naw leiin
17mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,
18 #
Tt 3.25; Gal 3.16 i thlahaia chun khawvêla chi tin la thawveng an tih’ a tih,” tiin.
19Chuongchun, Abraham chu a siehlaw tlangvâlhai kuoma chun, a kîr nâwk ta a, chun, an tho a, Beer-sebaa chun, an fe tâwl ta a: chun Abraham chu Beer-sebaah a um ta zing a.
Nahor thlahai
20Chuong thil hnunga chun, “Ngai ta, Milka khawm khan i sang Nahor chu nauhai a neipêk tah,” tiin Abraham chu hrilin a um a.
21An nau lutîr chu Uz, a sang chu Buz a nih, Aram pa Kemuel leh;
22Chesed, Hazo, Pildas, Jidlaph le Bethuel an nih.
23Bethuel chun naunuhmei Rebeka a nei a; chuonghai pariet chu Milka chun Abraham sangpa Nahor chu a neipêk a.
24A hmei, a hming Reuma khawmin Teba, Gaham, Tahas le Maaka a nei bawk a.
Sélection en cours:
INṬANNA 22: HMOVBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
