Genesis 6
6
Yuut Assiiluciat
1Yuut amlleriut saggluteng nunamun, nasaurlurnek-llu irniangluteng. 2Ilaita qilagmiut tangrrait paniita kenegnartaciit cucukek'ngameggnek-llu nulirturluteng. 3Tua-llu Ataneq qanertuq, “Yuk unguvamavkarngaitaqa tuquarkauluni taqumiin. Waken ayagluni unguvangaituq allrakut yuinaat arvinlegen (120) cipluki.” 4Tamaani yugpagtangqellruuq nuna. Agayutem qetunrai kinguvengellruut yuut paniita irniaritnek. Tamakut alingyuilnguullruut niitnaulriaruluteng-llu.
5 Atanrem tangrrai nunam yui assiitqapiggluteng kesianek, umyuangcarluteng assiilngurnek caliarkameggnek. 6Ciinllugguarauq ilulliqluni-llu yugmek pilillruciminek yirluku nuna. 7Tua-i-llu Ataneq qanerluni, “Piunrirciqanka yuut piliallrenka, ungungssit mikellriit angelriit, yaqulget-llu, ciinllugguariima piliaqellrucimnek.” 8Tau͡gaam Atanrem ilukegcitkaa Noah.
Noah
9Waniwa Noah-mek qanemcit. Noah ellualriarullruuq canganarqutaunani kiimi yuullgutmini. Yuuluni pillgutekluku Agayun. 10Qetunrarluni-llu pingayunek ukunek: Shem-aq, Ham-aq, Japheth-aaq-llu. 11Tau͡gaam ellam yui assiirutut Agayutem tangellrani, tamalkurmeng ilalkuurulluteng. 12Agayutem tangvallrani ellam yuin tamarmeng assiilnguq aturluku.
13Agayutem Noah qanrutaa, “Umyuangua yuut tamalkuita piunrirnaluki, tamarmeng ellam yui arenqialata ilalkuurulluteng. 14Angyarpali muragmek assilriamek uitavililuki ucii, taarrluku ilua elatii-llu. 15Taktaluku yuinaat yuinaat, yuinaagnek malrugnek qulnek cipluku (450) it'ganernek, iqtutaluku-llu yuinaat pingayun akimiarmek cipluku (75) it'ganernek, yuinaak malruk tallimanek cipluku (45) it'ganernek quyigtaluku. 16Qiliqiu angyarpak qacarnerin qilii tekisngavkenaku yaaltam avganek (18 inches). Qullilirluku malrugnek amilirluku-llu qacarnerakun. 17Tangerrluku ulerpagcetqata'arqa nuna unguvangqellriit tamalkuita piunrirluki. Anerteqelriit tamarmeng piunrirciqut, 18tau͡gaam akqutmek taquciiqua elpenun. Ekniartuci angyarpagmun, elpet, nulian, qetunraten, qetunrarpet-llu nulirrit. 19-20Angyamun-llu ekluki malruuqaqluki arnacaluq angucaluq-llu tamalkuitnek ungungssinek yaqulegnek-llu, nangenritniartut. 21Qemagciluten angyam iluanun elpeci neqkarpecen̄ek, tamakut-llu neqkaitnek.” 22Noah-m-llu Agayutem alerquutii tamalkuan aturluku tuaten piuq.
Sélection en cours:
Genesis 6: YPK
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Yupik Bible © 2012 American Bible Society. All rights reserved.