Genesis 5
5
Adam-aam Kinguvri
1Waniwa Adam-aam kinguvri. Agayun yugnek pilillermini ellmitun ayuqluki piliaqellrui. 2Piliaqak aipaa angutnguluku aipaa-llu arnauluku. Atawaqaasqak aperlukek-llu yuugnek. 3Adam-aaq-llu yuuguq allrakuni yuinaat arvinlegen qulnek cipluku (130), qetunranguq-llu ellmitun ayuqellriamek; acirluku-llu Seth-amek. 4Seth-am-llu yuurtellran kinguani cali unguvauq allrakuni tiissitsaam avga yuinaat-wa akimiaq (800), allanek-llu qetunrangluni paningluni-llu. 5Tuaten pitalriamek Adam-aaq unguvauq tuquluni-llu allrakungluni tiissitsaam avga, yuinarnek yuinaq atauciq qulnek cipluku (930).
6Seth-aq-llu allrakungluni yuinaat talliman tallimanek cipluku (105) qetunrangellruuq Enosh-aamek. 7Seth-aq-llu Enosh-aamek qetunrangellmi kinguani unguvauq tiissitsaam avga, yuinaat akimiaq malrunlegnek cipluku (807) allrakuni, allanek-llu qetunrangluni paningluni-llu. 8Tapeqluteng Seth-am allrakui amllertaut tiissitsaam avga, yuinaat yuinaat qula malrugnek cipluku (912) yuunrirluni-llu.
9Enosh-aaq-llu allrakungluni yuinaat cetaman qulnek cipluku (90) qetunrangellruuq Kenan-aamek. 10Kenan-aamek-llu qetunrangellmi kinguani Enosh-aaq unguvaluni tiissitsaam avga, yuinaat akimiaq akimiarmek cipluku (815) allrakungluni. Allanek-llu qetunrangluni paningluni-llu. 11Tapeqluteng Enosh-aam allrakui amllertaut, tiissitsaam avga, yuinaat yuinaat tallimanek cipluku (905) yuunrirluni-llu.
12Kenan-aaq-llu yuinarnek pingayunek qulnek cipluku (70) allrakungeqerluni irnianguq Mahalalel-aamek. 13Kenan-aaq-llu Mahalalel-aamek irniangellmi kinguani cali unguvauq, tiissitsaam avga, yuinaat-wa akimiaq malruk (840) allrakuni, allanek-llu qetunrangluni paningluni-llu. 14Tapeqluteng Kenan-aam allrakui amllertaut tiissitsaam avga, yuinaat yuinaat qula-wa (910). Yuunrirluni-llu.
15Mahalalel-aaq-llu allrakungluni yuinarnek pingayunek tallimanek cipluku (65) Jared-aamek irniangellruuq. 16Mahalalel-aaq-llu irniangellermi Jared-aamek kinguakun unguvauq allrakuni tiissitsaam avga, yuinaat-wa akimiaq atauciq qulnek cipluku (830). Allanek-llu qetunrangluni paningluni-llu. 17Tapeqluteng Mahalalel-aam allrakui amllertaut tiissitsaam avga, yuinaat-wa akimiaq cetaman, akimiarmek cipluku (895). Yuunrirluni-llu.
18Jared-aaq-llu allrakungluni yuinaat pingayunelgen malrugnek cipluku (162) irniangellruuq Enoch-aamek. 19Jared-aaq-llu irniangellmi Enoch-aamek kinguani unguvallruuq allrakuni tiissitsaam avga, yuinaat-wa akimiaq (800) irniangluni-llu allanek. 20Jared-aam-llu allrakui tapeqluteng amllertaut tiissitsaam avga, yuinaat-wa yuinaq pingayun, malrugnek cipluku (962). Yuunrirluni-llu.
21Enoch-aaq-llu allrakungluni yuinaat pingayun tallimanek cipluku (65) qetunrangellruuq Methuselah-mek. 22Enoch-aaq-llu Methuselah-mek qetunrangellmi kinguani unguvauq niisngaluku Agayun allrakuni yuinarni akimiarni (300) allanek-llu irniangluni. 23Enoch-aam allrakui amllertallruut yuinaat akimiaq pingayun tallimanek cipluku (365). 24Enoch-aaq-llu Agayun niisngallruamiu tuqullrunrituq, Agayutem ayaucani.
25Methuselah-llu yuinaat qulngunritaraat malrugnek cipluku (187) allrakungeqerluni irniangellruuq Lamech-aamek. 26Lamech-aam-llu yuurtellran kinguani Methuselah cali unguvauq tiissitsaam avga, yuinaat-wa akimiarunrita'ar malrugnek cipluku (782) allrakuni, irniangluni-llu allanek. 27Methuselah-m allrakui tapeqluteng amllertaut tiissitsaam avga, yuinaat yuinaq pingayunek cipluku, qulngunrita'arnek cipluku (969). Yuunrirluni-llu.
28Lamech-aaq-llu allrakungluni yuinaat qulngunritaraan malrugnek cipluku (182) qetunrangellruuq. 29Aciraa-llu Noah-mek#5.29: Noah: Una ateq taringumaat Hebrew-t waten: “umyuarniurutairrluni.” qanerluni, “Nunamek Atanrem aniqlaallranek uum utumarivkarciqaa cakviurluta calilallerput.” 30Noah-m yuurucian kinguani Lamech-aaq unguvauq allrakuni tiissitsaam avga, yuinaat-wa cetaman akimiarmek cipluku (595), irniangluni-llu cali allanek. 31Lamech-aam-llu allrakui tapeqluteng amllertaut tiissitsaam avga, yuinaat-wa qula malruk akimiaq malrugnek cipluku (777). Yuunrirluni-llu.
32Noah-llu allrakunguq tiissitsaam avganek (500) qetunrangluni-llu pingayunek: Shem-amek, Ham-amek, Japheth-aamek-llu.
Sélection en cours:
Genesis 5: YPK
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Yupik Bible © 2012 American Bible Society. All rights reserved.