Versets bibliques populaires de यहुन्ना 3

Partager

“कैलैकि परमेश्‍वरै धौतरी रै लोगु आइलै इणौ प्यार छ़ाड़ौ कि परमेश्‍वरै आपणौ एकलौतौ छ़ोहरु दैऔ, ताकी ज़ुण-कुण भी तेस माथै विश्वास कौरालौ सेऊ नाश नाईं औआ, पर सौदा री ज़िन्दगी पा।

परमेश्‍वरै आपणौ छ़ोहरु धौतरी दी एज़ी ताइंऐ नाईं भेज़ौ, कि धौतरी रै लोगु माथै सौज़ा रौ हुकम दिआ, पर एज़ी ताइंऐ कि धौतरी रै लोग तेसरै ज़ौरिऐ छ़ुटकारौ पा।

यीशुऐ तेसलै ज़वाब दैऔ, “हाऊं तुमुलै सौच़्च़ौ-सौच़्च़ौ बोलाऊ, अगर कुण दुजी बारै पैदौ नाईं हुआ लौ ता परमेश्‍वरा रौ राज़ नाईं देखी बौल़दौ।”

ज़ुण मुं माथै विश्वास कौरा आ, तेस माथै सौज़ा रौ हुकम नाईं औन्दौ, पर ज़ुण विश्वास नाईं कौरदौ, सेऊ आरोपी बौणी जा। एथीलै की तिणीऐ परमेश्‍वरा रै एकलौतै छ़ोहरु रै नावां माथै विश्वास नाईं कियौ।

और सौज़ा रै हुकमा रौ कारण एऊ आ की प्याशौ धौतरी दी आशौ आ, और आदमीउऐ न्यारौ प्याशै कु प्यारौ ज़ाणौ कैलैकि तिंउरै काम बुरै थै।

ज़ुरुरी आ कि सेऊ बौड़ा, और हाऊं घौटू।

कैलैकि ज़ुण बुराई कौरा सा, सेऊ सौच़्च़ाई कु नफरत छ़ाड़ा सा, और प्याशै रै नज़दीक नाईं आशदौ, इणौ ना च़ांई हुऔ कि तेसरै बुरै कामा माथै आरोप लागा।

ज़ुण परमेश्‍वरा रै छ़ोहरु माथै विश्वास कौरा सा, सौदा री ज़िन्दगी तेसरी आ। पर ज़ुण परमेश्‍वरा रै छ़ोहरु री नाईं मानदौ, तेसलै सौदा री ज़िन्दगी नाईं मिलदी, पर परमेश्‍वरा रै सौज़ा तेस माथै रौआ ई।”

और ज़ेज़ी रीती कौरी मुसै ज़ांगला दी साप उंच़ै माथै चौड़ाऔ, सेज़ी रीती कौरी ज़ुरुरी आ की मुं आदमी रौ छ़ोहरु भी उंच़ै माथै चौड़ाऊणौ च़ांई।

बाब परमेश्‍वर छ़ोहरु कु प्यार छ़ाड़ा आ, और तिणीऐ सारी च़िज़ै तेसरै हाथा दी देई गोई आ।