Versets bibliques populaires de यहुन्ना 4

Partager

परमेश्‍वर आत्मा आ एथीलै ज़ुरुरी सा कि तेसरी आराधना कौरणै वाल़ै आत्मा और सौच़्च़ाई कौरी आराधना कौरा।”

पर सेऊ बौगत आशा सा, और इबी भी आ, ज़ेथदी सौच़्च़ै भौगत बाबा री आराधना आत्मा और सौच़्च़ाई कौरी कौरा ई, कैलैकि बाब आपुलै इणै ई आराधना कौरणै वाल़ै लोड़ा आ।

पर ज़ुण-कुण तेस पाणी कु पिया लौ ज़ो हाऊं तेसलै देउलै, सेऊ तैबै केबी भी चिशौ नाईं रौआ लौ। (ज़ेबी झ़ांऊ धौतरी रौआ ली) पर ज़ो पाणी हाऊं तेसलै देउलै, सेऊ तेसदी एक मूल़ बौणा आ ज़ो सौदा री ज़िन्दगी झ़ांऊ बौइंदै रौआ आ।”

यीशुऐ ज़वाब दैऔ, “अगर तू परमेश्‍वरा रै वरदान ज़ाणा थी, और इणौ भी ज़ाणा थी कि सेऊ कुण आ ज़ो ताउंलै बोला सा, ‘मुलै पाणी पिलाऊ’ ता तू तेसकु मांगा थी, और सेऊ ताउंलै ज़िन्दगी रौ पाणी दिआ थौ।”

यीशुऐ तिउंलै बोलौ, “मेरी रोटी एज़ी आ कि आपणै भेज़णै वाल़ै री मौरज़ी रै मुताबिक च़ालू और तेसरौ काम पुरौ कौरु।

छ़ेउड़ीऐ तेसलै बोलौ, “ओ प्रभु, ताऊं कै पाणी भौरना लै ता कुछ़ आसतौ भी नाईं, और कुंऔ डुंगौ आ। तैबै सेऊ ज़िन्दगी रौ पाणी ताऊं कै किदरा कु आशौ आ?

छ़ेउड़ीऐ तेसलै बोलौ, “हाऊं ज़ाणाऊ कि मसीह ज़ासलै ख्रिस्ट बोलाई, आशणै वाल़ौ आ। ज़ेबी सेऊ आशा लौ ता आमुकै सारी बुशै बोल़ा आ।” यीशुऐ तियांलै बोलौ, “हाऊं ज़ो ताऊं आइलै बोलदेऊ लागौ औन्दौ, सेऊ ऊ।”

“आशौ, एक आदमी देखौ, ज़ो कुछ़ मुंइऐ कियौ आ मुलै बोली गौ आ। हाऊं ता एस ज़ाणदौ भी नाईं का एऊ ता नाईं मसीह?”