Versets bibliques populaires de လု 13

Partager

မၼ်းၸဝ်ႈ​ၶိုၼ်း​လၢတ်ႈ​လႄႈ​ဝႃႈ၊ “ၶတ်းၸႂ်​ၵျူဝ်းၸႃး​ၶဝ်ႈ​ၵႃႈတီႈ​ၽၵ်းတူ​ၵႅပ်ႈ​တႃႉ။ ၵဝ်​ဝႃႈ​တီႈ​သူ​ၸမ်ႉ၊ၵူၼ်း​ၼမ်ၼႃႇ​ၶတ်းၸႂ်​ၵျူဝ်းၸႃး​ႁႂ်ႈလႆႈ​ၶဝ်ႈ​သေၵေႃႈ​ၶဝ်​ဢမ်ႇ​ၸၢင်ႈ​ၶဝ်ႈ​လႆႈ။

တီႈ​ၼၼ်ႈ​မီး​မႄႈယိင်း​ၵေႃႉ​ၼိုင်ႈ​ၽီ​ၶဝ်ႈ​မၼ်း​သိပ်း​ပႅတ်ႇ​ပီ​လႄႈ​ၸပ်း​တၢင်းပဵၼ်​ဢၼ်​လင်ၵွင်ႇ​ယူႇ၊ဢမ်ႇ​ယဵတ်ႇ​တူဝ်​မၼ်း​လႆႈ​သေ​ဢိတ်း​ၼၼ်ႉ​ဢေႃႈ။- မိူဝ်ႈ​ဢၼ်​ ၸဝ်ႈ​ယေႇသု၊ ႁၼ်​မႄႈယိင်း​ၼၼ်ႉ​ၸိုင်၊မၼ်းၸဝ်ႈ​ႁွင်ႉ​မၼ်း​မႃး​လႄႈ လၢတ်ႈ​တီႈ​မၼ်း​ၼၼ်ႉ​လႄႈ​ဝႃႈ၊ “မႄႈယိင်း႟။ မႂ်း​ၵၢင်းလွတ်ႈ​သေ​တၢင်းၶႆႈတၢင်းပဵၼ်​ယဝ်ႉ၊” ဝႃႈၼႆ​သေယဝ်ႉ၊

ယိုၼ်း​မိုဝ်း​မၼ်းၸဝ်ႈ​တၢင်ႇ​ၼိူဝ်​မႄႈယိင်း​ၼၼ်ႉ​လႄႈ ၼႂ်း​ၶိင်ႇ​ၼၼ်ႉ​ၵမ်းလဵဝ်​မႄႈယိင်း​ၼၼ်ႉ​ယဵတ်ႇ​တူဝ်​မၼ်း​လႆႈ​သေလႄႈ​ယွင်ႈယေႃး​ၵျေးၸူး​ၽြႃးပဵၼ်ၸဝ်ႈ​ဢေႃႈ။

တူၺ်း​လူး၊ၵူၼ်း​ၸိူဝ်း​ဢၼ်​မႃး​တူၵ်းလိုၼ်း​တေႃႈလဵဝ်​ၼႆႉ​တၵ်း​တူၵ်း​ဢွၼ်တၢင်း​ၵေႃႈ​မီး​လႄႈ​ၵူၼ်း​ၸိူဝ်း​ဢၼ်​မႃး​တူၵ်းဢွၼ်တၢင်း​တေႃႈလဵဝ်​ၼႆႉ​တၵ်း​တူၵ်းလိုၼ်း​ၵေႃႈ​မီး​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ဢၼ်​ၸဝ်ႈႁိူၼ်း​လုၵ်ႉ​လႄႈ​ဢိုတ်း​ၽၵ်းတူ​ယဝ်ႉ​ၼၼ်ႉ၊သူ​သမ်ႉ​လႆႈ​ၸုၵ်း​ယူႇ​ၵႃႈ​ၼွၵ်ႈ​ႁိူၼ်း​သေယဝ်ႉ၊တွႆႇ​ၽၵ်းတူ​လႄႈ​လၢတ်ႈ​ဝႃႈ၊ ‘ၸဝ်ႈႁဝ်း​တီႈၶႃႈ။ ၽုၺ်ႇ​ၽၵ်းတူ​ပၼ်​ႁဝ်းၶႃႈ​သေၵမ်း​ၶႃႈ၊’ ဝႃႈၼႆ​သေၵေႃႈ​မၼ်း​ၼၼ်ႉ​တၵ်း​ၶိုၼ်း​လၢတ်ႈ​လႄႈ​ဝႃႈ၊ ‘သူ​လုၵ်ႉ​ၵႃႈတီႈလႂ်​မႃး​ၵဝ်​ဢမ်ႇ​ႁု၊’ ဝႃႈ​ၼင်ႇ​ၼႆ​ဢေႃႈ။

ၵဝ်​ဝႃႈ​တီႈ​သူ​ၸမ်ႉ၊ဢမ်ႇၸႂ်ႈ​ၸိူဝ်ႉ​ၼင်ႇ​ၼၼ်​ၵူၺ်း။ ပေႃး​သူ​ယင်း​ဢမ်ႇ​ၶုၵ်းၸႂ်လႆႈ​မႆႈၸႂ်​ဢပျတ်ႈ​လႄႈ​ပိၼ်ႇၸႂ်​သူ​ၸိုင်၊သူ​တၵ်း​လု​သုမ်း​မိူၼ်​မိူၼ်​ၵၼ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မၼ်း​ၼၼ်ႉ​သမ်ႉ​တေ​ၶိုၼ်း​လၢတ်ႈ​လႄႈ​ဝႃႈ၊ ‘သူ​လုၵ်ႉ​ၵႃႈတီႈလႂ်​မႃး​ၵဝ်​ဢမ်ႇ​ႁု။ သူ​ၸိူဝ်း​ဢၼ်​ႁဵတ်း​ဢၼ်​ႁၢႆႉမိူၵ်ႈ​တင်းလၢႆ​ၶဝ်႟။ ဝႄႈ​ဢွၵ်ႇ​သေ​ၵႃႈတီႈ​ၵဝ်​ၼႆႉ​ၵႂႃႇ​တႃႉ၊’ ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ​ ၸဝ်ႈ​ယေႇသု၊ သမ်ႉ​လၢတ်ႈ​ထႅင်ႈ​ၸမ်ႉ၊ “မိူင်းၽြႃးပဵၼ်ၸဝ်ႈ​မိူၼ်​ၵႃႈသင်။ ၵဝ်​တၵ်း​လႆႈ​ဢဝ်​ၵႃႈသင်​လႄႈ​တႅၵ်ႈတိူင်း​မိူင်း​ၸဝ်ႈ​ၼၼ်ႉ။- မိူင်း​ၸဝ်ႈ​ၼၼ်ႉ၊မိူၼ်​ၸိူဝ်ႉ​ၼင်ႇ​ၽၼ်း​ၽၵ်းၵၢတ်ႇ​မဵတ်ႉ​ၼိုင်ႈ​ဢၼ်​ၵူၼ်း​ၵေႃႉ​ၼိုင်ႈ​ဝၢၼ်ႇ​ၼႂ်း​သူၼ်​မၼ်း​ၼၼ်ႉ​ဢေႃႈ။ တူၼ်ႈ​ၼုမ်ႇ​မၼ်း​ယႂ်ႇမႃး​လႄႈ​ပဵၼ်​တူၼ်ႈ​ပဵၼ်​လမ်း​မႃး​သေယဝ်ႉ၊ၼူၵ်ႉ​တင်းလၢႆ​မႃး​လိုဝ်ႈ​မႃး​သဝ်း​ယူႇ​ၼိူဝ်​ၵိင်ႇ​မၼ်း​ၶႃႈ​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။