Versets bibliques populaires de လု 12

Partager

ပိူဝ်ႈ​ၼႆ​လႄႈ သူ​ၵေႃႈ​မႄးႁႅၼ်း​ဝႆႉ​လႄႈ​ပႂ်ႉထႃႈ​ယူႇ​တႃႉ။ ၵွပ်ႈ​ၸိူဝ်ႉ​ၼင်ႇ​ႁိုဝ်​လႄႈ​ဝႃႈ​ၸမ်ႉ၊ လုၵ်ႈၵူၼ်း၊ တၵ်း​မႃး​ၼႂ်း​ၶိင်ႇၼႃႇရီႇ​ဢၼ်​သူ​ဢမ်ႇ​ထၢင်ႇ​ဢမ်ႇ​ထိူမ်​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ​သူ​ၸမ်ႉ၊ႁႃ​မိူင်းၽြႃးပဵၼ်ၸဝ်ႈ​ၵူၺ်း​တႃႉ။ လိုၼ်း​ၼၼ်ႉ​မၼ်းၸဝ်ႈ​တၵ်း​ပၼ်​လွင်ႈတၢင်း​ၸိူဝ်း​ၼႆႉ​တင်းသဵင်ႈတင်းလူင်​ထႅင်ႈ​ဢေႃႈ။

သိုပ်ႇ​လၢတ်ႈ​တီႈ​ၶဝ်​တင်းသဵင်ႈတင်းလူင်​လႄႈ​ဝႃႈ၊ “ႁဵတ်း​သတိ​လႄႈ​ဝႄႈ​ပႅတ်ႈ​ၸႂ်​လေႃးၽႃႉ​တႃႉ။ ၵွပ်ႈ​လွင်ႈ​ၸိူဝ်ႉ​ၼင်ႇ​ႁိုဝ်​လႄႈ​ဝႃႈ​ၸမ်ႉ၊ၵူၼ်း​ႁဝ်း​ၼႆႉ​မၢၵ်ႈမီး​ထၢၼ်ႇ​ႁိုဝ်​သေၵေႃႈ၊ဢသၢၵ်ႈ​မၼ်း​ဢမ်ႇ​တႄႇ​ၵႃႈၼိူဝ်​ဢုၵ်ႉၸႃႇ​ဢၼ်​မၼ်း​ပိူင်ႇ​ၼၼ်ႉ​လႆႈ၊” ဝႃႈ​ၼင်ႇ​ၼႆ​ဢေႃႈ။

ၵွပ်ႈပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ​ဝႃႈ​ၸမ်ႉ၊ႁူဝ်ၸႂ်​သူ​ၸၢင်ႈ​မီး​ၵႃႈတီႈ​ဢၼ်​ၽၼ်ႇတႃႇ​ဢုၵ်ႉၸႃႇ​သူ​မီး​ၼၼ်ႉ​ဢေႃႈ။

ၵွပ်ႈပိူဝ်ႈ​မႆႈၸႂ်​လူၺ်ႈ​လွင်ႈ​ၸိူဝ်း​ၼႆႉ​လႄႈ​ၽူႈလႂ်​ၸၢင်ႈ​သိုပ်ႇ​ႁႂ်ႈ​ဢသၢၵ်ႈ​တူဝ်ၸဝ်ႈၵဝ်ႇ​ယၢဝ်း​ဢွၵ်ႇ​ၵႂႃႇ​ထႅင်ႈ​သွၵ်ႇ​ၼိုင်ႈ​လႆႈ​ႁိုဝ်း။

ၸဝ်ႈ​ယေႇသု၊ သမ်ႉ​လၢတ်ႈ​တီႈ​တပႄးၸဝ်ႈ​ၸိူဝ်း​ၼၼ်ႉ​ထႅင်ႈ​လႄႈ​ဝႃႈ၊ “ပိူဝ်ႈ​ၼႆ​လႄႈ​ၵဝ်​လၢတ်ႈ​တီႈ​သူ​ၸမ်ႉ၊တၵ်း​လႆႈ​ၵိၼ်​ဢီႈသင်​ပုၼ်ႈ​ဢသၢၵ်ႈ၊တၵ်း​လႆႈ​ၼုင်ႈ​ၶူဝ်း​ဢီႈသင်​ပုၼ်ႈ​တူဝ်​ၶၼ်ႇထႃႇ​သူ၊ဝႃႈၼႆ​ယႃႇပေ​မႆႈၸႂ်။

သဵၼ်ႈ​ၶူၼ်ႁူဝ်​သူ​ၵေႃႈ လႆႈ​ၶၢမ်ႇ​တၢင်း​ဢၼ်​ၼပ်ႉဢၢၼ်ႇ​ဝႆႉ​ၵူႈ​သဵၼ်ႈ​ယဝ်ႉ​ဢေႃႈ။ ပိူဝ်ႈ​ၼႆ​လႄႈ​ယႃႇပေ​ၵူဝ်။ သူ​ယဵင်ႈၶႅၼ်း​ထိူၵ်ႈၵႃႈ​ထိူၵ်ႈ​ၶၼ်​ယႂ်ႇ​ၼႃႇ​သေ​ၼူၵ်ႉဢႅၼ်ႇၽႃႉ​တင်းလၢႆ​ၼၼ်ႉ​ၼမ်ၼႃႇ​ဢေႃႈ။

“ၽုင်​သူဝ်းဢွၼ်ႇ​ၶဝ်႟။ ယႃႇပေ​ၵူဝ်။ ပေႃႈၸဝ်ႈ​သူ​မီး​ဢလူဝ်ႇ​ၶႂ်ႈ​ပၼ်​မိူင်း​တီႈ​သူ​ဢေႃႈ။

ဝူၼ်ႉ​တူၺ်း​လွင်ႈ​ၵႃလမ်​တင်းလၢႆ​လူး။ ၶဝ်​ဢမ်ႇ​ဝၢၼ်ႇ​ဢမ်ႇ​ၽုၵ်ႇသွမ်ႈ၊ဢမ်ႇ​ပၢတ်ႇ​ဢမ်ႇ​ထိူဝ်၊ဢမ်ႇ​မီး​ယွင်​မီး​ယေး။ ၼႂ်းဝႃႈၼၼ်​သေၵေႃႈ၊ၽြႃးပဵၼ်ၸဝ်ႈ​လဵင်ႉလူ​ၶဝ်​ယူႇ​ဢေႃႈ။ သူ​မျၢတ်ႈ​သေ​ၼူၵ်ႉ​ၸိူဝ်း​ၼၼ်ႉ​ဢမ်ႇၸႂ်ႈ​ႁိုဝ်း။

“ပိူဝ်ႈ​ၼႆ​လႄႈ ယႃႇပေ​ယၢပ်ႇၸႂ်​လႄႈ​မိုင်ႉ​ႁႃ​ပုၼ်ႈ​ဢၼ်​သူ​တၵ်း​ၵိၼ်​တၵ်း​သူတ်ႉ​ၼၼ်ႉ​သေၵမ်း။

ဢူဝ်း၊ၵူၼ်း​ဢၼ်​တၢင်းယုမ်ႇမၢတ်ႈ​ၵေႇ​ၶဝ်႟။ ပေႃး​ၽြႃးပဵၼ်ၸဝ်ႈ​ယင်း​ႁၢင်ႈ​ၶိူင်ႈ​ပၼ်​တီႈ​တူၼ်ႈ​ယိူဝ်ႈယႃႈ​ဢၼ်​ၶဵဝ်​ယူႇ​ၸိဝ်းငိဝ်း​ဝၼ်း​မိူဝ်ႈၼႆႉ၊သမ်ႉ​လႆႈ​ၶၢမ်ႇ​တၢင်း​ဢၼ်​ဢဝ်​သႂ်ႇ​ၵႃႈၼႂ်း​ပုင်း​တဝ်ႈ​ၽႆး​ဝၼ်း​မိူဝ်ႈၽုၵ်ႈ​ၸိုင်၊မၼ်းၸဝ်ႈ​တၵ်း​ယဵင်ႈၶႅၼ်း​ႁၢင်ႈ​ၶိူင်ႈ​ပၼ်​သူ​လိူဝ်တွၼ်း​ၼႃႇ​သေ​ၼၼ်ႉ​ဢမ်ႇၸႂ်ႈ​ႁိုဝ်း။

လွင်ႈ​သင်​သေဢမ်ႇဝႃႈ၊တၢင်း​ဢၼ်​ႁူမ်ႇ​ဝႆႉ​လႄႈ တၵ်း​ဢမ်ႇ​လႆႈ​ပေႃႇ​ဢွၵ်ႇ​ထၢင်ႇသႃး​မႃး၊ဢိၵ်ႇတင်း​တၢင်း​ဢၼ်​သိူင်ႇ​ဝႆႉ​လႄႈ တၵ်း​ဢမ်ႇ​လႆႈ​ႁု​ၼၼ်ႉ​ဢမ်ႇ​မီး​သေ​ၸိူဝ်ႉ​သေ​မဵဝ်း။