Versets bibliques populaires de လု 11

Partager

သူ​ၸိူဝ်း​ဢၼ်​ႁၢႆႉမိူၵ်ႈ​ထၢၼ်ႇ​ၼႆႉ​ယင်း​ၸၢင်ႈ​ဢဝ်​မဵဝ်း​ဢၼ်​လီ​ၵူၺ်း​ပၼ်​တီႈ​လုၵ်ႈလၢင်း​သူ​ၸိုင်၊ပေႃႈၸဝ်ႈ​သူ​ဢၼ်​မီး​ယူႇ​ၵႃႈၼိူဝ်​မိူင်းၵၢင်ႁၢဝ်​ပုၼ်ႉ​ၼၼ်ႉ၊ယဵင်ႈၶႅၼ်း​တၵ်း​ပၼ်​ဝိၺိၺ်ႇ​ဢၼ်​မူတ်းၸၢင်ႇ​ၸဝ်ႈ​တီႈ​ၶဝ်​ၸိူဝ်း​ဢၼ်​လဝ်ႈ​ယွၼ်း​ၼၼ်ႉ​လူးၵွၼ်ႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ၼႆ​လႄႈ ၵဝ်​လၢတ်ႈ​တီႈ​သူ​ၸမ်ႉ၊ယွၼ်း​တႃႉ။ သူ​တၵ်း​လႆႈ​ဢေႃႈ။ ႁႃ​တႃႉ။ သူ​တၵ်း​ထူပ်း​ႁၼ်​ဢေႃႈ။ တွႆႇ​တႃႉ။ တၵ်း​ၽုၺ်ႇ​ၽၵ်းတူ​ပၼ်​ဢေႃႈ။

လွင်ႈ​မၼ်း​ၸမ်ႉ၊ၵေႃႉ​ဢၼ်​ယွၼ်း​ၼၼ်ႉ​လႆႈ​ဢေႃႈ။ ၵေႃႉ​ဢၼ်​ႁႃ​ၵေႃႈ​ထူပ်း​ႁၼ်​ဢေႃႈ။ တီႈ​ၵေႃႉ​ဢၼ်​တွႆႇ​ၽၵ်းတူ​ၵေႃႈ​တၵ်း​ၽုၺ်ႇ​ပၼ်​ဢေႃႈ။

ၸဝ်ႈ​ယေႇသု၊ ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ “မိူဝ်ႈ​ဢၼ်​သူ​သူးတွင်း​ၼၼ်ႉ​ဝႃႈ​ၸိူဝ်ႉ​ၼင်ႇ​ၼႆ​တႃႉ။ “‘ပေႃႈၸဝ်ႈ​တီႈၶႃႈ၊ ႁႂ်ႈ​ၼႃႇမႃႉ​ၸိုဝ်ႈသဵင်​ၸဝ်ႈႁဝ်း​မီး​တၢင်း​ဢၼ် ရူဝ်ႇ​သေႇ​ၵူဝ်ယမ်​သေၵမ်း​လူၺ်ႈ။ ႁႂ်ႈ​မိူင်း​ၸဝ်ႈႁဝ်း​တႄႇပဵၼ်​သေၵမ်း​လူၺ်ႈ။

ၸိူဝ်ႉ​ၼင်ႇ​ဢၼ်​ႁဝ်းၶႃႈ​ပွႆႇလွတ်ႈ​ဢပျတ်ႈ​ပိူၼ်ႈ​ၵူႈ​ၵေႃႉ​ဢၼ်​ၽိတ်းပိူင်ႈ​ႁဝ်းၶႃႈ​ၼၼ်ႉ၊ ၶႅၼ်းတေႃႈ​ပွႆႇလွတ်ႈ​ဢပျတ်ႈ​ႁဝ်းၶႃႈ သေၵမ်း​တီႈၶႃႈ။ ယႃႇပေ​ႁႂ်ႈ​ႁဝ်းၶႃႈ​လႆႈ​ၸွမ်း​ၵႂႃႇ​ၼႂ်း​တၢင်း​ဢၼ် ၸူဝ်း​ၵႂႃႇ​လႄႈ​ယႃႉယုၵ်ႉ​ၼၼ်ႉ​သေၵမ်း​တီႈၶႃႈ၊’ ဝႃႈၼႆ​သူးတွင်း​တႃႉ၊” ဝႃႈ​ၼင်ႇ​ၼႆ​ဢေႃႈ။

ၶႅၼ်းတေႃႈ​ပၼ်​တၢင်းၵိၼ်​ဢၼ်​ၵုမ်ႇ​ၵိၼ်​ဝၼ်း​လႂ်​ဝၼ်း​ၼၼ်ႉ​တီႈ​ႁဝ်းၶႃႈ​သေၵမ်း​တီႈၶႃႈ။

မၢၵ်ႇတႃ​သူ​ပဵၼ်​ၸိူဝ်ႉ​ၼင်ႇ​ၵွၵ်းၽႆး​ပုၼ်ႈ​တူဝ်​ၶၼ်ႇထႃႇ​သူ​ဢေႃႈ။ ပေႃး​မၢၵ်ႇတႃ​သူ​လႅင်း​ၸိုင်၊တၵ်း​လႅင်း​တင်း​တူဝ်​ဢေႃႈ။ ၵူၺ်းၵႃႈ၊ပေႃး​မၢၵ်ႇတႃ​သူ​ဢမ်ႇလီ​ၸိုင်၊တၵ်း​လပ်းသိင်ႇ​တင်း​တူဝ်​ဢေႃႈ။

“ၵူၼ်း​ႁဝ်း​ၼႆႉ​ၽူႈလႂ်​သေဢမ်ႇဝႃႈ၊တႆႈ​ၵွၵ်းၽႆး​ယဝ်ႉ​လႄႈ​ဢမ်ႇ​ဢဝ်​သိူင်ႇ​ဝႆႉ​လပ်ႉ​ဝႆႉ၊ဢမ်ႇ​ဢဝ်​ပဵတ်ႈ​ႁူမ်ႇ​သုမ်ႇ​ဝႆႉ။ ၼင်ႇ​ႁိုဝ်​ၵူၼ်း​ဢၼ်​ၶဝ်ႈ​မႃး​တၵ်း​လႆႈ​ဢၼ်လႅင်း​ၸိုင်၊ၸၢင်ႈ​ဢဝ်​တၢင်ႇ​ဝႆႉ​ၵႃႈၼိူဝ်​ၶဵင်ႇ​တီႈ​တႆႈၽႆး​ဢေႃႈ။