མར་ཀུ། 7
7
ལེའུ་བདུན་པ།
གཙང་མ་དིང་མི་གཙང་བའི་སྐོར།
1ཡང་ཉིན་མ་གཅིག་ཕཱ་རུ་ཤི་པ་དིང་། ཡེ་རུ་ས་གླིང་རྒྱལ་ས་ནས་འོངས་པའི་ཆོས་ཁྲིམས་མཁས་པ་འོད་ཡོད་མི་ཁ་ཤས་ཡེ་ཤུའི་དྲུང་དུ་འཛོམས་འོངས་པི་དིག 2དེ་ནས་མི་དེ་ཀྱ་ཀྱིས་ཡེ་ཤུའི་སློབ་མ་ནང་ནས་ཁ་ཤས་ཆོས་ཀྱི་ལུགས་སྲོལ་ཅོག་འདྲ་ལག་ག་མ་བཀྲུས་ཏེ་བཟའ་འཐུང་བགྱིད་འོད་དི་མཐོང་པི་དིག 3ཅི་ལེ་ཟེར་ནི། ཡ་ཧུ་དཱ་པ་དིང་། ཡ་ཧུ་དཱ་པའི་ཁོངས་གཏོགས་ལེ་འོད་ཡོད་ཕཱ་རུ་ཤི་པ་ཀྱ་ཀྱིས་རང་གི་མེས་མེས་ཀྱ་ཀྱི་ལུགས་སྲོལ་ཅོག་འདྲ་ལག་ག་མ་བཀྲུས་ཏེ་ཟ་མ་མི་བཟའ་འོད་དིག 4ཡང་ཁྲོམ་ལེ་ཕྱིན་ཏེ་ལོག་འོང་རྒྱ། གཙང་སྦྲ་མ་བྱས་ཏེ་ཟ་མ་མི་བཟའ་འོད་དིག ཡང་ད་རུང་ལུགས་སྲོལ་གཞན་ཟང་མང་པོ་འོད་དིག ཡིན་ནའང་། ལུགས་སྲོལ་ཞིག་ལེ་ཁོང་ཀྱ་ཀྱི་མི་རབས་ནས་མི་རབས་བར་དུ། ཕོར་རུ། བུམ་པ། ཟངས་སྣོད་དེ་བཀྲུས་ཏེ་ཆབ་རྒྱག་རྒྱུ་ལུགས་སྲོལ་འོད་དིག 5དེ་ནས་ཕཱ་རུ་ཤི་པ་དིང་། ཆོས་ཁྲིམས་མཁས་པ་ཀྱ་ཀྱིས་ཡེ་ཤུ་ལེ། ཁྱོད་ཀྱི་སློབ་མ་ཀྱ་ཀྱིས་མེས་མེས་ཀྱ་ཀྱི་ལུགས་སྲོལ་ཅོག་འདྲ། ལག་ག་མ་བཀྲུས་ཏེ་ཅི་ལེ་བཟའ་འཐུང་བགྱིད་དི་ཡིན་གོ་སྨྲས་པི་དིག 6དེ་ནས་ཡེ་ཤུས་མི་དེ་ཀྱ་ལེ། ཁ་ཡོད་ལག་མེད་མི་ཁྱེད་ཀྱ་ཀྱི་སྐོར་ལེ། ལུང་སྟོན་པ་ཡེ་ཤ་ཡཱས་བྲིས་པའི་དེ་བདེན་པ་ཡིན་དིག
མི་དེ་ཀྱ་ཀྱིས་ང་ལེ་བརྩི་བཀུར་བྱས་ནའང་། །
མི་དེ་ཀྱ་ཀྱི་སེམས་ནི་ང་དིང་བྲལ་ལི་དིག །
7མིས་བརྩམས་པའི་བསླབ་བྱ་རང་ལེ་སྟོན། །
འོ་དེ་གི་བསྙེན་བཀུར་ང་ལེ་དགོས་པ་མེད། །
ཟིན་གསུངས་འོད་དིག#7.7 ཚིགས་བཅད་འདི་ནི་ལུང་སྟོན་པ་ཡེ་ཤ་ཡཱས་བྲིས་པའི་མདོ་ལེའུ་ 29 ཨང་ 13 ནང་ལེ་གཟིགས་རོགས། 8ཁྱེད་ཀྱ་ཀྱིས་དཀོན་མཆོག་གི་ཆོས་ཁྲིམས་སྤངས་ཏེ། མིས་བཟོས་པའི་ལུགས་སྲོལ་དེ་སྲུང་གྱོ་འོད་དིག་ཟིན་གསུངས་པི་དིག 9ཡང་དང་ཁོང་གིས་མི་དེ་ཀྱ་ལེ། ཁྱེད་ཀྱ་ཀྱིས་རང་གི་བརྩམས་པའི་ལུགས་སྲོལ་དེ་སྲུང་རྒྱུ་ཆེད་དུ། དཀོན་མཆོག་གི་བཀའ་དེ་རིམ་པ་བཞིན་དུ་སྤངས་པི་དིག 10དཔེར་ན་སྔོན་མ་ལུང་སྟོན་པ་མོ་ཤེས་ཁོས་ཟང་། རང་གི་ཕ་མ་ལེ་བརྩི་བཀུར་གྱིས་དང་། ཡང་ཕ་མ་ལེ་ཚིག་ངན་ཟེར་མཁན་དེ་སྲོག་ཐོག་གཏོང་དགོས་འོད་དིག་སྨྲས་པི་དིག 11ཡིན་ནའང་། གལ་སྲིད་མི་ཞིག་གིས་རང་གི་ཕ་མ་ལེ། ཁྱེད་ལེ་ཕན་ཐོགས་འོང་རྒྱུ་འདི་ནི། ངས་དཀོན་མཆོག་ལེ་ཕུལ་ཚར་རི་ཡིན་སྨྲས་ནི།#7.11 ཡ་ཧུ་དཱ་པའི་སྐད་ནང་ལེ་ཁཱོར་པན་ཟིན་འོད་དིག ཁཱོར་པན་ཟེར་དོན་དེ་ནི། དཀོན་མཆོག་ལེ་འབུལ་ལི་ཡིན་ཟེར་རི་དིག 12-13ཁྱེད་ཀྱ་ཀྱིས་མི་དེ་ལེ་རང་གི་ཕ་མ་ལེ་བཟོས་སྐྱོང་བགྱིད་དུ་མི་འཇུག་འོད་དི་མ་ཟད། ཁྱེད་ཀྱ་ཀྱིས་རང་གི་ལུགས་སྲོལ་དེ་པ་རྐྱང་བསྲུང་རྒྱུ་ཆེད་དུ། དཀོན་མཆོག་གི་བཀའ་དེ་རིམ་པ་བཞིན་དུ་རྩིས་མེད་བཏང་པི་དིག ཡང་ཁྱེད་ཀྱ་ཀྱིས་ལས་ངན་དེ་ཅོག་འདྲ་གཞན་མང་པོ་བགྱིད་འོད་དིག་ཟིན་གསུངས་པི་དིག 14དེ་ནས་ཡང་ཡེ་ཤུས་མི་ཚོགས་དེ་ཀྱ་ཡེ་རེ་རང་གི་མདུན་དུ་འཛོམས་དུ་བཅུག་སྟེ། ཁྱེད་ཡེ་རེས་ངས་ཅི་ཟེར་དེ་ལེ་ཉོན་དང་། ངས་ཅི་སྨྲས་པའི་ལབ་དེ་ཁྱེད་ཀྱ་ཀྱིས་ཧ་གོ་ཐུབ་བར་གྱིས་ཤིག 15ཕྱི་ནས་ཁོག་ལེ་འཛུལ་ལི་ཟས་རིགས་དེས་མི་ལེ་མི་གཙང་བར་བཟོ་མི་ཐུབ་འོད་དིག ཡིན་ནའང་། མིའི་ཁོག་ནས་ཕྱི་ལེ་ཅི་ཐོན་པི་དེས་མི་ལེ་མི་གཙང་བར་བཟོ་འོད་དིག 16རྣ་མཆོག་འོད་ཡོད་ཀྱ་ཀྱིས་ལབ་འདི་དགའ་མོ་བྱས་ཏེ་ཉོན་ཞིག་ཟིན་གསུངས་པི་དིག 17དེ་ནས་ཁོང་རང་མི་ཚོགས་དིང་ཁ་བྲལ་ཏེ་ཁང་པའི་ནང་ལེ་འཛུལ་ལི་དིག དེ་རྒྱ་ཁོང་ལེ་སློབ་མ་ཀྱ་ཀྱིས་དཔེ་དེའི་དོན་དག་ཅི་ཟེར་རི་གོ་ཟིན་དྲིས་ཕེན། 18ཁོང་གིས་སློབ་མ་ཀྱ་ལེ། ཁྱེད་ཀྱ་ཀྱིས་དེའི་སྐོར་ཟང་མི་ཤེས་འོད་དས། ཕྱི་ནས་ཁོག་ལེ་འཛུལ་ལི་ཟས་རིགས་དེས་མི་ལེ་མི་གཙང་བར་བཟོ་མི་ཐུབ་འོད་དི་ཁྱེད་ཀྱ་ཀྱིས་ཧ་མོ་གོ་འདུག་གས། 19ཅི་ལེ་ཟེར་ནི། ཟས་རིགས་དེ་ནི་མིའི་སེམས་ཀྱི་ནང་ལེ་མི་འགྲོ་བའི་གྲོད་པའི་ནང་ལེ་འགྲོ་འོད་དིག དེ་ནས་ཕྱི་ལེ་འཐོན་འོང་འོད་དིག་ཟིན་གསུངས་པི་དིག དེའི་དོན་དག་ཅི་ཡིན་དིག་ཟེར་ནི། དཀོན་མཆོག་གི་ཐུགས་དགོངས་ནང་ལེ་ཟས་རིགས་ཡེ་རེ་གཙང་མ་དིང་ཅི་ཟས་ནའང་སྐྱོན་མེད་གསུངས་པི་དིག 20ཡང་ཁོང་གིས་མིའི་སེམས་ནས་ཅི་ཐོན་པི་དེས་མི་ལེ་མི་གཙང་བར་བཟོ་འོད་དིག་ཟིན་གསུངས་པི་དིག 21རྒྱུ་མཚན་ནི། མིའི་སེམས་ནང་ལེ་གནོད་སེམས་དིང་། བྱི་བོ་དིང་བྱི་མོ། དམེ་སྦྱོར་བ། རྐུན་མ། མིའི་སྲོག་གཅོད་རྒྱུ། བཟའ་ཚང་ཁ་འཐོར་གྱི་ལས་ངན་དིང་། 22འདོད་རྔམ། སེར་སྣ། མགོ་སྐོར། འདོད་ཆགས། ཕྲག་དོག དམའ་འབེབ་ཀྱིས་ལས། ང་རྒྱལ། ཆོས་སེམས་མེད་མེད། 23ངན་སེམས་དེ་ཀྱ་མིའི་ཁོག་ནས་ཕྱི་ལེ་འཐོན་ཏེ་མི་ལེ་མི་གཙང་བར་བཟོ་འོད་དིག་ཟིན་གསུངས་པི་དིག
དད་སེམས་ཆེ་བའི་བུ་མའ་ཞིག་གི་སྐོར།
24དེ་ནས་ཡེ་ཤུ་གལ་ལི་ལུང་པ་ནས་ཐཱ་ཨེར་དིང་ཚི་དོན་ཟེར་རི་རྒྱལ་སའི་ཉེ་འཁོར་ལེ་ཕེབས་ཏེ། མི་སུས་ཟང་ཧ་མ་གོ་བར་བྱས་ཏེ་རྒྱལ་ས་དེའི་མི་ཚང་ཞིག་ནང་ལེ་སྡོད་དགོས་བསམས་པི་དིག ཡིན་ནའང་། མི་ཀྱ་ཀྱིས་ཁོང་ག་ན་ལེ་བཞུགས་འོད་མེད་ལམ་ཟང་ཧ་གོ་པི་དིག 25རྒྱལ་ས་དེ་རུ་བུ་མའ་ཞིག་འོད་དིག མོར་ང་ལེ་གདོན་འདྲེ་ཞུགས་པའི་བུ་མོ་ཆུང་མ་ཞིག་འོད་དིག དེ་ནས་བུ་མའ་མོས་ཡེ་ཤུའི་སྐོར་གྱི་གནས་ཚུལ་ཐོས་ལོང་མེད། ཁོང་གི་སྐུ་མདུན་དུ་འོངས་ཏེ། བརྐྱངས་ཕྱག་བཙལ་ལི་དིག 26(བུ་མའ་དེ་ནི་གེར་རིག་གི་མི་རིགས་ནས་ཡིན་དིག ཡིན་ནའང་། མོ་རང་སྐྱེས་ས་དེ་ནི། སིར་ཡཱ་ཕེ་ནི་ཀེ་ཟེར་རི་ལུང་པ་ཡིན་དིག) དེ་ནས་བུ་མའ་མོས་ཡེ་ཤུ་ལེ། གདོན་འདྲེ་དེ་བུ་མོ་ནས་ཐོན་རོགས་ཟིན་ཞུ་བ་ཕུལ་ལི་དིག 27ཁོང་གིས་བུ་མའ་མོ་ལེ་སྔོན་དང་པོ་རང་གི་ཕྲུ་གུ་ཀྱ་གྲོད་པ་འགྲང་དུ་ཆུག ཕྲུ་གུའི་ཟས་སྐལ་ཁྱི་ལེ་སྟེར་མི་ཆོག་ཟིན་གསུངས་པི་དིག 28དེ་ནས་མོས་འོ་ཀ་ཟེ། ཇོ་བོ་ཁྱེད་ཀྱིས་གསུངས་པི་དེ་བདེན་པ་ཡིན་དིག་ཆེ། ཡིན་ནའང་། ཅོག་ཙེའི་འོག་ལེ་ལུས་འོད་ཡོད་ཕྲུ་གུའི་ཟས་ལྷག་དེ་ཁྱི་ཀྱ་ཀྱིས་ཟ་འོད་དིག་སྨྲས་པི་དིག 29དེ་ནས་ཡེ་ཤུས་བུ་མའ་མོ་ལེ། ཁྱོད་ཀྱིས་ང་ལེ་ལབ་འོ་འདི་གི་སྨྲས་ཕེན། ད་ཁྱོད་ཀྱི་བུ་མོ་ལེ་ཞུགས་པའི་གདོན་འདྲེ་དེ་ཐོན་ཚར་ཏེ་མེད་དིག ད་ཁྱེད་རང་ཕ་ལེ་ལོག་རྒྱུགས་ཟིན་གསུངས་པི་དིག 30དེ་ནས་བུ་མའ་མོ་རང་ནང་ལེ་སླེབས་རྒྱ། ངོ་ཐོག་གདོན་འདྲེ་དེ་བུ་མོའི་ཁོག་ནས་ཐོན་ཚར་རི་མ་ཟད། མོ་རང་ཉལ་ཁྲིའི་ལྟག་ག་ལེ་ཉལ་བསྡད་འོད་དི་མཐོང་པི་དིག
འོན་སངས་པ།
31དེ་ནས་ཡེ་ཤུ་ཐཱ་ཨེར་རྒྱལ་ས་ནས་ཚི་དོན་རྒྱལ་ས་དིང་། ཡུལ་སྡེ་བཅུ་ཟེར་རི་ལུང་པའི་བརྒྱུད་ནས་བྱས་ཏེ་ག་ལིལ་མཚོའི་ཉེ་འཁོར་ལེ་ཕེབས་གནང་པི་དིག#7.31 ཡང་གེ་རིག་གི་སྐད་ལུགས་ནང་ལེ་ཡུལ་སྡེ་བཅུ་དེའི་མིང་ལེ་དེ་ཁ་པོ་ལེ་ཟིན་འོད་དིག 32ས་ཆ་དེ་རུ་རྣ་མཆོག་འོན་པ་དིང་ལབ་ཟེར་མི་ཐུབ་མཁན་མི་ཞིག་འོད་དིག མི་ཀྱ་ཀྱིས་ཁོ་ཡེ་ཤུའི་དྲུང་དུ་ཁྲིད་འོངས་ཏེ། ཁྱེད་ཀྱིས་མི་འདི་དྲག་ཐུབ་པའི་ཆེད་དུ་ཕྱག་དབང་གནང་རོགས་ཟིན་ཞུ་བ་ཕུལ་ཕེན། 33ཡེ་ཤུས་ལྐུགས་པ་བྱུང་བའི་མི་དེ་མི་ཚོགས་ཀྱི་དཀྱིལ་ནས་ཟུར་ཞིག་ལེ་ཁྲིད་གནང་སྟེ། ཁོང་གིས་རང་གི་མཛུག་གུ་ཁོའི་རྣ་མཆོག་ནང་ལེ་བཅུག་པི་མ་ཟད། རང་གི་མཛུག་གུ་ལེ་མཆིལ་མ་གཏོར་ཏེ། ཁོའི་ལྕི་མོ་ལེ་ཐུག་ཚོད་བྱས་པི་རྗེས་ལེ། 34ནམ་མཁའ་ལེ་གཟིགས་ཏེ་དབུགས་རིང་ཞིག་བཏང་སྟེ། མི་དེ་ལེ་ཨེ་ཕ་ཐ་ཟིན་གསུངས་པི་དིག འདིའི་དོན་དག་དེ་ནི། འོན་སངས་ཟེར་རི་ཡིན་དིག#7.34 ཨེ་ཕ་ཐ་ཟེར་རི་དེ་ནི། ཨ་ར་མེའི་སྐད་ལུགས་ཡིན་དིག 35དེ་ལོང་མེད་འོན་སངས་པི་མི་ཟད། ལབ་ཟང་སྒྲ་དག་པོ་ཟེར་རྒྱུ་འོད་ཡོད་བྱུང་པི་དིག 36དེ་ནས་ཡེ་ཤུས་འདི་རུ་འོད་ཡོད་མི་ཀྱ་ལེ་གནས་ཚུལ་འདི་མི་སུ་ལེ་ཟང་མ་ཟེར་ཟིན་ནན་ཏན་བྱས་ཏེ་བཀའ་གནང་པི་དིག ཡིན་ནའང་། མི་འདི་ཀྱ་ཀྱིས་འཛེན་དེ་ལས་ལྷག་ཚོད་མི་ཡེ་རེ་ལེ་ཁྱབ་གྲགས་བྱས་པི་དིག 37མི་ཀྱ་ཀྱིས་ཁོང་གིས་མཛད་པའི་ཕྱག་ལས་འདི་ལེ་ཧ་ལས་འཇུ་གུ་བྱུང་སྟེ། ཁོང་གིས་མཛད་པའི་ཕྱག་ལས་དེ་ངོ་ཐོག་ངོ་མཚར་ཞིག་ཡིན་དིག ལྟོས་དང་། ལྐུགས་པ་ཟང་ལབ་ཟེར་རྒྱུ་འོད་ཡོད་བྱུང་པི་དིང་། ཡང་འོན་པ་ཟང་ཐོས་ཐུབ་རྒྱུ་འོད་ཡོད་བཟོས་གནང་སོང་ཟིན་ཕན་ཚུན་བར་ལེ་ལབ་གླེང་བགྱིད་འོད་དིག །
Tällä hetkellä valittuna:
མར་ཀུ། 7: DLPO
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 Wycliffe Bible Translators, Inc. All rights reserved.
