མར་ཀུ། 8
8
ལེའུ་བརྒྱད་པ།
མི་བཞི་སྟོང་ཚོད་གྲོད་པ་འགྲང་དུ་བཅུག་པ།
1དུས་དེ་རྒྱ་མི་ཚོགས་མང་པོ་ཞིག་ཡང་དང་དེ་རུ་འཛོམས་འོངས་པི་དིག ཡང་མི་ཚོགས་དེ་ཀྱ་ས་ཆ་དེ་རུ་སླེབས་ཏེ་ཉིན་ཁ་ཤས་བུད་ཚར་རི་མ་ཟད། ཁོང་ཀྱ་ལེ་ཟ་རྒྱུ་ཟང་མེད་ཕེན། ཡེ་ཤུས་རང་གི་སློབ་མ་ཀྱ་ཚུར་ཤོག་སྨྲས་ཏེ། 2མི་ཚོགས་འདི་ཀྱ་ངའི་སྐྱེན་ལེ་ཞག་པོ་གསུམ་ཚོད་བསྡད་དི་དིག ད་ལྟ་མི་འདི་ཀྱ་ལེ་ཟ་མ་ཅི་གང་མེད་ཕེན་མི་ཀྱ་ལེ་ང་སྙིང་རྗེ་འདུག 3མི་འདི་ཀྱ་ནང་ནས་ཁ་ཤས་ནི་ཐག་རིང་པོ་ནས་ངའི་སྐྱེན་ལེ་འོངས་པི་དིག ད་ངས་མི་འདི་ཀྱ་གྲོད་པ་སྟོང་པ་ལེ་ལོག་ཏུ་བཅུག་པི་ཡིན་ནི། ཁོང་ཀྱ་ལམ་ལེ་ལྟོགས་ཏེ་དྲན་མེད་ཤོར་རི་ཉེན་ཁ་འོད་དིག་ཟིན་གསུངས་པི་དིག 4དེ་ནས་སློབ་མ་ཀྱ་ཀྱིས་ཡེ་ཤུ་ལེ་ས་ཆ་དབེན་སྟོང་འདི་རུ་མི་འདི་ཀྱ་ལེ་འགྲང་ཐུབ་རྒྱུ་སྒོར་ཕྱེ་ཞིག་ག་ན་ནས་འབྱོར་རྒྱུ་ཟིན་ཞུས་ཕེན། 5ཡེ་ཤུས་ཁྱེད་ཀྱ་ལེ་སྒོར་ཕྱེ་ཙམ་འོད་དོ་ཟིན་དྲིས་ཏེ། ཉེད་ལེ་སྒོར་ཕྱེ་བདུན་འོད་ཞུས་པི་དིག 6དེ་ནས་ཡེ་ཤུས་མི་ཚོགས་དེ་ཀྱ་ས་ལེ་སྡོད་ཟིན་བཀའ་གནང་པི་དིག ཡང་ཁོང་གིས་སྒོར་ཕྱེ་བདུན་པོ་འདི་ཕྱག་ལེ་བསྣམས་ཏེ། དཀོན་མཆོག་ལེ་བཀའ་དྲིན་ཆེ་ཞུས་པའི་རྗེས་ལེ། སྒོར་ཕྱེ་དེ་ཕྱེད་ཀ་བཏང་སྟེ། མི་ཚོགས་དེ་ཀྱ་ལེ་གཏོད་ཟིན་སློབ་མ་ཀྱ་ལེ་གཏད་དི་དིག ཡང་སློབ་མ་ཀྱ་ཀྱིས་ཟང་སྒོར་ཕྱེ་དེ་མི་ཚོགས་ཀྱ་ལེ་བགོས་ཏེ་གཏད་དི་དིག 7ཡང་ཁོང་ཀྱ་ལེ་ཉ་ཤ་ཆུང་མ་ཁ་ཤས་འོད་ཕེན། ཡེ་ཤུས་ཉ་ཤ་འདི་དཀོན་མཆོག་ལེ་བཀའ་དྲིན་ཆེ་ཟིན་ཞུས་ཏེ་མི་ཚོགས་ཀྱ་ལེ་བགོས་ཤིག་ཟིན་སློབ་མ་ཀྱ་ལེ་བཀའ་གནང་པི་དིག 8-10དེ་ནས་འདི་རུ་འོད་ཡོད་མི་ཚོགས་ཡེ་རེས་གྲོད་པ་འགྲངས་འགྲངས་བཟས་པི་མ་ཟད། སློབ་མ་ཀྱ་ཀྱིས་ཟས་ལྷག་བསྡུས་ཏེ་རྐོན་པ་བདུན་བཀང་པི་དིག དེ་རྒྱ་ཟ་མ་བཟའ་མཁན་མི་བཞི་སྟོང་ཚོད་འོད་དིག ཡང་ཡེ་ཤུས་མི་ཚོགས་འདི་ཀྱ་རང་སོ་སོའི་ཁྱིམ་ལེ་ལོག་བརྫངས་ལོང་མེད། ཁོང་རང་སློབ་མ་ཀྱ་དིང་སྐྱེན་ལེ་གྲུ་ལེ་བཞོན་དེ་དཱལ་མ་ནུ་ཐ་ཟེར་རི་ལུང་པ་ལེ་ཕེབས་པི་དིག
ཕཱ་རུ་ཤི་པ་ཀྱ་ཀྱིས་ཡེ་ཤུ་ལེ་ཉམས་ཚོད་བླངས་པ།
11ཡང་ཕཱ་རུ་ཤི་པ་ཀྱ་ཡེ་ཤུ་ལེ་རྩོད་གླེང་བགྱིད་དུ་འོངས་ཏེ་ཁོང་ལེ། ཁྱོད་རང་དཀོན་མཆོག་ནས་ཡིན་དི་ཡ་མཚན་གྱི་རྟགས་ཞིག་ཉེད་ཀྱ་ལེ་སྟོན་དང་ཟིན་ཉམས་ཚོད་བྱས་ཕེན། 12-13ཡེ་ཤུས་དབུགས་རིང་ཞིག་སྟོན་ཏེ། ད་ལྟའི་མི་རབས་འདི་ཀྱ་ཀྱིས་ཅིའི་ཆེད་དུ་རྟགས་ཤིག་པ་རྐྱང་འཚོལ་ལི་ཡིན་ནེ། ང་ཁྱེད་ཀྱ་ལེ་བདེན་པ་ཟེར་རོ། མི་རབས་འདི་ལེ་ཡ་མཚན་གྱི་རྟགས་སྟོན་རྒྱུ་མན་ཟིན་གསུངས་པི་དིག དེ་ནས་ཁོང་གིས་ཕཱ་རུ་ཤི་པ་དེ་ཀྱ་ལེ་ཁ་ཡ་མ་བྱས་ཏེ། ཁོང་རང་ཡང་དང་སློབ་མ་ཀྱ་དིང་སྐྱེན་ལེ་གྲུ་ལེ་བཞོན་ཏེ་མཚོ་ཕར་ཀན་ལེ་ཕེབས་པི་དིག
ཕཱ་རུ་ཤི་པ་དིང་ཧེ་རོ་དཱེ་ལེ་དོགས་ཟོན་བགྱིད་དགོས་པའི་སྐོར།
14དེ་ནས་སློབ་མ་ཀྱ་གྲུ་བཞོན་ཏེ་འགྲོ་རྒྱ། རྒྱགས་བེ་འཁྱེར་རྒྱུ་དྲན་པ་བརྗེད་ཕེན། ཁོང་ཀྱ་ལེ་སྒོར་ཕྱེ་གཅིག་མ་གཏོགས་མེད་དིག 15དེ་ནས་ཡེ་ཤུས་རང་གི་སློབ་མ་ཀྱ་ལེ་སྐྱུར་རྩི་ཞིག་ལེ་དཔེ་བསྟན་གནང་སྟེ། ཁྱེད་ཀྱ་ཀྱིས་བློ་རིག་པ་བསྒྲིམས་ཏེ་ཕཱ་རུ་ཤི་པ་དིང་ཧེ་རོ་དཱེའི་སྐྱུར་རྩི་ནང་ལེ་མི་ཚུབས་བའི་ཆེད་དུ་དོགས་ཟོན་གྱིས་ཤིག་ཟིན་ཉེན་བརྡ་བཏང་པི་དིག
16ཡིན་ནའང་། སློབ་མ་ཀྱ་ཕན་ཚུན་གཅིག་གིས་གཅིག་ལེ། འུ་ཀྱ་ཀྱིས་སྒོར་ཕྱེ་མ་འཁྱེར་འོད་ཕེན། དེའི་སྐོར་ལེ་གསུང་གནང་པི་ཡིན་འདྲོ་ཟིན་གོ་བ་ནོར་ཕེན། 17ཡེ་ཤུས་ཁོང་ཀྱ་ཀྱི་བསམ་ཚུལ་དེ་མཁྱེན་ཏེ། ཁྱེད་ཀྱ་ཅི་ལེ་ཟ་རྒྱུ་སྐོར་ལེ་ལབ་གླེང་བགྱིད་དི་ཡིན་དོ། ཁྱེད་ཀྱ་ད་རུང་ཟང་ཧ་མི་གོ་འདུག་གས། ཁྱེད་ཀྱ་ཀྱི་སེམས་ད་རུང་ཟང་གྱོང་པོ་ཡིན་གས། 18ཁྱེད་ཀྱ་ལེ་མིག་འོད་ནའང་མི་མཐོང་འདུག་གས། རྣ་མཆོག་འོད་ནའང་མི་ཐོས་འདུག་དས། ཁྱེད་ཀྱ་ལེ་དྲན་པ་མི་འདུག་གས། 19ངས་སྒོར་ཕྱེ་ལྔ་པོ་དེ་མི་ལྔ་སྟོང་ལེ་ཕྱེད་ཀ་བཏང་སྟེ་གཏད་དི་ཡིན། ཡང་ཁྱེད་ཀྱ་ཀྱིས་ཟང་ཟས་ལྷག་རྐོན་པ་ཙམ་བསྡུས་པོ་ཟིན་དྲིས་ཏེ། ཉེད་ཀྱ་ཀྱིས་རྐོན་པ་བཅུ་གཉིས་བསྡུས་པི་ཡིན་ཞུས་པི་དིག 20ཡང་སྒོར་ཕྱེ་བདུན་པོ་དེ་ངས་མི་བཞི་སྟོང་ལེ་ཕྱེད་ཀ་བཏང་སྟེ་བྱིན་དི་མ་ཟད། ཁྱེད་ཀྱ་ཀྱིས་ཟང་ཟས་ལྷག་རྐོན་པ་ཙམ་བསྡུས་པོ་ཟིན་དྲིས་ཏེ། ཉེད་ཀྱ་ཀྱིས་རྐོན་པ་བདུན་བསྡུས་པི་ཡིན་ཞུས་པི་དིག 21ཡེ་ཤུས་ཁྱེད་ཀྱ་ཀྱིས་ད་རུང་ཟང་ཧ་མི་གོ་འདུག་གས་ཟིན་གསུངས་པི་དིག
པེ་སད་དཱ་ཡུལ་གྱི་མི་ཞ་ར་ཞིག་མཐོང་རྒྱུ་འོད་ཡོད་བྱུང་བ།
22དེ་ནས་ཁོང་ཀྱ་པེ་སད་དཱ་ཟེར་རི་ཡུལ་ལེ་སླེབས་ཕེན། མི་ཁ་ཤས་ཀྱིས་མི་ཞ་ར་ཞིག་ཡེ་ཤུ་དྲུང་དུ་ཁྲིད་འོངས་ཏེ། ཁོང་ལེ་ཕྱག་དབང་གནང་རོགས་ཟིན་ཞུ་བ་ཕུལ་ཕེན། 23ཡེ་ཤུས་མི་ཞ་ར་ཁོའི་ལག་ག་ནས་འཇུས་ཏེ་ཡུལ་གྱི་ཕྱི་ལེ་ཁྲིད་དི་མ་ཟད། ཁོང་གིས་ཞ་རའི་མིག་ལེ་མཆིལ་མ་གཏོར་རི་དིང་། ཡང་ལུས་ལྟག་ག་ལེ་ཕྱག་བོར་ཏེ། ད་ཁྱོད་ཀྱིས་ཅི་ཞིག་མཐོང་གི་འདུག་ཟིན་དྲིས་པི་དིག 24ཡང་ཞ་ར་ཁོས་མིག་ཡར་བལྟས་ཏེ། ངས་མི་ཀྱ་མཐོང་གི་འདུག ཡིན་ནའང་། ངས་ཧྲིབ་ཧྲིབ་མ་གཏོགས་གསལ་པོ་མི་མཐོང་འདུག མི་དེ་ཀྱ་ནི་སྡོང་པོ་ཅོག་འདྲ་མཐོང་གི་འདུག་ཟིན་ཞུས་པི་དིག 25དེ་ནས་ཡེ་ཤུས་ཡང་དང་ཞ་ར་ཁོའི་མིག་ལེ་ཕྱག་བོར་ཕེན། ཁོའི་མིག་གིས་ཡེ་རེ་གསལ་པོ་མཐོང་རྒྱུ་འོད་ཡོད་བྱུང་པི་དིག 26ཡང་ཡེ་ཤུས་མི་ཁོ་ལེ། ད་ཁྱོད་རང་ཤར་རེ་རང་གི་ཁྱིམ་ལེ་ལོག་རྒྱུགས། ཡུལ་འདིའི་ནང་ལེ་མ་འགྲོ་ཟིན་བཀའ་གནང་པི་དིག
པེ་ཏྲེས་ཡེ་ཤུ་ནི་སྐྱབས་མགོན་ཡིན་དི་ཁས་བླངས་པ།
27ཡང་ཡེ་ཤུ་དིང་སློབ་མ་ཀྱ་སྐྱེན་ལེ། ཀེ་སར་ཡཱ་ཕི་ལིབ་ཕེ་ཟེར་རི་རྒྱལ་སའི་ཉེ་འཁོར་གྱི་ཡུལ་ལེ་ཕེབས་རྒྱ། ཁོང་གིས་སློབ་མ་ཀྱ་ལེ། མི་ཀྱ་ཀྱིས་ང་སུ་ཡིན་དིག་ཟིན་འདུག་གོ་ཟིན་དྲིས་ཕེན། 28སློབ་མ་ཀྱ་ཀྱིས་ཡེ་ཤུ་ལེ། མི་ལ་ལས་ཁྱེད་རང་ནི་ཁྲུས་གསོལ་བགྱིད་མཁན་ཡོ་ཧ་ནན་ཡིན་གྱི་དིག་ཟིན་འདུག ཡང་མི་ལ་ལས་ལུང་སྟོན་པ་ཨེ་ལི་ཡཱ་ཡིན་གྱི་དིག་ཟིན་འདུག ཡང་ནི། ལུང་སྟོན་པ་ཀྱ་ནང་ནས་གཅིག་ཡིན་གྱི་དིག་ཟིན་འདུག་ཟིན་ཞུས་པི་དིག 29འོ་ནེ། ཁྱེད་ཀྱ་ཀྱིས་ང་སུ་ཡིན་དིག་ཟིན་འོད་དོ་ཟིན་དྲིས་ཏེ། པེ་ཏྲོས་ཁྱེད་རང་ནི་སྐྱབས་མགོན་ཡིན་དིག་ཟིན་ཞུས་པི་དིག 30ཡིན་ནའང་། ཡེ་ཤུས་ཁོང་ཀྱ་ལེ་ང་སུ་ཡིན་མིན་འདི་མི་སུ་ལེ་ཟང་མ་ཟེར་ཅིག་ཟིན་ནན་ཏན་བྱས་ཏེ་བཀའ་གནང་པི་དིག
ཡེ་ཤུས་རང་དགྲོང་རྒྱུ་ཡིན་དི་སྐོར་ལེ་ལུང་བསྟན་པ།
31དེ་ནས་ཡང་ཡེ་ཤུས་རང་གི་སློབ་མ་ཀྱ་ལེ། མིའི་བི་ས་ལེ་བཀའ་སྡུག་མང་པོ་མྱོང་དགོས་འོང་རྒྱུ་ཡིན་དི་དིང་། ཡང་ཡ་ཧུ་དཱ་པའི་རྒན་མི་ཀྱ་དིང་། མཆོད་པ་འབུལ་མཁན་ཀྱ་དིང་། ཆོས་ཁྲིམས་མཁས་པ་ཀྱ་ཀྱིས་ཁོ་ལེ་ཁས་ལེན་མ་བྱས་ཏེ་རུབ་སྟེ་ཁོ་གསོད་ཀྱི་དིག ཡང་ཞག་མ་གསུམ་ནང་ལེ་ཡང་དང་ཁོང་རང་གསོན་པོ་ལངས་ཀྱི་དིག་ཟིན་གསུངས་པི་དིག 32ཡང་ཁོང་གིས་རང་གི་སྐོར་ལེ་ཅི་འོང་རྒྱུ་ཡིན་དི་དོན་དེ་གསལ་པོ་བྱས་ཏེ་གསུང་ཕེན། པེ་ཏྲོས་ཡེ་ཤུ་ཟུར་ལེ་ཁྲིད་ཏེ་ཁོང་ལེ་འདི་གི་འོང་སྲིད་ལོད་མེད་ཟིན་ཁོང་ལེ་འཁྲུག་པ་བཙལ་ལི་དིག 33ཡིན་ནའང་། ཡེ་ཤུ་ཞལ་ཚུར་འཁོར་ཏེ་སློབ་མ་ཀྱ་ལེ་གཟིགས་ཏེ། པེ་ཏྲོ་ལེ་བཀའ་བཀྱོན་གནང་སྟེ། བདུད་སཱ་ཏན་ཁྱོད་ཕ་ལེ་རྒྱུགས། ཁྱོད་ཀྱིས་དཀོན་མཆོག་གི་དགོངས་པ་ཅོག་འདྲ་མ་བྱས་ཏེ། མིའི་འདོད་པ་ཅོག་འདྲ་བྱས་པི་དིག་ཟིན་གསུངས་པི་དིག 34དེ་ནས་ཁོང་གིས་མི་ཚོགས་དིང་སློབ་མ་ཀྱ་རང་གི་མདུན་དུ་སྐད་བཏང་སྟེ། གལ་སྲིད་མི་སུ་ཞིག་ངའི་རྗེས་ལེ་འབྲང་འདོད་འོད་ནི། མི་དེ་ཀྱ་ཀྱིས་ང་ཟེར་རི་ཚིག་དེ་སྤངས་ཏེ་གདུང་མ་ཀུ་རུ་ཁ་འཁུར་ཏེ་ངའི་རྗེས་ལེ་འབྲོངས་ལེད། 35མི་སུས་རང་གི་སྲོག་སྐྱོབ་འདོད་མཁན་དེས། རང་གི་སྲོག་ཤོར་གྱི་དིག ཡང་ང་རིང་ངའི་གཏམ་བཟང་གི་ཆེད་དུ། རང་སྲོག་བོར་མཁན་དེས་རང་སྲོག་སྐྱོབ་ཀྱི་དིག 36མི་སུ་ཞིག་ལེ་འཇིག་རྟེན་གང་ཚང་ཐོབ་ནའང་། རང་སྲོག་ཤོར་ནི་ཅི་ཕན་ཐོགས་འདུག་གོ། 37ཡང་ནི། མི་སུ་ཞིག་གིས་དཀོན་མཆོག་ལེ་རིན་ཆེན་པོ་གཏད་དེ་མཐའ་མེད་པའི་ཚེ་སྲོག་དེ་འཐོབ་སྲིད་གྱོ་འོད་དི་གས། རྩ་བ་ནས་འཐོབ་སྲིད་ཀྱི་མ་དིག 38བྱི་བོ་བྱི་མོ་བགྱིད་མཁན་དིང་སྡིག་ཅན་ད་ལྟའི་མི་རབས་འདི་ཀྱ་ཀྱིས་ང་རིང་ངས་བསྟན་པའི་བསླབ་བྱ་འདི་ལེ། ཁས་ལེན་མ་བྱས་ཏེ་ངོ་ཚ་ཞིག་ལེ་བརྩིས་ནི། མིའི་བི་ས་ཟང་རང་གི་ཡབ་ཀྱི་གཟི་བརྗིད་ངང་ནས་དཀོན་མཆོག་གི་ཕོ་ཉ་དམ་པ་ཀྱ་དིང་སྐྱེན་ལེ་འོང་རྒྱ། མི་དེ་ཀྱ་ལེ་ཁས་ལེན་མ་བྱས་ཏེ་ངོ་ཚ་ཞིག་ལེ་བརྩི་གྱི་དིག་ཟིན་གསུངས་པི་དིག །
Tällä hetkellä valittuna:
མར་ཀུ། 8: DLPO
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2023 Wycliffe Bible Translators, Inc. All rights reserved.
