KISAH 11
11
Laporan Petrus nu Jemaah-jemaah ku Kote Yerusalem
1Rasul-rasul ru sengoi-sengoi de pecaya nu Yesus ku dikdij lengrik Yudea naicerngai gah adeh: Mai pek Yahudi pen ya naiterima engrok Jenang. 2Bile Petrus kilos nij nu kote Yerusalem, mai Yahudi de pecaya nu Yesus naipersek ha Petrus. 3Naiurok, “Hek hamuj nu deg mai pek Yahudi ru hacakcak ru enai!”
4Kerana ajeh, Petrus kipejelas nu enai dikdij hal de ya belaku ju imula. 5“Tengah ngbedoa ku kote Yope, ngkep nanek nengneng. Ngneng nuhenglei begei abat libar de bigantong ku iempat-empat penjuru bicerleh ju langit nu eng. 6Bile ngperatik nu ikateh, ngbakek binatag de berjog empat, binatag de ces, binatag begei ha tijik ru gerig, ru cep-cep de ces. 7Lalu ngcerngai suara kibual nu eng, ‘Kosloh, Petrus! Goj binatag ajeh ru cakloh!’ 8Tapi ngberlag, ‘Eng pek buleh, jen! Eng pek pernah ngcak ma-ma pen caknak haram de biget ya Hukom Taurat.’ 9Suara ajeh kiurok nij ju langit, ‘Ma-ma de bipejadi halal ya Jenang, hek pek buleh haanggap ajeh haram.’ 10Hal ajeh kibeulag lei nik kali lalu abat ajeh pen teangket nij nu langit.
11Ku sarik jijeh juga, nik mom mai ju kote Kaisarea de bingeng nu eng naitiba ku deg de nggei. 12Kelog Santen Kior eng ngjoi enai ru pek ngpiker jeoi. Enam urag sedara seiman ju kote Yope adeh naijoi eng nu kote Kaisarea ru dikdij lijik jimuj nu kateh deg Kornelius. 13Kornelius kipasal nu jik hal adeh: Kek ya kineng numom malikat kijinjeg ku ideg ru kiurok, ‘Orloh memerip urag et nu kote Yope ru ceregloh sengoi de imuh Simon Petrus. 14Kek doh kipasal begeiharok hek ru peringak hek dapat bipeselamat.’ ”
15Petrus kiurok nij, “Mase eng mula ngbelwal, Kelog Santen Kiceleh nu enai. Hal ajeh sama begei de tejadi ku hik imula entem. 16Lalu ngingat ha ma de Tuhan pernah Kiurok, ‘Yohanes Pembaptis kibaptis mai ya teu tapi engkek doh bibaptis ya Kelog Santen.’#Kis 1:5 17Jenang Kiog kurnie nu hik telas hipecaya nu Tuhan Yesus Kristus. Kek Kiog kurnie de sama juga nu enai. Eng pek mong kuasa ngha-get Jenang!”
18Bile mai Yahudi de pecaya nu Yesus ajeh naicerngai tentang hal ajeh, enai pen naikerakdik. Lalu naipateh ha Jenang ru naiurok, “Amen begei ajeh, Jenang juga Kiog peluang nu mai pek Yahudi naibetobat supaye buleh naikep sinui de lei ditehjeh!”
Jemaah-jemaah ku Kote Antiokhia
19Telas Stefanus biperdat, dikdij pengikot Yesus bianiaye lei naiceraklah. Mai engleg naijar lei nu kawasan Fenisia, Pulau Cyprus, ru kote Antiokhia. Enai naiperlei Gah Bor had nu mai Yahudi taleh.#Kis 8:1-4 20Tapi ku engkap enai ajeh mong memerip urag ju Pulau Cyprus ru kote Kirene de naihol nu kote Antiokhia ru naiperlei Gah Bor tentang Tuhan Yesus nu mai pek Yahudi. 21Kuasa TUHAN kibeserta ru mai de naiperlei Gah Bor ajeh lei jeoi mai naipecaya ru naiog diri liknai nu Tuhan.
22Jemaah-jemaah ku kote Yerusalem naicerngai tentang gah ajeh. Kerana ajehloh, naingeng Barnabas nu kote Antiokhia. 23Bile kilei ru kineng Jenang Kiberkat sengoi-sengoi ku pajeh, kek ihad kikerakmik. Lalu kipegalak enai supaye dikdij liknai sunggoh-sunggoh naisetie nu Tuhan. 24Barnabas numom sengoi de bor, bikuasa ya Kelog Santen, ru ihad kipecaya nu Tuhan. Ihad jeoi mai naijoi ha Tuhan kerana pelayanan de kibeh.
25Lalu Barnabas kiet nu kote Tarsus kaha-kek Saulus. 26Bile ya kiburuk Saulus, Barnabas kien kek nu kote Antiokhia. Nutenahut iluniu baigei besama ru jemaah-jemaah ku pajeh ru baiajar ihad jeoi mai ku pajeh. Ku kote Antiokhia ajehloh pengikot-pengikot Yesus kali petame bisebot mai Kristian.
27Ku mase ajeh, memerip urag nabi ju kote Yerusalem naihol nu kote Antiokhia. 28Numom ju enai ajeh imuh Agabus. Kek kijinjeg ru ya kuasa Kelog Santen kek kiramal tentang hal adeh: Doh mong cengwag de terok kitejadi ku seluroh dunia. (Cengwag ajeh mimang belaku ku mase Klaudius raja kerajaan Rom kimemerintah.)#Kis 21:10 29Pengikot-pengikot Yesus ku kote Antiokhia naibesetuju naiha-kirep tenulog nu sesedara seiman de gigei ku lengrik Yudea. Enai naiog had belok de naimampu. 30Naingeng Barnabas ru Saulus ha ennen duet ajeh nu pemimpen-pemimpen jemaah ku kote Yerusalem.
انتخاب شده:
KISAH 11: AEH
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
