Marc 8
8
Bwydo peder mil o ddinion
1-10Bitu'r amser 'na, pan we crowd mowr arall â ddim byd 'da nhwy i fita, galwo Iesu ar i ddisgiblion i ddwâd ato fe a gweu‐'thon nhwy, “Dwi'n teimlo drenu dros i crowd, achos man‐nhwy wedi bo da fi am dri dwarnod nawr a senon‐nhwy wedi câl dim byd i fita. Os hala i nhwy getre in llwgu man‐nhwy'n mynd i bango ar i ffordd; ma rhei onon nhwy wedi dwâd o bell bant.” Atebodd i ddisgiblion e, “Ble gall unriwun gâl digon o fara i'r bobol 'ma miwn lle diffeth fel'yn?” Gofinodd‐e iddon nhwy, “Sawl torth sy 'da chi?” “Saith” wedon‐nhwy. Rhoiodd‐e ordors i'r crowd i ishte lawr ar i llawr; a wedi 'ddo gwmrid i torthe a jolch i Dduw torodd e nhwy a'u rhoi nhwy i ddisgibilion i rannu rownd i crowd. We rhei pisgod bach 'da nhwy 'fyd. Wedi 'ddo ddiolch am rheiny fe wedodd‐e wrth i ddisgiblion i rannu rheiny rhynt i crowd i gyd. Biton‐nhwy nes bo nhwy'n llawn; a gasglon‐nhwy saith basgeded o sbarion we dros ben. We rhyw beder mil o ddinion 'na i gyd. Halodd‐e nhwy bant a wedyn âth‐e miwn cwch da'i ddisgiblion a fe ddethon‐nhwy i ardal Dalanwtha.
I Ffariseied ishe sein
11-13Dâth i Ffariseied a dadle dag e. Gofinon‐nw iddo fe am sein o'r nefodd: i desto fe wên‐nhwy'n i neud. Tuchanodd‐e'n ddwfwn lawr tu‐fiwn 'ddo i'unan a gweud, “Pam ma'r genhedleth ma ishe sein? Dwi'n gweud i gwir wrthoch chi, geith i genhedleth ma ddim sein o gwbwl.” Gadodd‐e nhwy, a fe âth‐e miwn i gwch a bant ag e i ochor arall i llyn.
Berem Herod a berem i Ffariseied
14-21Fel wedd‐i'n digwydd we'r disgiblion wedi anghofio dwâd â bara 'da nhwy, a we dim 'da nhwy in i cwch ond un dorth. A wedo Iesu wrthon nhwy, “Newch chi'n shwr ich bo chi'n watsho mas am ferem dansherus i Ffariseied a berem dansherus Herod”. Ond wên‐nhwy wrthi o hyd in cwmpo mas da'i gily achos bo ddim bara 'da nhwy. We Iesu in gwbod hyn a wedodd‐e wrthon nhwy, “Pam ŷch‐chi'n dadle obitu bo ddim bara 'da chi? Sinoch chi'n diall 'to? Odych meddilie chi'n galed, neu beth? Ma lliged 'da chi: sinoch‐chi'n gweld? Ma cluste 'da chi; sinoch‐chi'n cliwed? Sinoch‐chi'n cofio, pan dorres‐i'r pum torth i'r pum mil, sowl basgeded o sbarion gasgloch‐chi?” Gwedon‐nhwy wrtho fe, “Douddeg, glei.” “Pan dorres‐i'r saith torth i'r peder mil, sowl basgeded o sbarion gasgloch‐chi lan?” Gwedon‐nhwy wrtho fe, “Saith, glei.” A gwedodd‐e wrthon nhwy, “Senoch‐chi'n diall 'to, 'te?”
Gwella'r dyn we'n dewill in Beseida
22-26Dethon‐nhwy i Beseida. A fe ddâth rhei dinion â dyn we'n dewyll at Iesu a begian arno fe i gwrdd ag e. Cwmrodd‐e'r dyn wrth i law a'i arwen tu‐fas i'r pentre, a wedi iddo fe bowri ar liged i dyn, a rhoi i ddwylo arno fe, gofinodd Iesu iddo fe, “Wit‐ti'n gweld rwbeth?” Drichodd i dyn lan a gweud, “Dwi'n gweld dinion; ma nhwy'n drich fel llwyni, ond dwi'n u gweld nhwy in cered obitu'r lle.” Wedyn fe roiodd Iesu i ddwylo ar liged i dyn shwrne 'to a wedd‐e'n gweld in iawn. Wedd‐e wedi gwella a wedd‐e'n gweld popeth in glir, hyd 'n‐ôd pethe we'n bell bant. Halodd Iesu fe getre, a gweu‐'tho fe, “Peida mynd miwn i'r pentre.”
Pedr in diall pwy we Iesu
27-30Âth Iesu a'i ddisgiblion miwn i bentrefi Ceserea Ffilipi, a ar ir hewl gofinodd‐e i ddisgiblion, “Pwy ma dinion in meddwl wdw‐i?” Gwedon‐nhwy wrtho fe, “Ioan Fididdiwr; on ma dinion erill in gweud, ‘Eleias’, a rhei erill 'to, ‘Un o'r proffwydi.’ ” Gofinodd‐e iddon nhwy, “On beth amdanoch chi, pwy ŷch‐chi'n meddwl wdw‐i?” Atebodd Pedr e, “Ti yw'r Meseia.” Gwedodd Iesu wrthon nhwy'n blaen i beido â gweud wrth neb amdano.
Iesu'n gweud i fod e'n mynd i gâl i ladd
31-38Disgodd Iesu iddyn nhwy bo'n rhaid i Grwt i Dyn ddiodde lot, a bidde'r henuried, i penffeiradon a'r rhei we'n disgu'r Gifreth in troi in i erbyn e; bidde‐fe'n câl i ladd, a wedi tri dwarnod codi 'to in fyw; a sharadodd‐e am hyn in itha agored. Cwmrodd Pedr e i un ochor a sharad in gas 'dag e. Troiodd Iesu, a wrth ddrich ar i ddisgiblion sharadodd‐e'n blaen 'da Pedr. Gwedodd‐e, “Cer mas o ngolwg i Satan, achos senot‐ti'n meddwl fel ma Duw in meddwl, on fel ma dinion in meddwl.”
Galwodd‐e'r crowd a'i ddisgiblion a gwedodd‐e wrthon nhwy, “Os wes unriwun am in ddilyn i, wedyn ma'n rhaid 'ddo fe anghofio am i unan, codi'i grwes a'n ddilyn i. Achos os ma unriwun am safio'i fowyd i unan bydd e'n i golli fe ginta, on ma unriwun sy'n colli i fowyd ar in gownt i ag ar gwnt ir ifingyl in achub i fowyd. Achos pwy werth yw‐i i ddyn i gâl i byd in gifan a gorffod rhoi i fowyd amdano? A beth ma dyn in mynd i roi fel prish ar i fowyd? Achos os bydd cwiddil ona i ar unriwun, a cwiddil o'n ngeire i i'r genhedleth ddrwg a anffiddlon 'ma, wedyn fe fydd cwiddil da Crwt i Dyn ohenyn nhwy, pan ddeith‐e ing ngogoniant i Dad gida'r angilion sanctedd.” Gwedodd‐e wrthon nhwy, “Dwi'n gweud i gwir wrthoch chi, ma na rai sy'n sefyll fan'yn sy ddim in mynd i farw nes u bo nhwy wedi gweld Teyrnas Duw wedi dwâd in i chrifder.”
اکنون انتخاب شده:
Marc 8: DAFIS
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Y Beder Ifingyl gan Lyn Lewis Dafis. Hawlfraint – M ac R Davies
