Yohani 13

O Pisawsaw ni Yis to Wa'ay no Nisawawaan

1I 'ayaw no Pita'lifan a Lisin i, mahapinangto ni Yis ko nika maraodto ko piliyasan Ningra tonini a hkal a tayra ci Wamaan. Tangasa i tolas no 'orip ni Yis ko nika olah Ningra toya kaolahan Ningra to ha:tiniay a salikaka Ningra i tini i hkal.

2Yo malafito cangra i, mapalowadto no Palafoay ko faloco' ni Yuta o wawa ni Simon no Iskariyot to sapipacakayaw ci Yisan. 3Mafana'to ci Yis to nika mapatorodto no Wama i Cingraan ko dadmaken a ma^min. Mafana' Cingra to nika o nai Kawasay Cingra ato o maminokay Cingra i Kawas. 4Lowad sato Cingra nai tahka. Hlong sa Cingra to kafafang Ningra. Ta ala sa Cingra to sasifin a mifaked i tatlecan Ningra. 5Ta paro sato Cingra to nanom i mintang#13.5 mintang -- o no Payrang a sowal. a misawsaw to wa'ay no nisawawaan. Sisiten Ningra toya nifakedan Ningra a sasifin ko wa'ay nangra. 6Tangasa ci Yis ci Simon Pitiroan i, sowal sa ci Pitiro, <<Tapangaw, o papatadoen Iso kako a misawsaw to wa'ay ako saw?>> han ningra.

7Paca'of sa ci Yis, <<Caay ka fana' kiso i matini tonini a dmak Ako. I ikoray nonini a mafana' kiso,>> han Ningra.

8Pasowal sa ci Pitiro, <<Caay ko mamakahi kako a papisawsaw Tisowanan to wa'ay ako!>> han ningra.

Paca'of sa ci Yis, <<Ano caay pisawsaw Kako to wa'ay iso i, caayto ka kakihar kita,>> han Ningra.

9Pasowal sa ci Simon Pitiro, <<Tapangaw, ano hatira i, aka ka o wa'ay ako a ccay ko sasawsawen! Halokamayen ako ato fongoh ako a misawsaw!>> han ningra.

10Pasowal sa ci Yis i cingraan, <<O mahrekayto a mingingoy i, o makoracayto ko tireng ningra. Deng o wa'ay a ccay ko sasawsawen. Talacowa makoracayto kamo o nisawawaan Ako, nikawrira, caay ka ^min a makorac kamo,>> han Ningra. (11O sakasaan ni Yis i, mafana' Cingra to nika o papacakay ko ccay nangra i Cingraan. Orasaka, <<Caay ka ^min a makorac kamo,>> saan.)

12Mahrek ci Yis a misawsaw to wa'ay no nisawawaan i, ciriko' Cingra to kafafang Ningra, ta patiko a maro' i kamaro'an Ningra. Sowal sa, <<Pasowalen Ako kamo i matini to tatodong nonini a dmak Ako. 13Singsiaw, Tapangaw, saan kamo a mitahidang i Takowanan. Matamaay ko sowal namo. Nawhani orira Kako. 14Talacowa o Tapang o Singsi namo Kako nikawrira, sawsawen Ako ko wa'ay namo. Orasaka, o hahaenen ko namo a masasisawsaw to wa'ay. 15O malopi'arawan namo ko dmak Ako saka, haenen Ako ko dmak i tamowanan. Nanay haenen o dmak Ako ko dmak namo. 16So'linen Ako a somowal kamo, caay pikikaka to tawki ko koli. Caay pikikaka to miocoray a tamdaw ko maocoray. 17Mafana' kamo tonini a dmak. Saka, ano milahci kamo tonini i, o malmeday kamo.

18<<Onini a sowal Ako i, caay ko pakayniay i tamowanan a ma^min, mafana' Kako to nipili'an Ako a tamdaw. Nikawrira, o mamalahci ko matiliday i Fangcalay Cudad toya, <Haloya nipatahkaan ako a tamdaw a tnok sa i takowanan,> sanay. 19Caho ka lahci i matini konini a dmak. Nikawrira, pali'ayawento Ako kamo a somowal. Onini i, ano malahcito konini a dmak i, o sapaso'linaw namo to nika <O misatapangay, o milahciay a Kawas> Kako. 20So'linen Ako a somowal kamo, o mihamhamay to niocoran Ako a tamdaw i, o mihamhamay i Takowanan. O mihamhamay i Takowanan i, o mihamhamay toya miocoray Takowanan,>> han Ningra.

O Pipali'ayaw ni Yis to Pipacakay no Tamdaw Cingraan

(Matay 26.20-25; Maroko 14.17-21; Luka 22.21-23)

21Mahrek ci Yis a somowal tonini i, mararom ko faloco' Ningra. Saka, pahapinang sa Cingra a somowal, <<So'linen Ako a somowal kamo, ira i tamowanan ko ccay a mamipacakay i Takowanan,>> saan.

22Ckok sa ko nisawawaan. Sacingacinga sa cangra a somowal, <<Cima kora nisowalan Ningra hakini?>> saan cangra. 23I tatihi ni Yis a maro' koya kaolahan Ningra a ccay a nisawawaan, 24paciem sa ci Simon Pitiro i cingraan a somowal, <<Licayen ci Yis to nika cima ko nisowalan Ningra,>> han ningra.

25Saka, copa han ningra ci Yis a milicay, <<Tapangaw, cima ko nisowalan Iso?>> han ningra.

26Paca'of sa ci Yis, <<Ano cima ko nipaflian Ako a tamdaw to nicno'an Ako a pcih no ^pang i, orira a tamdaw,>> han Ningra. Ta ala sa Cingra to pcih no ^pang a micno' i tnas a pafli i ci Yutaan o wawa ni Simon no Iskariyot. 27Mahrek ci Yuta a komaen toya ^pang i, micomod ci Satan to faloco' ningra. Sowal hanto ni Yis cingra, <<Kalamkamen a midmak kora dadmaken iso,>> han Ningra. 28Oya mitahkaay a tamdaw i, awaay ko mafanafana'ay nangra to tatodong no sowal ni Yis ci Yutaan. 29O harateng no romaroma nangra i, <<Tona o mitatoyay to papaysoan ci Yuta saka, latek papicakayen ni Yis cingra to sapisalisin ita a maamaan. Ano ^ca i, papipalada'en Ningra cingra to maan i pakoyoc a tamdaw,>> saan cangra.

30Orasaka, maharek ci Yuta a komaen toya ^pang i, tangsol sa cingra a masadak. O dadayato itiya.

O Fa^lohay a Limo'ot

31Namasadak ci Yuta i, pasowal ci Yis, <<Mapahapinangto i matini ko nika tadamaan noya nai kakarayanay a Wawa no Tamdaw. O romasato, pakayni toya Wawa no Tamdaw a mapahapinang ko nika tadamaan no Kawas. 32Ano pakayni toya Tamdaw a mapahapinang ko nika tadamaan no Kawas i, o papatalahkalen no Kawas ko nika tadamaan noya Tamdaw. O tatangsolen Ningra a milahci konini. 33Wawaaw, caayto ka halafin ko nipikapot Ako i tamowanan. O mamikilim kamo i Takowanan, nikawrira, mato nipipasowal Ako i kakrikridan no Yutaya a tamdaw i 'ayaw ko nipipasowal Ako i tamowanan i matini toya, <Caay ka nga'ay kamo a tayra i katayraan Ako,> sanay. 34Orasaka, paikoren Ako kamo to fa^lohay a dado^doen namo a limo'ot. Kasasiolaolah kamo. Samatiyaen o nika olah Ako i tamowanan ko nika sasiolaolah namo. 35Ano masasiolaolah kamo i, pakayni tonini ko sakafana' no tamdamdaw to nika o nisawawaan Ako kamo,>> han Ningra.

O Pipali'ayaw ni Yis to Pihakeno ni Pitiro

(Matay 26.31-35; Maroko 14.27-31; Luka 22.31-34)

36Pasowal sa ci Simon Pitiro ci Yisan, <<Tapangaw, o tatalacowa Kiso?>> han ningra.

Paca'of sa ci Yis, <<Caay ka nga'ay kiso anini a mitoor i Takowanan a tayra i katayraan Ako. Nikawrira, i ikoray i, o mamitoor kiso i Takowanan,>> han Ningra.

37Pasowal sa ci Pitiro, <<Tapangaw, nawiro caay ka nga'ay kako a mitoor i Tisowanan anini? Sakinafalahan kako to 'orip ako a mitoor Tisowanan,>> han ningra.

38Paca'of sa ci Yis, <<Sakinafalahan kako to 'orip ako a mitoor Tisowanan saan kiso saw? So'linen Ako a somowal kiso, i 'ayaw no nika skak no 'ayam i, wa kinatolo kiso a mihakeno i Takowanan,>> han Ningra.

انتخاب شده:

Yohani 13: AMIS2019

های‌لایت

به اشتراک گذاشتن

کپی