Ioan 10
10
A.D. 32. —
1 Crist yw y drws, a’r bugail da. 19 Amryw dyb amdano. 25 Y mae yn profi trwy ei weithredoedd, mai efe yw Crist Mab Duw: 39 yn dianc rhag yr Iddewon, 40 ac yn myned drachefn dros yr Iorddonen; lle y credodd llawer ynddo ef.
1Yn wir, yn wir, meddaf i chwi, Yr hwn nid yw yn myned i mewn drwy’r drws i gorlan y defaid, eithr sydd yn dringo ffordd arall, lleidr ac ysbeiliwr yw. 2Ond yr hwn sydd yn myned i mewn drwy’r drws, bugail y defaid ydyw. 3I hwn y mae’r drysor yn agoryd, ac y mae’r defaid yn gwrando ar ei lais ef: ac y mae efe yn galw ei ddefaid ei hun erbyn eu henw, ac yn eu harwain hwy allan. 4Ac wedi iddo yrru allan ei ddefaid ei hun, y mae efe yn myned o’u blaen hwy: a’r defaid sydd yn ei ganlyn ef, oblegid y maent yn adnabod ei lais ef. 5Ond y dieithr nis canlynant, eithr ffoant oddi wrtho: oblegid nad adwaenant lais dieithriaid. 6Y ddameg hon a ddywedodd yr Iesu wrthynt: ond hwy ni wybuant pa bethau ydoedd y rhai yr oedd efe yn eu llefaru wrthynt. 7Am hynny yr Iesu a ddywedodd wrthynt drachefn, Yn wir, yn wir, meddaf i chwi, Myfi yw drws y defaid. 8Cynifer oll ag a ddaethant o’m blaen i, lladron ac ysbeilwyr ŷnt: eithr ni wrandawodd y defaid arnynt. 9#Pen 14:6; Eff 2:18Myfi yw’r drws: os â neb i mewn trwof fi, efe a fydd cadwedig; ac efe a â i mewn ac allan, ac a gaiff borfa. 10Nid yw lleidr yn dyfod ond i ladrata, ac i ladd, ac i ddistrywio: myfi a ddeuthum fel y caent fywyd, ac y caent ef yn helaethach. 11#Esa 40:11; Esec 34:23; 37:24; Heb 13:20; 1 Pedr 5:4Myfi yw’r bugail da. Y bugail da sydd yn rhoddi ei einioes dros y defaid. 12Eithr y gwas cyflog, a’r hwn nid yw fugail, yr hwn nid eiddo y defaid, sydd yn gweled y blaidd yn dyfod, ac #Sech 11:16, 17yn gadael y defaid, ac yn ffoi: a’r blaidd sydd yn eu hysglyfio hwy, ac yn tarfu’r defaid. 13Y mae’r gwas cyflog yn ffoi, oblegid mai gwas cyflog yw, ac nid oes ofal arno am y defaid. 14Myfi yw’r bugail da; ac #2 Tim 2:19a adwaen yr eiddof fi, ac a’m hadwaenir gan yr eiddof fi. 15#Mat 11:27Fel yr edwyn y Tad fyfi, felly yr adwaen innau’r Tad: ac yr ydwyf yn rhoddi fy einioes dros y defaid. 16A #Esa 56:8defaid eraill sydd gennyf, y rhai nid ŷnt o’r gorlan hon: y rhai hynny hefyd sydd raid i mi eu cyrchu, a’m llais i a wrandawant; #Esec 37:22; Eff 2:14; 1 Pedr 2:25a bydd un gorlan, ac un bugail. 17Am hyn y mae’r Tad yn fy ngharu i, #Esa 53:7, 8, 12; Heb 2:9am fy mod i yn dodi fy einioes, fel y cymerwyf hi drachefn. 18Nid oes neb yn ei dwyn oddi arnaf fi: ond myfi sydd yn ei dodi hi i lawr ohonof fy hun. Y mae gennyf feddiant i’w dodi hi i lawr, ac #Pen 2:19y mae gennyf feddiant i’w chymryd hi drachefn. #Pen 15:10; Act 2:24Y gorchymyn hwn a dderbyniais i gan fy Nhad.
19 #
Pen 7:43
; 9:16Yna y bu drachefn ymrafael ymysg yr Iddewon, am yr ymadroddion hyn. 20A llawer ohonynt a ddywedasant, #Pen 7:20; 8:48, 52Y mae cythraul ganddo, ac y mae efe yn ynfydu: paham y gwrandewch chwi arno ef? 21Eraill a ddywedasant, Nid yw’r rhai hyn eiriau un â chythraul ynddo. #Exod 4:11; Salm 94:9; 146:8A all cythraul #Pen 9:6, 7agoryd llygaid y deillion?
22Ac yr oedd y gysegr‐ŵyl yn Jerwsalem, a’r gaeaf oedd hi. 23Ac yr oedd yr Iesu yn rhodio yn y deml, #Act 3:11; 5:12ym mhorth Solomon. 24Am hynny y daeth yr Iddewon yn ei gylch ef, ac a ddywedasant wrtho, Pa hyd yr wyt yn #10:24 ein cadw rhwng dau feddwl?peri i ni amau? os tydi yw’r Crist, dywed i ni yn eglur. 25Yr Iesu a atebodd iddynt, Mi a ddywedais i chwi, ac nid ydych yn credu. #Pen 10:38; Ioan 5:36Y gweithredoedd yr wyf fi yn eu gwneuthur yn enw fy Nhad, y mae y rhai hynny yn tystiolaethu amdanaf fi. 26Ond #Pen 8:47chwi nid ydych yn credu: canys nid ydych chwi o’m defaid i, fel y dywedais i chwi. 27Y mae fy nefaid i yn gwrando fy llais i; a mi a’u hadwaen hwynt, a hwy a’m canlynant i: 28A minnau ydwyf yn rhoddi iddynt fywyd tragwyddol; ac #Pen 6:37; 17:11, 12; 18:9ni chyfrgollant byth, ac ni ddwg neb hwynt allan o’m llaw i. 29#Pen 14:28Fy Nhad i, yr hwn a’u rhoddes i mi, sydd fwy na phawb: ac nis gall neb eu dwyn hwynt allan o law fy Nhad i. 30#Pen 17:11, 22Myfi a’r Tad un ydym. 31Am hynny #Pen 8:59y cododd yr Iddewon gerrig drachefn i’w labyddio ef. 32Yr Iesu a atebodd iddynt, Llawer o weithredoedd da a ddangosais i chwi oddi wrth fy Nhad: am ba un o’r gweithredoedd hynny yr ydych yn fy llabyddio i? 33Yr Iddewon a atebasant iddo, gan ddywedyd, Nid am weithred dda yr ydym yn dy labyddio, ond am gabledd, ac am dy fod di, a thithau yn ddyn, #Pen 5:18yn dy wneuthur dy hun yn Dduw. 34Yr Iesu a atebodd iddynt, #Salm 82:6Onid yw yn ysgrifenedig yn eich cyfraith chwi, Mi a ddywedais, Duwiau ydych? 35Os galwodd efe hwy yn dduwiau, at y rhai y daeth gair Duw, (a’r ysgrythur nis gellir ei thorri;) 36A ddywedwch chwi am yr hwn #Pen 6:27a sancteiddiodd y Tad, ac a’i hanfonodd i’r byd, Yr wyt ti yn cablu; #Pen 5:17, 18am i mi ddywedyd, #Luc 1:35Mab Duw ydwyf? 37#Pen 15:24Onid wyf fi yn gwneuthur gweithredoedd fy Nhad, na chredwch i mi: 38Ond os ydwyf yn eu gwneuthur, er nad ydych yn credu i mi, #Pen 5:36; 14:10credwch y gweithredoedd; fel y gwybyddoch ac y credoch, #Pen 14:11; 17:21 fod y Tad ynof fi, a minnau ynddo yntau. 39#Pen 7:30, 44; 8:59Am hynny y ceisiasant drachefn ei ddal ef: ac efe a ddihangodd allan o’u dwylo hwynt. 40Ac efe a aeth ymaith drachefn dros yr Iorddonen, i’r man #Pen 1:28lle y buasai Ioan ar y cyntaf yn bedyddio; ac a arhosodd yno. 41A llawer a ddaethant ato ef, ac a ddywedasant, Ioan yn wir ni wnaeth un arwydd: #Pen 3:30ond yr holl bethau a’r a ddywedodd Ioan am hwn, oedd wir. 42A llawer yno a gredasant ynddo.
اکنون انتخاب شده:
Ioan 10: BWM1955C
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
