Mi cilima 36
36
Esayu gedi ki ban kali Edomi diema nni
1Bine n tie Esayu ban yi yua Edomi yeni puoliŋuani. 2Esayu den taa o puoba Kanana yaaba bisiaba siiga, lani n tie Hititi yua Elon bisalo Ada leni Hiviti yua Tisibeoni bijua Ana bisalo Oholibama#Cil 26.34. 3leni Isimayeli bisalo Basimati, Nebayoti waalo yeni.#Cil 28.9. 4Ada den mali Esayu po Elifasi, Basimati den mali o po Rewuyeli. 5Oholibama den mali o po Yeusi, Yalam leni Kore. Bani n tie Esayu bijaba, ban den mali o po yaaba Kanana diema nni.
6Esayu den taa o puoba, o bijaba leni o bisiaba, wan den pia yaa niba o diegu nni, o yangola leni wan den baa yaa piama kuli Kanana diema nni, ki gedi dietoama, naankani n foagi leni o waalo Jakob. 7Bi piama den yabi ke li kan tuo ban yaa ye kaanyendu. Ban den ye yaa diema nni naa go den dagidi bi yangola kuli po. 8Esayu den kali Seyiiri juali kani. Esayu go den yi Edomi.
Esayu puoliŋuani
9Bine mo n tie Edomi yaaba Esayu yaabila, wan mali yaaba Seyiiri juali kani. 10Esayu bijaba yela n tie ne. Esayu pua Ada bijua den tie Elifasi. Esayu pua Basimati bijua den tie Rewuyeli.
11Elifasi bijaba den tie Temani, Omari, Tisefo, Gaetam leni Kenasi. 12Esayu bijua Elifasi puotuado Timina den mali Elifasi po Amaleki. Bani n tie Esayu yaa pua Ada bijaba.
13Bine mo n tie Rewuyeli bijaba: Nahati, Sela, Sama leni Misa. Bani mo n tie Esayu pua Basimati bijaba. 14Bine mo n tie Esayu pua Oholibama yua n tie Tisibeoni bijua Ana bisalo bijaba. O den mali Esayu po Yeusi, Yalam leni Kore.
15Bine mo n tie Esayu puoliŋuani siiga bi yudanba: Temani, Omari, Tisefo, Kenasi, Kore, 16Gaetam leni Amaleki. Bani n tie yaa yudanba n den ñani Elifasi niinni, Edomi diema nni, Esayu pua Ada bijaba.
17Bine n tie Esayu bijua Rewuyeli yaa puoliŋuani siiga bi yudanba: Nahati, Sela, Sama leni Misa. Bani n tie yaa yudanba n den ñani Rewuyeli niinni Edomi diema nni, Esayu pua Basimati bijaba.
18Bine mo n tie Esayu pua Oholibama bijaba siiga bi yudanba: Yeusi, Yalam leni Kore. Bani mo n tie yaa yudanba n den ñani Esayu pua Oholibama niinni, yua n tie Ana bisalo. 19Bani n tie Esayu bijaba, ki tie bi buoli kuli yaa yudanba. Esayu n tie Edomi.
20Bine mo n tie Hori yua Seyiiri bijaba. Bani n tie laa diema nikpiaba. Lani n tie Lotani, Sobali, Tisibeoni, Ana, Disoni, Etiseri leni Disani, 21bani n tie Hola yaaba yudanba, Seyiiri bijaba n yeni, Edomi diema nni. 22Lotani bijaba den tie Hori leni Hemami. Lotani naataanpuoga den tie Timina. 23Bine mo n tie Sobali bijaba: Alifana, Manahati, Ebali, Sefo leni Onam. 24Bine mo n tie Tisibeoni bijaba: Afa leni Ana. Li den tie laa Ana yua n den laa yaa ñinbuna n pia mi ñintonma mi fanpienma nni, wan den kpaa o baa Tisibeoni ŋunbi yaa yogunu. 25Bine mo n tie Ana bila: Disoni leni Oholibama, Ana bisalo yeni. 26Bine mo n tie Disani bijaba, Hemidani, Esibani, Yitirani leni Kerani. 27Bine mo n tie Etiseli bijaba, Bilihani, Saafani leni Akan. 28Bine mo n tie Disani bijaba, Utisi leni Arani. 29Bine mo n tie Hola yaaba yudanba: Lotani, Sobali, Tisibeoni, Ana, Disoni, Etiseri leni Disani. 30Bani n tie Hola yaaba yudanba, yaaba n den ye Seyiiri diema nni.
31Bine mo n tie yaa badiba n den die Edomi diema nni, hali ke bado daa den kali ti gbandi po Isidayeli bila siiga. 32Beori bijua Bela den die Edomi, o dociamu den yi Dinihaba. 33Bela den guani ke Botisira yua Sela bijua Yobabi den gaa o kaanu, ki kali ti gbandi po. 34Yobabi den guani ke Temani yaaba diema yua Husam den gaa o kaanu ki kali ti gbandi po. 35Husam den guani, ke Bedadi bijua Hadadi den gaa o kaanu ki kali ti gbandi po. Li den tie wani yua n den pua Madiani Moabi fanpienma nni. O dogu den yi Aviti. 36Hadadi den guani ke Maseleka yua Samiri den gaa o kaanu ki kali ti gbandi po. 37Samiri den guani ke Rehoboti, yuu n ye u kpenu kani yua Sawuli den gaa o kaanu ki kali ti gbandi po. 38Sawuli den guani ke Akibori bijua Baali-Hanani den gaa o kaanu ki kali ti gbandi po. 39Akibori bijua Baali-Hanani den guani ke Hadari den gaa o kaanu ki kali ti gbandi po. O dogu den yi Pau. O pua den yi Mehetabeeli, ki tie Matileda bijua Mesahaba bisalo.
40Bine n tie yaa yudanba n den ñani Esayu niinni, nani bi buoli, bi dogi leni bi yela kuli n tie maama: Timina, Aliva, Yeteta, 41Oholibama, Ela, Pinoni, Kenasi, 42Temani, Mibitisari, 43Magidieli leni Iram. Bani n tie Edomi yudanba nani bi diedi n den tie maama, ban die yaa diema nni. Lani n tie Esayu Edomi yaaba yaa yaaja.
انتخاب شده:
Mi cilima 36: BGP
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Gulmancema Protestant Bible © Bible Society of Burkina Faso, 2013.