Mi cilima 35
35
Jakob ñani Sikemi ki gedi Beteli
1U Tienu den yedi Jakob: «Fii ki gedi Beteli ki ban yaa ye lankani. Lankani, a baa maa li padibinbinli U Tienu yua n den doagidi a kani po, ŋan den tiini a kpelo Esayu yaa yogunu.»#Cil 28.11-17.
2Jakob den yedi o diegu nni yaaba leni yaaba n den ye leni o kuli: «Lu mani yaa nilanbuli n ye yi siiga, ki ŋanbi yi baa, ki lebidi yi tiadi. 3Tin fii ki do ki gedi Beteli. Lankani n baa maa li padibinbinli U Tienu yua n den cengi n miabu n falaciamo daali po, yua n den ye leni nni min den goadi yaa goada kuli nni.»
4Bi den teni Jakob yaa buli n den ye bi nuu nni kuli, ki go teni o bi tubilenlena. Jakob den piini likuli yaa tibu n yi telebinti kani, ki kuu leni Sikemi. 5Lan den pendi, bi den fii. U Tienu den teni ke ti jawaanciandi cuo yaa dogi n den lindi ba kuli, ke baa den tuo ki ŋoadi ki deli Jakob bijaba.
6Jakob leni yaaba n den ye leni o kuli den pundi Lusi, yuu n go yi Beteli, Kanana diema nni. 7O den maa li padibinbinli lankani ki yini laa kaanu El-Beteli, kelima li den tie lankane ke U Tienu den doagidi o kani, wan den tiini o kpelo yaa yogunu.
8Rebeka yualo Debora den kpe ke bi piini o Beteli seni tiidi kani, ke bi den yini laa tibu a bubula yaa seni.
9U Tienu go den doagidi Jakob kani, wan den ñani Padan-Arami ki guani yaa yogunu ki seligi o.
10U Tienu den yedi o:
«A yi Jakob,
Bi kan go yini a Jakob,
Ama a ji baa yaa yi Isidayeli.»
Wan den puni o yaa yeli den tie Isidayeli.#Cil 32.28.
11U Tienu den yedi o:
«N tie U Tienu U Paaciamu Daano.
Ŋan yaa maa a bila ki pugidi.
U nibuolu leni i nibuoli boncianla baa ña a niinni,
Bi badiba baa ña a tugu nni.
12N baa pa ŋa min den puni Abalahama leni Isaaka yaa diema,
N baa pa mi naa diema
A puoliŋuani.»#Cil 17.4-8.
13U Tienu den fii ki doni tanpoli wan den maadi leni o naankani. 14Jakob den maa li bontiadikaala U Tienu n den maadi leni o naankani yeni, yaa bontiadikaala n tie tana. O den cabi mi ñima lankani, ki wuli mi kpama li yuli po. 15Jakob den yini laa kaanu Beteli, U Tienu n den maadi leni o naankani.#Cil 28.18-19.
Benjamen madi leni Raseli mo yaa kuuma
16Ban den fii Beteli, kaa ji foagi leni Efrati, Raseli den mali. O madi den paagi o po boncianla. 17Hali ke o da ye o madi fala siiga, o madimaanlo den yedi o: «Ŋan da jie, kelima a go baa bonjaga.»
18Yaa yogunu ke o den bua ki cabi o naano kelima o den baa kpe, o den yini o Benoni, yaali n bundi li paboanli biga. Ama o baa den yini o Benjamen, yaali n bundi n nujienu biga.
19Raseli den kpe ke bi piini o Efrati sanu po, yuu n go yi Betelemi. 20Jakob den sieni li bontiadikaala o kuli po. Raseli kuli bontiadikaala yeni baa ki ye hali dinla.
21Isidayeli den fii lankani ki sieni o gbandieli Migidali-Ederi yaa liiga. 22Isidayeli n da den kaa laa diema nni, Rubeni den gedi ki duani leni Biliha o baa puotuado. Isidayeli den gbadi laa laabaalo. Jakob bijaba den pundi piiga n bonbilie.#Cil 49.4. 23Lea bijaba tie Rubeni, Jakob bijakpelo, Simeon, Levi, Juda, Isakari leni Sabuloni. 24Raseli bijaba tie Josefi leni Benjamen. 25Raseli puotuado Biliha bijaba tie Dan leni Nefitali. 26Lea puotuado Silipa bijaba tie Gadi leni Aseri. Bani n tie Jakob bijaba, ban den mali o po yaaba Padan-Arami dogu nni.
27Jakob den pundi o baa Isaaka kani, Manmire dogu, Kiriyati-Arba yeni, yuu n go yi Hebiron, Abalahama leni Isaaka n den kali naankani.#Cil 13.18. 28Isaaka bina den pundi bina kobiga n piinii. 29O den podi ki kpeligi hali boncianla, ki kuni o danba po. O bijaba Esayu leni Jakob den piini o.
انتخاب شده:
Mi cilima 35: BGP
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Gulmancema Protestant Bible © Bible Society of Burkina Faso, 2013.