Juan 11

Lasalo a lä

nomalayono wei tä a̦

1-2Bedaniateli a Lasalo cuoma. Bä yaö ecöbö ca̦i bälöoma. Marta ai e a̦fa cuoma, María ai e a̦fa cuo mö feduoma. Ö̦jö María a lä cui, toubä nö lä cle̦deli wei toubänö, Bada tä Jesús mamicö fe lä löblaleno wei a suwä cuoma, cama fe̦ta ucunö, mamicö ya̦jöblaö lä majölayono wei a suwä lä cui.

¿Ö̦jö tawä? María bä a̦iyobö Lasalo e lä cui, e jalilioma. 3Ö̦jö cudeenö, Jesús nija a wa̦fa wäyäbä, bä yaö ecöbönö, ai a shömöbölema. Abinaja a nowa nia tayoluma. “Tä a̦ wäyäle. Afä nofi a jalili tai”, a nowa nia tayoluma.

4Ö̦jö ma cui, Jesúsnö a wa̦fa jalili ji̦liaö däjä, abinaja a cuma.

—A lä jaliliale tä wayunö, a nia nomawä cudiomi. Yai Bada a wa̦fa doblao tamobä tä li, Yai Bada ya Ijilubö doblao dablamobä —a cuma.

5Bei. Marta sho, bä fääshä María sho, bä a̦iyobö Lasalo sho, Jesúsnö ö̦jö bä bluca yai nofimaö dodijioma. 6Ö̦jö cudeenö, Lasalo a wa̦fa jalili ji̦liaö däjä, a lä cuono wei jamö a yanöcöa balöquema. Ö̦jamö a fe weyaa bolacalayoma. 7Ö̦jö däjä, cama ebä lä nocamabono wei bä nija abinaja a cuma.

—Bei. Judea jamö bämacö juu da co̦o —a cuma.

8Abinaja cama ebä cuma.

—Tä a̦ wäyäle. Maa mabänö, judio bänö weyajada ja wa nia ma shäyäno wejei ma cui, ¿ö̦jamö bei wa mö nia li yabaö co̦ofälöö? —bä cuma.

9Abinaja Jesús a cuma.

—Bä quili dijä. Tä mö jaba wacacablou lä fenao wei däjä, ¿tä mö wacacawä nö dedeaimi daanö? Tä mö wacacao showaobä jamö täbä juu ja, motoca shi̦i cua yalo, täbä nö mojodili bleaaimi. 10Ö̦jö ma cui, didi däjä täbä juu dicoo ja, tä lä wacacai etä cuami yalo, täbä wäcäblou si ijejewä —a cuu ja̦looma.

11Inaja a cuu fa balöonö, abinaja bä nowa taö nomöjöoma.

—Bäma a lä nofimaö wei a Lasalo miquema ma cui, ya la̦maö co̦obä ya nia juu —bä nowa tama.

12Cama ebä lä nocamabono wei bä lä cui, abinaja bä cuma.

—Tä a̦ wäyäle. A miquema ja lä, a jalou co̦o weicätä —bä cuma.

13A lä nomalayono wei, Jesúsnö tä a̦fa yai wayoama ma cui, showadi täbä modawä ca̦i lä mio wei tä a̦fa bufimaje. 14Ö̦jö däjä, Jesús a wa̦ yai wawädoblaliyoma.

—Lasalo a nomalayoma. 15¿Ö̦jö tawä? Cama nijamö ya cuonomi yalo ya bufi doblalou, ya cuo lä mlaono wei tänö, wamacö bufi yai jaducublobä. Wamale a̦ bejedi yai bufibä. Bei. Cama nijamö bämacö da ju —a cuma.

16Jesúsnö bä nocamabou mö lä feduono wei bä lä cui nija, Tomás a wa̦ fama, Cäcöbä lä e̦lequeblaliyono wei a, a wa̦fa ca̦i lä jilabono wejei a lä cui. Abinaja a cuma.

—Jabo. Bämacö ca̦i da ju. Jesús a nomabä jamö, bäma ecö nomaö yädäo mö feduo showadaobä —a cuma.

Lasalo a demi lä

jocädamaleno wei tä a̦

17Bei. Maa maca jamö, Lasalo a nomawä maquebou waiquioje däjä, 4 tä mö didi cublou waiquilayono wei ja, Jesús a co̦blou jälayoma. 18Bedaniateli bä shabonobö jamö, Jelusale tä ulifi ajedeoma yalo, 19ö̦jamö culanö judio bluca bä juimama, bä a̦iyobö e ja, Marta, María cäcöbö a̦ nofi ojode tabeje. 20Marta a lä cuinö, Jesús a wa̦fa juu fa ji̦lilänö, María yafi jamö a loo juo däjä, Jesús a mö baamabä a julayoma. 21Abinaja e cuyoluma.

—Bada tä. Eja wa yai cuo fa cunoja, a̦iwä a bufi nö mlaobö mlai. 22Fei däjä ma cui, Yai Bada tänö cafä wa wa̦ lä ji̦liaö wei ya tä daö. Wa tä bayeli nacaö lä bädao wei tä ma cui, tä nia bayeli shömaö —e cuma.

23—A̦iyofä a demi nia jocädou co̦o —Jesús e cuma.

24Abinaja Marta e cuma.

—Awei, ö̦jö ya tä daö. Tä lä jödödöblole däjä, Yai Bada tänö täbä demi bluca jocäcamaö co̦o däjä, ö̦jö däjä a demi nia jocädou co̦o —e cuma.

25Abinaja Jesúsnö a nowa tama.

—Täbä demi nia jocäcou lä co̦o wei, ö̦jö lä ei ya waiquiwä —Jesús a cuma—. Ba̦limi bä cuobä, camiyä ya showawä. Camiyä wale a̦ bejedi lä bufii wejei, bä ma nomaö wei ma cui, bä nia cudio fe yadio. 26Bä demi lä cublai bä lä cuinö, wale a̦ bejedi bufiije ja, bä nomaö mlaicätä. ¿Ö̦jö tawä? ¿Wale a̦ bejedi bufii cule? —a cuma.

27Abinaja Marta e cuma.

—Awei, bada tä. Bäfä a̦ bejedi bufii. Yai Bada tänö a shömabä a lä yaileno wei a lä cui, ö̦jö cafä wa waiquiwä. Yai Bada tä Ijilubö wa e, bita jamö wa wa̦fa juu lä wäyäno wejei —e cuma.

28Einaja a fa culunö, bä fääshä María a nacaö mö alayoma. Abinaja e wajado cuma.

—Tä a̦ lä wäyäö wei a waloquei lä cufe. Cafä wa nacaö tai —e cuma.

29A wa̦ fa ji̦lilänö, yedu María a jocädaliyoma, Jesús nijamö a juu showadaobä. 30Bedaniateli bä shabonobö jamö, Jesús a yafinomi showawä. Martanö a mö lä bamaleno wei jamö, ö̦jamö a yanöcöo juoma. 31¿Ö̦jö tawä? María yedu a fa jocädalunö, a sibolayofälöma. A nofi ojode tabeje, yafi jamö a ca̦i lä loono wejei bä judio lä cuinö a juu dalalemaje. “A nomawä maquebobeje jamö a ö̦cödayobä”, a nofi fa tabojenö, bä yaua showalayofälöma.

32Ö̦jö däjä, Jesús a lä cuono wei jamö, María e fa ajedeblalunö, a dalalema. A fa dalalönö, bei a cotä jamö a möfe bolanö, a wa̦ fama.

—Bada tä. Eja wa yai cuo fa cunoja, a̦iwä a bufi nö mlaobö mlai —e cuma.

33María a ma cuinö, a ca̦i lä juno wejei bä judio ma cuinö, Lasalo a nomöa bluca bomaje. Bä bufi nö bleaaö fa dalalönö, Jesús a bufi nofi jushublaoma. 34Abinaja a cuma.

—¿Wedi jamö wama a nomawä maquequema?

—Jabo, tä a̦ wäyäle —bä cuma—. Wa tä möblaabä.

35Jesús a ö̦cöma. 36A ö̦cöma cudeenö, abinaja judio bä cuma.

—¿Ö̦jö tawä? A malä nofimano wei —bä cuma.

37Ö̦jö ma cui, abinaja ai bä cuu mö feduoma.

—A jubäbö lä cuono wei, a mamocu lä jalomaleno wei, ö̦jö a waiquiwä. ¿Wedi tabä Lasalo a ma cui, a bayeliblanomi, a nomaö mlaobä?

38Ö̦jö däjä, Jesús a bufi nofi jushublaa fa co̦icunö, a nomawä lä maquebono wejei täca jamö, a ajedeblaliyoma. Maa maca bada cuoma. Maa ai manö maca fe laoma. 39Abinaja Jesúsnö bä nowa tama.

—Maa ma da blajamalöje —bä nowa tama.

Inaja a cuu ja, Marta a wa̦ lämoma, bä a̦iyobö e bufi lä mlaqueno wei a lä cui. Abinaja e cuma.

—Bada tä. Tä ni ji̦tali waiquiwä cätä. A nomawä maquea lä waiquile, 4 tä mö didi cublou waiquia —e cuma.

40Abinaja Jesús e cuma.

—Wale a̦ bejedi bufii ja, Yai Bada wa tä doblao dablaö wä. ¿Inaja bäfä nowa tanomi daanö, ö̦jö lä? —e cuma.

41Inaja a cuma yalo, ma blajaa fe yadimalemaje. Ö̦jö däjä, Jesús a mö fa nonoicunö, abinaja a cuma.

—Fabe. Cafänö wale a̦ ji̦liaö ja, ya bufi doblao. 42Showadi wale a̦ shino lä ji̦liaö wei, ya tä daö waiquiwä ma cui, ei bä ublaa lä ajedele bä bufi jaducublobä ya wa̦. Cafänö wale lä shömöleno wei, tä a̦ yai bejedi bufibeje —a cuma.

43Inaja a cuu fa balöonö, a wa̦ i̦cali falayoma.

—¡Lasalo! ¡Fäyämö a da fabo!

44A lä nomalayono wei, a demi jocädou fa co̦lonö, a faa showalayoma. Bei imicö ma cui, bei mamicö ma cui, camishi acadafu bänö a o̦camaoma. Ai cäcönö a mö jo̦yao mö feduo showaoma. Jesúsnö a nabä shimöquema.

—A da cushäblalöje, a jubä —a cuma.

Jesús a nofi lä

washuano wejei tä a̦

45Ö̦jö cudeenö, Lasalo a lä taamano wei tä fa dalalöjenö, María a ca̦i lä juno wejei bä judio bluca mö feduwä lä cuinö, Jesús a wa̦ bejedi bufilemaje. 46Ö̦jö ma cui, ai bä mö feduwä lä cui, faliseo bä bada nijamö bä jua showalayoma. Jesús a lä cuaano wei tä a̦ wäquemaje. 47Ö̦jö cudeenö, nofi bäyäalewä blowäjäwä bä lä cuinö, faliseo bä mö ca̦i feduwä lä cuinö, bada bä yododoblamalemaje, bä a̦ wayobä. Abinaja bä nowa tayoma.

—¿Wedinaja bämacö yai cuaabä, ö̦jö lä? Yai Bada e nö nia fa ö̦jöböamonö, quiji a lä cuinö, tä nö lä quilijii bluca tä wawämadii. 48Bäma a ja̦amaimi ja, jödödöwä bänö a wa̦ bejedi nia bufiije. “Ei a waiquiwä”, bä fa cunö, bä shi nia dou. Ö̦jö däjä, Lomateli bänö bämalecö nabä nia waloyoluuje. Yai Bada etä yafi nia wa̦liaöje. Judio bämalecö mö nia ca̦i watäblaöje —bä nowa tayoma.

49Ö̦jö ma cui, cama ai a wa̦ bada fama, Caifasi a wa̦fa lä cuono wei. Nofi bäyäalewä ö̦jö a bada cuoma, ö̦jö däjä. Abinaja bä nowa tama.

—Uo. Wiisibö ma cui wamacö bufi nofi jaducubloimi dodijiwä yai. 50Wamacö nia yai lä bayeliblamou wei, wama tä daimi. Täbä bluca waicaö mlaobeje, moli a lä cui a shämou ja, ö̦jö tä dodijidawä waiquiwä. Judio bämacö mö bluca watäblamou showadao mlaobä —bä nowa tama.

51Cama a bufi lä cuu weinaja, a wa̦ bädao cuonomi. Nofi bäyäalewä ö̦jö däjä a bada läoma cudeenö, ö̦jö nijamö Yai Bada a wa̦no tamou ja̦tooma. Judio bä bluca bayeliblamobä, Jesús a nia shämou lä läono wei, ö̦jö tä a̦fa yai wäyäö ja̦tooma. 52¿Ö̦jö tawä? Cama judio bä bayeliblamou ayaobä mlai. Yai Bada bei ijilubö ebä bälöblawä lä shedequeblai, bä co̦amodayobä a nia shämoma, Yai Bada bei ijilubö moli ebä cuobä.

53Inaja bä nowa tayoma yalo, Jesús a shäbeje tä nofi cadidibomaje. A nia yai lä taamano wejei tä ja, bä a̦ showadi wayoma. 54Inaja a nofi washuamaje yalo, judio bä nija Jesús wawädowä a juu mlaa showadaaliyoma. Judea tä ulifi jamö a cuo bufio fa mlacunö, ulifi bloque tä ajede jamö a juu nomöjöoma, Eflaini ebä nodiwä ulifibö jamö. Ö̦jamö cama ebä lä nocamabono wei bä ca̦i yanöcöblaoma.

55Yai Bada a waiteli lä jayuano wei, judio bänö a nofi nia co̦camoaö jaödao co̦omaje. Ö̦jö cudeenö, bluca bä lä bälöjöi Jelusale jamö bä juma. Bä iyaö showao mlao däjä, bä nia dodijidablamou balöoma, Moisesinö tä tamaö lä bufino weinaja showawä. 56Ö̦jamö Jesús a dayäamaje. Yai Bada etä yafi jamö bä ublajalanö, bä wa̦liyoma.

—Cafä ¿wedinaja wa bufi cuu dodijia cube? Bämacö iyabä jamö, ¿Jesús a juu mlai daanö? —bä cuma.

57¿Ö̦jö tawä? Nofi bäyäalewä blowäjäwä bä ma cuinö, faliseo bä bada ma cuinö, ö̦jö bänö täbä nowa bluca taö waiquiomaje. Jesús a dablaö bädaoje ja, cama bä yömölaö showadaobeje bä a̦ fama, a juwäamaö showadaobeje.

اکنون انتخاب شده:

Juan 11: GUU

های‌لایت

به اشتراک گذاشتن

کپی