Juan 10
10
Oweja ebä ca̦i lä cule tä a̦
1Jesús a wa̦ faö co̦oma.
—Cafä wamacö nija ei ya wa̦ lä cui, bejedi lä ya wa̦. Oweja bä lä ji̦colobou wejei yoca jamö bä faö lä mlai, casö jamö bä lucäö lä ja̦too wei bä lä cui, bä lä tomömou wei ö̦jö bä li. Shomi bä madofibö lä lämaö wejei, ö̦jö lä bä showawä.
2’Ö̦jö ma cui, bei yoca jamö a yai lä faö wei a lä cui, oweja bä lä nowamaö wei ö̦jö a yai. 3Ö̦jö a faö bufio ja, yoca lä jolemabou wei a lä cuinö e yoca caloblaö showadao. ¿Ö̦jö tawä? Oweja bänö ö̦jö a wa̦ ji̦lileije. Oweja bä a̦fa jayumalanö, sibo jamö bä lululefälöö. 4Sibo jamö, cama ebä ca̦i bluca fa falönö, a balöafälöö. A wa̦ nö fa ö̦jöböajenö, ö̦jö nija oweja bä li yauquei. 5Shomi nija bä yauomi, bä shino doculayou. Shomi bä a̦ nö ö̦jöböaö malä mlajei —a cuma.
6Inaja a cuu yacläoma yalo, tä a̦ a̦fa yai lä wayoano wei, tä a̦fa ji̦liaö cadidionomije.
Jesúsnö cama ebä yai
lä nowamaö wei tä a̦
7Tä a̦ ji̦liaö möblanomi cudeejenö, abinaja Jesús a cuma.
—Cafä wamacö nija ei ya wa̦ lä cui, bejedi lä ya wa̦. Oweja bä lä faö wei, camiyä bei ya yoca. 8Ya juu showao mlao däjä, bä bluca waloo lä baloöno wei bä lä cui, bä lä tomömou wei, ö̦jö lä bä li cuoma. Shomi etäbä lä lämaö wejei, ö̦jö lä bä showawä. Ö̦jö ma cui, ö̦jö bä nija oweja bä a̦ juonomi. 9Camiyä ö̦jö bei cä ya yoca. Camiyä nija bä lä faö wei, bä nia jucäamou. Bä iyabä, quilii mlai ja bä nia fadii. 10Bä lä tomömou wei bä lä cui, ö̦jö bä li tomömou mö juu. Bä shäö mö juuje. Bä mö watäblaö mö juuje. Camiyä ya lä cui, bä ba̦limi cuobä ya li waloquema, bä yai dodijidawä cudiobä.
11’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode. 12Ai bä lä cuinö, oweja bä nowamabeje bä ma mlai ma cui, bä dobämou bufi fa doblaonö, bä jole jole läo. Oweja cama ebämi waiquiwä cudeenö, yalo waiteli a juu dablaöje däjä, oweja bä fa dacöfälöjenö, cama bä docua ayalayou. Yalo a waitelinö, oweja ba nabä quea fa jeicunö, bä shedequea jäamaquei. 13Ö̦jö bä lä cui, blada bä nowa ja bä läo bädao yalo, bä doculayou. Oweja bä yai nofimaimije —Jesús a cuma.
14-15Abinaja Jesús a cuu co̦oma.
—Oweja ya bä yai lä nowamaö wei, ö̦jö bei ya. Fayänö wale daö lä culenaja, cama ya ca̦i daö cuwä mö lä fedulenaja, inaja showawä, iba ya bä daö cuwä mö feduwä. Iba bä lä cuinö camiyä wale cai̦ daö mö fedua lä culajei. ¿Ö̦jö tawä? Oweja ya bä nowamabä, ya nia lä shämou wei tä ma cui ja, ya ojode.
16’Ai ya bä oweja ca̦i tabou, fei ya bä lä ji̦colobole mlai. Ö̦jö ya bä blacämaö mö feduobä ya. Ö̦jö bänö wale a̦ ca̦i nia ji̦liaöje. Ö̦jö ya bä fa co̦lönö, oweja moli bä nia shino yododoo. Ya bä nowamabä, moli ya nia shino läo.
17’Iba ya bä bayeliblabä, ya shämou ojode yalo, Fayänö wale nofimaö. Ya demi nia jocädou co̦o cudeenö, ya shämou ojode. 18¿Ö̦jö tawä? Cama bä lojodenö wale nia shäimije. Camiyä ya shämou li fa ojodaonö, ya nia li shämou. Ya shämou ojodaobä, Fayänö wale nö li wa̦lojomabou. Ya demi nia ca̦i jocädou lä co̦o wei, inaja showawä —Jesús a cuma.
19Jesús a wa̦ ja, judio bä bufi shedecou co̦oma. 20Abinaja ai bä cuma.
—Fecula a lä bälömabole, a wa̦. A wa̦ faö nofi malä mojodi wei. ¿Wedi tabä bei wama a wa̦ li ji̦lidii?
21Abinaja judio ai bä cuu mö feduoma.
—Fei a wa̦ shaliliablalou lä cuaaö weinaja, fecula bänö bei bä a̦ famaö cuwämije. Fecula bänö ¿jubäbö bä mamocu jalomaö daö mada sijewä? —bä cuma.
Jesús a lä waileno wejei tä a̦
22Jelusale jamö judio bä iyaö ca̦i co̦camobä, tä cublou co̦layoma. Judio bä nö badabö lä cuinö, bufi doblalolanö Yai Bada etä nofi yafi jaba lä co̦camoano wejei, ö̦jö tä nofi jaducubolajenö, bä nia iyaö ca̦i co̦camou co̦oma. 23¿Ö̦jö tawä? Maa a quei lä dodijio wei tä cuoma. Yai Bada etä yafi jamö Jesús a juadaloma, a yano lä boaono wei jamö. Salomo ö̦jö e yano a̦fa jilabomaje. 24Yai Bada etä yafi jamö a juma cudeenö, cama nija judio bä fa co̦camoliyonö, a wa̦lii cadidioyolumaje.
—Bei. Cafä bäfä a̦ nö dabou showaa lä cule. ¿Wedi tabä yamalecö yömölaö cadidiomi? Yai Bada tänö a shömabä a lä yaileno wei a lä cui, ö̦jö lä wa waiquiwä ja, wawädowä a wa̦ da wämobo —bä cuma.
25Abinaja Jesús a cuma.
—Bämacö yömölaö waiquiwä ma cui, wamale a̦ bejedi bufiimi. Fayänö tä tamaö lä bufii wei ya tä taö yalo, ya bejedi dablamobä ya waiquiwä. 26Ö̦jö ma cui, iba oweja wamacömi yalo, wamale a̦ bejedi bufiimi. 27Iba oweja bä yai lä cuinö wale a̦ yai ji̦liaöje. Ya bä ca̦i daö. Camiyä nija bä ca̦i yauo. 28Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami. 29Iba oweja bä lä cui, Fayänö bä jöböbema. Ö̦jö a shino yai lojode ayawä. Fayä a ma cui nija bä nia ca̦i jucäamoimi. Ö̦jö nija bä jucäabä, moli ma cui a ca̦i cuami. 30Fayä sho, ö̦jö yafäcö waiquiwä —a cuma.
31Einaja a lä cuu wei a wa̦ ja, judio bänö maa mabä ya̦caa co̦alalemaje, Jesús a shäyäbeje. 32Abinaja Jesúsnö bä nowa tama.
—Fayänö dodijidawä tä wawämaö lä bufii wei, cafä wamacö nija bluca ya tä wawämalema. ¿Wedi jamö tä nowa yai ja, maa mabänö bei wamale nia li shäyäö? —bä nowa tama.
33Abinaja bä cuma.
—Wa tä dodijidawä lä wawämaleno wei tä nowa ja mlai, Yai Bada wa tä nö lä waiblaö wei tä nowa ja, bäfä nia yai shäyäö. Yanowamö wa mö feduwä ma cui, cafä Yai Bada wa wa̦fa jilou nofi jushuaö cudeenö, wa nia shäyämou —bä cuma.
34Cama bä nija Jesús abinaja a cuma.
—Yai Bada wama etä a̦ oni lä tabole jamö, ¿Yai Bada tänö cafä Isaeli wama ecö a̦fa bufiblamou wäyänomi daanö? 35Yai Bada etä a̦ lä cuu wei, tä a̦ ca̦i shominajaö majöo daomi. ¿Ö̦jö tawä? Cafä wamacö nija Yai Bada a wa̦no waloa fa ayaicunö, wamacö jowa bufiblamou. Cafä wamacö bufiblamou wa̦fa wäyämoma ja lä, 36¿camiyä bei wamale nia li bufiblaimi, eja, bita jamö Fayänö wale shömabä, wale lä yaileno wei ya lä cui? Yai Bada ya a̦fa Ijilubö jilou yalo, ¿wedi tabä “Yai Bada wa tä nö waiblaö”, wamale nowa li taö dicoo?
37’Fayänö tä bluca tamaö lä bufii wei ya tä taimi ja, wamale a̦ bejedi bufi dijä, ö̦jö lä. 38Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.
39Bada bänö a juwäamaö wabaö ma co̦ono wejei ma cui, a fa moyawäonö a juwäamonomi.
40Jodana u mashi bucadu jamö, Juannö bä fe jaba lä ojomano wei jamö, Jesús a aa fa co̦lufälönö, ö̦jamö a yanöcöquema. 41Ö̦jamö Jesús nija bluca bä co̦camolayoma. Bä a̦ wayomayou ja, abinaja bä nowa tayoma.
—Fe ojomalewä Juan a lä cuinö, tä nö lä quilijii tä wawämano ma mlai ma cui, fei a wa̦fa da wäyäblei a wa̦ bluca bejedioma —bä cuma.
42Ö̦jamö ai bä blucanö a wa̦ bejedi bufilemaje.
اکنون انتخاب شده:
Juan 10: GUU
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©2012, All Rights Reserved
