St. Luka 15
15
1Lone aci wtyok Yesus koyc publikani cuec ko koyc jol bik yen ping.
2Ko Pharisaei ko koyc e gor aci mòn ko aci luel: Kan nyuoc koyc jol ko a cam ke kêk.
3Ko yen aci lek kêk luopé ko aci luel: 4Ye-nga etong uêk a nong wtók buòt, ko na a mar tok etong kêk, aci bi puol wtyer-wdetem-ko-wdetem ror-ic, ko abi lo ke cì mar cok ghêt abi yen yok?
5Ko na aci yen yok, abi yen jot ye kêt e puón-myed. 6Ko na yen a bo bay, yen a côl mêd-ke ko koyc wtyok ko a lek kêk: lekke ghên pyat ke ghên aci yok wtang-dia ci mar. 7Ghên a lek uêk, kele abi to tin myed wnyal-ic etong jol tok, na yen a loy long, auer etong wtyer-wdetem-ko-wdetem koyc puat édi ci etong kêk long e kerác.
8Ko ye-nga tik a nong drachma wtyer, na drachma tok aci mor, yen aci dêb gher ko uêc ghut-ic ko a kor arêd ghêt abi yen yok.
9Ko na yen aci yok, abi côl dyar-mêd-ke ko dyar-wtyok ko abi luel: Lekke ghên pyat, ké ghèn aci yok drachma ci mar. 10Kele a lek uêk, abi amyed aják e Dén-did nyin tuèng etong jol tok a loy long.
11Yen aci luel ayá: Ran tok aci nong mîwt rou. 12Ko man akor aci lek un: Uâ, yeke ghên long e uèu ye ke-dia. Ko yen aci uèu tēk kêk. 13Ko na akôl-lik man akor aci kût-ic uèu-ke eben ko aci keyn tede mec, ko tetúy yen aci tyay bey uèu-ke e pir puol-ic. 14Ko na aci wtol kake eben, aci a cok adid tene ko yen aci gol bi dak. 15Ko aci lo ko aci loák ran tok e tene; ko kan aci yen tōc dòm-de-ic bi bok dir. 16Ko aci guc bi ye yic wtyan e pat ye dir cam; ko acin-tok aci yen mòc. 17Ko yen aci dûk ye rot ko aci luel: Yekedi rōr e ryop pan e uà a cuec etong kêk monó ko ghên ten abi tóu e cok. 18Ghên abi rot jot ko abi lo etong uâ, ko abi lek yen: Uâ, ghên aci kerac loy etong wnyal ko yi nyin, 19ghên acíe joc bi cî cak man-du; loy ghên acit tok e koyc-ku e ryop. 20Ko aci rot jot ko aci ben etong un. Lone na yen a-ngot e mec un aci yen ting, ko aci dyau e puón-de ke yen, ko aci rin ko aci yen kuak ko aci yen cim. 21Ko man aci lek yen: Uâ, ghên aci kerác loy etong wnyal ko yi nyin; ghên acíe joc ba cak man-du. 22Lone un aci lek aloék-ke: Daycke bei buong tuèng ko ruokke yen, ko yekke jod e ye cyèn ko uâr e ye cok. 23Ko beike dan cuay ko temke rol, ko abûk cam ko rom: 24ké man-dia kan acî tóu ko aci pir ayá; ko aci mar ko aci yok ayá. Ko kêk aci gol bik rom. 25Lone man-de did aci to dòm-ic; ko na aci ben ko wtyok ke bay aci ping tom-e-leng ko ket. 26Ko aci côl tok etong aloék ko aci yen wtyèc ye-ngu? 27ko kan aci lek yen: Uanmud aci ben ko ur aci dan cuay tēm rol, ké yen aci yen lor ruen. 28Ko dé aci ghok ko aci jay bi lo ghut. Ko yekan un aci ben akenbay ko aci gol bi yen wtyèc. 29Ko kan aci bêr ko aci lek un: Yenkin e run-dí ghên a loak etong yin, ko ghên akeyc uer atêr uèl-ku, ko alauon yin akeyʼ ghên yek muor e wtâk ba rom ke mêd-kia: 30lone na aci ben man-du, kan ci wtol uèu-ku ke abal, yin aci dan cuay tēm rol etong yen. 31Ko kan aci lek yen: Man-dia, yin akuriec ke ghên ko ka-cia eben ka-ku, 32lone édi bûg rom ko myed, ké uanmuddé aci tóu ko aci pir ayá; ko aci mar ko acî yok ayá.
اکنون انتخاب شده:
St. Luka 15: CIEC1905
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© British and Foreign Bible Society
