St. Luka 14
14
1Ko na Yesus akol e Sabbath aci lo ghun e nom e Pharisaei tok bi cam kuyn, ko kêk aci yen but; 2ko yenkin ran ci bûr e ye nyin. 3Ko Yesus aci bêr ko aci lek rōr e têt ko koyc Pharisaei, ko aci luel: Ye yic e dem akol Sabbath? 4Lone kak aci byet. Lone yen aci (ran bec) kap ko aci yen dèm ko aci yen loyn. 5Ko aci bêr etong kêk ko aci luel: Ye-nga etong uêk a nong mûl kó muor ci loyn pul-ic, aci bi dayc mît akol e Sabbath? 6Ko kêk akeyc leu bi bêr kede etong yen.
7Lone yen aci luop lek ya etong koyc cî côl ghut; ké yen aci ting kêk a kuayn tede tuèng, ko aci lek kêk: 8Na yin acî côl e ruay-ic, dûne nyuc te tuèng, dûn tok auer did e yin yenkin cî côl. 9Ko na ran ye ci yin côl ko yen, abi ben ko bi lek yin: Yeke kan te-du, alé yin abi gol bi kâp tede cyèng e ryoc e nyin. 10Lone na yin acî côl, lor ko nyuc tede cyèng bi yen ci yin côl bi ben ko bi lek yin: Mad, yid tuèng! Alé abî a etong yin lēc etong koyc nyuc etok ke yin. 11Ko tok eben ye abî puou did, yen abi kor, ko tok eben ye abi puou kor yen abi did.
12Lone aci lek ayá kan ci yen côl: Na yin abi loy cam-kol kó cam-wten, dûne côl mêd-ku ko uanmêd-ku, ko ruey-ku ko ka wtyok ci kuet, dùn kêk ayá bi bêr bi yin côl ko abi a ryop etong yin. 13Lone na yin a loy ruay, côl ka ci ngong ko ka ci nguêt, ko ka ci ngol ko ka ci cor; 14ko yin abi myed puou, ké kêk acin kede bi dûk yin; ké abi dûk yin akol e jorot e koyc lacit.
15Lone na tok etong ka ci nyuc aci kan ping, aci lek yen: Myed e puou ke ye bi mid cam pan e Dén-did. 16Lone yen aci lek yen: Ran aci juir têt adid ko aci côl koyc cuec: 17ko aci tōc aloang-de ghon e têt etong koyc ci côl bi kêk ben, ké kan eben aci juir. 18Ko kêk eben aci gol etok bi rot koyn. Tuèng aci lek yen: Ghên aci ghóc bay, ko ba lo ba yen ting, ghên a lim yin pyal ghèn. 19Ko dé aci luel: Ghên aci rèk wdyec e mor ghóc ko abi lo ba kêk têm; ghen a lim yin pyal ghên. 20Ko dé aci luel: Ghèn aci tik tyak, ko acíe leu ba ben. 21Ko aloák aci dûk, ko aci kan lek beyn-did-de. Alé aci ghok un-bay ko aci lek loang-de: Dayc lor kuèr-ic ko dòl-ic e pan, ko bei ten koyc ci ngong ko nguêt ko cor ko ngol. 22Ko aloak aci luel: Beyn-did, aci a acit yin aci cyeng, ko a-nguot to tin tede. 23Ko beyn-did aci lek aloak: Lor kuer-ic ko geu-ic ko ter kêk bi ben akentin bi tyan ghun-dia. 24Lone ghên a lek uêk: acin-tok etong koycké ci côl abi tyep têt-dia.
25Lone dut e koyc cuec aci lo keke yen, ko yen aci rot uel ko aci lek kêk: 26Na tok a bo etong ghên ko yen aci bi mân un ko mán, ko tin-de ko miwt-ke ko uanmêd-ke ko nyera-ke ko ye rot ayá, yen aci bi leu bi a ran-dia. 27Ko ke aci bi jot agēr-de ko bi ghên buot, yen aci bi leu bi a ran-dia. 28Ké ye-nga etong uêk a nong puou bi but ghun-bâr, yen aci bi nyuc tuèng ko kuen ka ci gam édi na a nong yen bi tâb? 29dûn na yen aci tau ghut-lyel, ko akeyc leu bi tâb, koyc eben ting abi gol bi yen buy, 30ko abi luel: Rané aci gol bi ghut but, ko akeyc leu bi tâb. 31Kó ye beyn-did, ye nong puou bi puot ke beyn-did dé, aci bi nyuc tuèng ko aci bi tak na yen ke rem buót-buót abi leu bi rom ke kene ye ben e ye nyin ke rēm buót-buót-róu? 32Ko na dó, na kene a-nguot e mec, yen abi tōc rōr e lek, ko abi yen wtyèk bi dor. 33Ko yekan tok eben etong uêk ye ci bi puol kede eben to etong yen, aci bi leu bi a ran-dia. 34Auay apuat; lone na auay aci myol, ye-ngu abi loy a-nguan? 35Aci bi leu dòm-ic ko gol-ic, lone abi puok bey. Ke nong yid bi ping, ping.
اکنون انتخاب شده:
St. Luka 14: CIEC1905
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© British and Foreign Bible Society
