Pewaliana 10
10
Huntu-huntuna roboꞌ ngkodeꞌ ka muleꞌna hi Sem, hi Ham hante hi Apeꞌ
1Hieꞌemo muleꞌne anaꞌna hi Nohoꞌ.
Anaꞌna hi Nohoꞌ iomo hi Sem, hi Ham, hi Apeꞌ. Koꞌukonalu duniaꞌ nilobuꞌi uwai, hi Sem, hi Ham, hi Apeꞌ mampemuleꞌkihi anaꞌ tomaꞌani.
Muleꞌna hi Apeꞌ
2Muleꞌna hi Apeꞌ iomo: hi Gomeꞌ, hi Magog, hi Madaiꞌ, hi Yawa, hi Tubal, hi Meseꞌ hante hi Tira.
3Muleꞌna hi Gomeꞌ iomo: hi Askena, hi Ripaꞌ, hante hi Togarima.
4Muleꞌna hi Yawa iomo: toElisa, toSepanio, toSipuruꞌ hante toRodeꞌ.
5Ka iohi hieꞌemola hiburereꞌ roboꞌ-roboꞌ ngkodeꞌ to i bota ntahiꞌ. Iomola muleꞌna hi Apeꞌ hori-hori i woiꞌra, hante wiharora hadoduora, motuntunihi koꞌuweꞌara hante roboꞌ ngkodeꞌra.
Muleꞌna hi Ham
6Muleꞌna hi Ham iomo: hi Kus, hi Mesiraiꞌ, hi Putuꞌ hante hi Kanaꞌa.
7Muleꞌna hi Kus iomo: toSeba, toHawila, toSabata, toRaema hante toSabateka. Anaꞌ-anaꞌna toRaema iomo: toSeba hante toDeda.
8Hi Kus mampemuleꞌki hi Nimoro, hei iomola to uluꞌ-uluꞌne mpololeke mewali to makuasaꞌ i duniaꞌ. 9Io woꞌo mewaliꞌ haduo tojago moꞌahu alaꞌ nobarakatiꞌi Pueꞌ Ala. Io horiana poko notiꞌi toaꞌ, “Kupohinaru hingkeꞌna mewaliko hibali hi Nimoro, i hinarona Pueꞌ Ala mapande moꞌahu.” 10Uluꞌ-uluꞌna kodatuana i Babeli, Ere hante Akaꞌ, hei lekiꞌna tiꞌo i woiꞌ Sinea. 11Ka woiꞌ peꞌohaꞌa tiꞌo io nolou pe woiꞌ Asur, hei moꞌaro kota Niniwe, Rehoboꞌ-Ir, kota Kala, 12hei Rese i lumbuna Niniwe hante Kala. Rese iomo kota to kodeꞌ ka Niniwe hante Kala. 13Hi Misirai mampemuleꞌki toLudi, toAnami, toLehabi, toNatuhi, 14toaꞌ toPatusim, toaꞌ toKasiluhi, hei toKapitori, ka iomohi peꞌuluara toPelisiti. 15Hi Kanaꞌa mampemuleꞌki hi Sido, anaꞌna tokokaꞌ, hei hi Heti, 16hei toYebusi, toAmori hei toGirigasi, 17toHewi, toAriki, toSini, 18toAwadi, toSemari hei toHamati. Katoꞌo, mawunenemo koꞌuweꞌare toKanaꞌa tiꞌo. 19Koꞌuwaꞌana toKanaꞌa iomo mepongka ka Sido nolou pe Gera wute i Gasa, menonto pe Sodomo, Gomora, Adma hante Seboim wute pe Lasa.
20Iomohi muleꞌne hi Ham motuntuni koꞌuweꞌara, motuntuni wiharora, woiꞌra, hei roboꞌ ngkodeꞌra.
21Nipoꞌanaꞌkimo woꞌo anaꞌ-anaꞌna pe hi Sem, umoꞌ lekiꞌna anaꞌna hi Ebere hante hi Apeꞌ kokaꞌna.
22Muleꞌna hi Sem iomo: toElam, toAsu, toAripasa, toLudi hante toAra.
23Muleꞌna hi Aram iomo: toUsi, toHuli, toGete, hante toMasiꞌ.
24Hi Aripasa mampemuleꞌki hi Sela, hei hi Sela mampemuleꞌki hi Ebere.
25Hi Ebere mampemuleꞌki meroduo tomaꞌani. Konaꞌna to haduo iomo hi Peleꞌ, alaꞌ i tempona tuwuꞌ, manusiaꞌ hiburereꞌ pe humaduniaꞌ, hei konaꞌna hineeꞌna iomo hi Yota.
26Hi Yota mampemuleꞌki hi Alamodaꞌ, hi Selepi, hi Hasari-Mawete, hi Yera, 27hi Hadorama, hi Usa, hi Dikala, 28hi Obala, hi Abimaeꞌ, hi Seba, 29hi Opi, hi Hawila, hi Yoba. Iomohila muleꞌne hi Yota. 30Woiꞌ kolebaꞌara mepongka ka mesa menonto pe bolaꞌ Separ, iomo to mebiri i hambalina motoꞌando.
31Iomohila muleꞌne hi Sem, motuntuni koꞌoꞌuweꞌara, wiharora, woiꞌra, hei roboꞌ ngkodeꞌra.
32Iomohila lekiꞌna koꞌoꞌuweꞌane anaꞌ-anaꞌna hi Nohoꞌ motuntuni pemuleꞌara, roboꞌ ngkodeꞌra. Hei ka iomohila hiburereꞌ roboꞌ-roboꞌ ngkodeꞌ i duniaꞌ ikoꞌukona nilobuꞌi uwai.
اکنون انتخاب شده:
Pewaliana 10: LAILJE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
2017 Indonesian Bible Society (Lembaga Alkitab Indonesia)