Akisy. 39
39
Yosepu ka aberu a Potipar
1Keponi Yosepu yae totiyaarere nakwap ŋina a Ijipit. Togyel Ejipitanoit ŋolo anyaritae Potipar Yosepu aneni a Ŋisimael a ŋulu ayaunete iŋes Ijipit. Arae Potipar epei a ŋikepukak a Parao ŋolo apolokinit ŋisigarya. 2Arukito Ekapolon kaapei ka Yosepu, kituruwo Ekapolon iŋes ŋolo alosi etic keŋ kiŋaren ejok, itiyae kai a ekapolon keŋ a Potipar a Ejipitanoit. 3Ani eyenuni ekapolon a Yosepu atemar erukito Ekapolon kaapei ka Yosepu, ido elosi etic a Yosepu daadaŋ ejok, 4tojokyar Yosepu aneni a Potipar, kituruworoe Yosepu ekapolon a ŋuluce ketiyak alokal a ŋol. Inakinae Yosepu akidar ŋiboro daadaŋ ŋulu ayakar Potipar. 5Anyoun apaki ŋin, ŋina eturuworere Yosepu ekapolon a ŋuluce alokal a ŋol ka ainakinere akidar ŋiboro daadaŋ ŋulu ayakar Potipar, kiterereŋ Ekapolon ekal a Ejipitanoit a ŋol aŋuna a Yosepu. Kiterereŋ Ekapolon ibore daadaŋ ŋini ayakar iŋes kai ka lomanikor. 6Inak Potipar Yosepu akidar ŋiboro daadaŋ, nyemitakiŋes idio bore, mati akimuj keŋ bon.
Ebus Yosepu alopite a ŋolo ayakar ka atakania akuwan keŋ. 7Kelunyar apaki adio, kiŋolik aberu a ekapolon a Yosepu, Yosepu tema, “Eryamakinos ka ayoŋ.” 8Nai towou Yosepu, tolimok aberu a ekapolon keŋ tema, “Kiira, nyeriŋa ekapolon kaŋ emitakinit akiit ŋiboro ŋulu ayakar ayoŋ kai, akainaki iŋes ayoŋ akidar ŋiboro keŋ daadaŋ. 9Mam ituŋanan epol alokai a na akilo ayoŋ, mam ibore ŋini nyeinakina iŋes neni kaŋ mati iyoŋ bon; anerae irae iyoŋ aberu keŋ. Ekokini nai ayoŋ etiyae ŋakiro ŋuna aronok ŋun ai, osec alokiŋaren Akuj?” 10Torubak iŋes elimonokini Yosepu ŋakiro a ŋinakoloŋit, nai nyecamu Yosepu akiirar ŋakiro keŋ, akiper alodiyete keŋ, kori akiryamakin ka iŋes. 11Ani nai akoloŋit apei elosi Yosepu kai akitiya etic keŋ, apaki ŋina amamukar ituŋanan ice ayai kai, 12kikama aberu a Potipar Yosepu totiŋ elou tema neni a Yosepu, “Eryamakinos ka ayoŋ.” Nai tonapar Yosepu kiŋa, kimyek elou keŋ anakan a aberu a Potipar. 13Ani eanyuni iŋes atemar anapar Yosepu kiŋa emyek elou anakan keŋ, 14tonyarau ŋituŋa ŋulu a ekal keŋ tema neni kec, “Kiirasi, ayau lokile kaŋ Eyudayat neni yok akitoŋo iwon. Abu iŋes tolomu tooma akiryamakin ka ayoŋ, ido abu ayoŋ eworou nooi; 15ani ekeirari iŋes ayoŋ eworouni nooi egworo, toesik elou keŋ alodiyete kaŋ, tonapar kiŋa.” 16Torubak iŋes idarit elou a Yosepu alodiyete keŋ akitodol ŋina abunio ekapolon a Yosepu lore. 17Tolimok iŋes ekapolon eemut ŋol daadaŋ tema, “Abu Eburaniyat eketiyan ŋolo iyaunit iyoŋ neni yok bu neni kaŋ akitoŋo ayoŋ; 18nai ani eworouni ayoŋ nooi egworo, toesik elou keŋ alodiyete kaŋ, tonapar kiŋa.”
19Ani iirari ekapolon a Yosepu ŋakiro ŋuna alimokini aberu keŋ iŋes ebala, “Arae epite ŋol abu eketiyan kon kitiya neni kaŋ,” tonoma ŋakiro etau, toŋo. 20Ya ekapolon Yosepu, kiwuak mabus nakibois ŋina aenitere ŋimabus a erwosit; kiboi Yosepu alomabus. 21Nai arukito Ekapolon ka Yosepu, kitoodik Ekapolon iŋes amina ŋina nyiryaŋiryaŋa, inak iŋes tojokyar alokiŋaren ŋolo apolokinit ŋimabus. 22Inak ŋolo apolokinit ŋimabus Yosepu akidar ŋimabus ŋuluce daadaŋ ŋulu aya mabus, ido ibore daadaŋ ŋini etiya a nen, arae Yosepu apolokinit. 23Tojoŋo ekapolokiniton ŋimabus amitakinit akiit ibore daadaŋ ŋini abu iŋes inak Yosepu akidar, anerae arukito Ekapolon ka Yosepu, ido ibore daadaŋ ŋini itiyakini iŋes, etolosi Ekapolon kiŋaren ejok.
انتخاب شده:
Akisy. 39: NIB2008
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Ngakarimojong Interconfessional Bible © Bible Society of Uganda, 2008.