Akisy. 36
36
Ŋipapae ke Esau
(1 Ŋakiro a ŋirwa 1:35-42)
1Erae lu ŋipapae ke Esau (iŋes Edom). 2Abu Esau yau ŋaberu keŋ nu aneni a Ŋikanaani: Ada nakoku a Elon a ŋolo arae Eitait, Olibama nakoku ka Ana alokoku a Sibeon a ŋolo arae Eipiit 3ka Basemas nakoku a Isimael, nakaato keŋ a Nebaiyos. 4Touru Ada ikoku ke Esau ŋini anyaritae Elipas; touru Basemas ikoku ke Esau ŋini anyaritae Reuel 5ka touru Olibama ŋidwe ke Esau lu: Yeus, Yalam ka Kora. Arae ŋul ŋidwe ke Esau ŋulusapa ŋulu abu iŋes touru anakwap a ŋina a Kanaan.
6Towotokinia Esau ŋaberu keŋ, ŋidwe keŋ ŋulusapa ka ŋulupesur ka ŋituŋa a ekal keŋ daadaŋ; ŋaatuk keŋ ka ŋibaren keŋ daadaŋ ka ŋiboro daadaŋ ŋulu kebu iŋes toryamu anakwap a ŋina a Kanaan. Towot iŋes nakwap ŋina alwana aneni ayai Yakob lokaato keŋ. 7Awotokini iŋes, anerae apotu ŋibaren kec topitut, nyitepedosi ikes akiboi kaapei; aŋuna ka alalau a ŋibaren kec pa etemokino ikes akwap ŋina eboiyoto ŋin. 8Aŋun, abu Esau #36:8 Esau Iŋes Edom tolomiya nakwap ŋina a ŋikamukumukui ŋina enyaritae Seir.
9Ŋipapae ke Esau, a papaa a ŋituŋa a ŋulu eya Seir nakwap ŋina a ŋikamukumukui lu. 10Ŋirorwa a ŋidwe ke Esau a ŋulusapa ikes lu: Elipas lokoku ka Ada ka aberu ke Esau, Reuel lokoku a Basemas ka aberu ke Esau. 11Ŋidwe ke Elipas ikes lu: Teman, Omar, Sepo, Gatam ka Kenas. 12(Arae Timina apese ke Elipas alokoku ke Esau ŋina pa eisitae; abu iŋes touru ikoku ke Elipas ŋini anyaritae Amalek.) Arae ŋul ŋitatae ka Ada ka aberu ke Esau. 13Ŋidwe a Reuel ŋulusapa lu: Naas, Sera, Sama ka Misa. Arae ikes ŋitatae a Basemas ka aberu ke Esau. 14Ŋidwe a Olibama ka aberu ke Esau anakoku ka Ana a ŋolo arae lokoku a Sibeon ikes lu: Yeus, Yalam ka Kora.
Ŋipapae ke Esau ŋulu apotu toruwor ŋirwosi ke Edom
15Arae lu ŋirwosi a ŋatekerin a ŋituŋa ke Esau: Ŋirwosi a ŋidwe ke Elipas alokoku ke Esau a ŋolo kiyae ikes lu: Teman, Omar, Sepo, Kenas, 16Kora, Gatam ka Amalek. Arae ŋul ŋirwosi a ŋatekerin a ŋipapae ke Elipas alo Edom. Arae ŋul ŋitatae ka Ada. 17Ŋidwe a Reuel ŋulusapa lu: Naas, Sera, Sama ka Misa. Ŋul ikes ŋirwosi ŋulu arae ŋipapae a Reuel alo Edom. Arae ikes ŋitatae a Basemas ka aberu ke Esau. 18Ŋidwe a Olibama ka aberu ke Esau ŋulusapa lu: Yeus, Yalam ka Kora. Arae ikes ŋirwosi a ŋatekerin kec; ŋirwosi ŋul ikes abu Olibama aberu ke Esau ŋina arae nakoku ka Ada touru. 19Arae ŋul ŋidwe ke Esau ŋulusapa ka arae ŋul ŋirwosi kec. 20Arae lu ŋidwe a Seir ke Eorait ŋulusapa, ŋituŋa ŋulu aya Edom: Lotan, Sobal, Sibeon, Ana, 21Dison, Eser ka Disan. Ŋul daadaŋ arae ŋirwosi a Ori, ido arae ŋidwe a Seir anakwap a ŋina ke Edom. 22Ŋidwe a Lotan ŋulusapa ikes lu: Ori ka Eman; arae Timina nakaato a Lotan. 23Ŋidwe a Sobal ŋulusapa ikes lu: Alipan, Manaas, Ebal, Sepo ka Onam. 24Ŋidwe a Sibeon ŋulusapa ikes lu: Ayia ka Ana; Ana ŋol iŋes ŋolo abu toryamu ŋicowae analoŋisat apaki ŋina eyokiyo iŋes ŋisigirya a Sibeon a papa keŋ. 25Ŋidwe ka Ana ikes lu: Dison ka ŋinapese Olibama. 26Ŋidwe a Dison ŋulusapa ikes lu: Emidan, Esiban ka Isiran ta Keran. 27Ŋidwe ke Eser ŋulusapa ikes lu: Bilan, Saapan ka Akan. 28Ŋidwe a Disan ŋulusapa ikes lu: Us ka Aran. 29Arae lu ŋirwosi a ŋituŋa ka akwap a ŋina anyaritae Ori: Lotan, Sobal, Sibeon, Ana, 30Dison, Eser ka Disan; ŋirwosi a ŋinateker a ŋituŋa a Ori anakwap a Seir ikes ŋul.
Ŋirwosi ke Edom
(1 Ŋakiro a ŋirwa 1:43-54)
31Ŋirwosi lu ikes apotu kipukata akwap ŋina ke Edom eriŋa erwosit edio nyipuka Ŋisirael: 32Bela lokoku a Beor, anyaritae ekiro ke etaun keŋ Dinaba. 33Ani etwani Bela, toruwor Yobab lokoku a Sera a ŋolo alo Bosira erwosit ke Edom. 34Ani etwani Yobab, toruwor Usam ŋolo abunit anakwap a ŋina a Ŋitemani erwosit. 35Ani etwani Usam, toruwor Adad lokoku a Bedad a ŋolo abu kilou ŋituŋa ŋulu a Midian anakwap a ŋina a Moab erwosit. Anyaritae ekiro ke etaun keŋ Apis. 36Ani etwani Adad, toruwor Samila ŋolo alo Masireka erwosit. 37Ani etwani Samila, toruwor Saul ŋolo alo Reobos erwosit. Ayai Reobos diyete aŋolol ŋina enyaritae Eupurate. 38Ani etwani Saul, toruwor Balanan lokoku ka Akobor erwosit. 39Ani etwani Baal-anan lokoku ka Akobor, toruwor Adar erwosit. Anyaritae ekiro ke etaun keŋ Pau; anyaritae aberu keŋ Meetabel, ido arae iŋes nakoku a Matred ka arae Matred nakoku a Mesaab.
40Erae lu ŋirorwa a ŋirwosi a ŋidwe ke Esau a ŋatekerin kec ka a ŋitela kec: Ŋitiminae, Ŋialipae, Ŋiyeses, 41Ŋiolibamae, Ŋielae, Ŋipinoni, 42Ŋikenasi, Ŋitemani, Ŋimibisari, 43Ŋimagidoeli ka Ŋiirami. Arae ŋun ŋatekerin ke Edom (iŋes Esau papaa ŋolo a esyakinan a ŋituŋa ke Edom). Anyaritae ŋirorwa kec a ŋakiboisyo a akwap a ŋin eboiyoto ikes.
انتخاب شده:
Akisy. 36: NIB2008
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Ngakarimojong Interconfessional Bible © Bible Society of Uganda, 2008.