Luk 23
23
1Go dun ci gueer rɔt kuany etok ebɛn, ku bii Yecu ne Pilato nom. 2Ku gɔɔcki ne gueel, jamki, Yii wɔ yok yerane ke ye jurda yiɛc wei, ku ye juɛr e weu yineke Kaithar peen, ku jiɛm ye ye Kritho ye melek. 3Go Pilato thiec, jiɛm, Ye ye Meleŋ de Judai? Go dhuk, yook, Ye yenekee ke ca luele. 4Go Pilato banydit ke ka ke Nhialic yɔɔk ku duut, Ye kacin awany ca yok enɔŋ yerane. 5Goki jal riɛr areet, jamki, Yii kee kɔc cuɔth piɔth, ee weet ne Judayaic ebɛn, gɔl ne Galili agut en yetene. 6Na ci Pilato ye piŋ, ke thiec lan yen muɔny Galili. 7Na ɣɔn ci ye nyic ke ye ran de piny de Kerod: ke tooc enɔŋ Kerod man e tɔ ne Jeruthalem ne keeakolka.
8Na ɣɔn ye Kerod ye ŋem Yecu, ke lɔ piɔu yum areet: ne kee cen e ŋaŋ te ci mɛc bi ŋem, ne kee cen kaŋ ya piŋ ne yen; ku ŋɛɛth ŋem ben e ŋem ne loi kagɛiyeke. 9Go thiec ne wel juec; go ke cuɔk beer. 10Ku kaac banydit ke ka ke Nhialic ku dugɛɛr, ke gueelki areet. 11Go Kerod kene lathkeerke goki leeŋ, ku buiki, ɣɔn yii cik ye piɔth ne alɛth ci diik, ke toocki ciɛn enɔŋ Pilato. 12Go Pilato kene Kerod goki jal dɔɔr ne yekole, ne eke til roth ɣɔn.
13Go Pilato banydit ke ka ke Nhialic ku bany kene kɔc kedhia cɔɔl, 14ku yook ke, Ye we ci yerane bɛi enɔŋ ɣɛn ci ran ye kɔc yiɛc wei: ku ŋɛmka, aca caar wen ne wenhiim ku cin awany yɔk de ka gueel we ke yen: 15ku ne cak ya Kerod eya, e kaci dhuɔk wɔ; acin awanyden ci loi thou en. 16Yen aba dui, ku jal lony. 17(Ran tok abi ya dhiil ne luny keek ne kol de yemiɛthe.) 18Goki coot etok, jamki, Yii nyaiye yerane, ku luɔnye wɔ Barabath: 19man e ci cuat ɣon de dom, ne ter e cen ter baai ke miri, ku ci tir nɔk. 20Go Pilato bɛɛr jam kene keek, nɔŋ piɔu luny de Yecu; 21goki coot, jamki, Yii piaate, piaate. 22Go ke bɛɛr yɔɔk ne ke de diak, Ye yeŋo, ye awany ŋo ci yerane wuɔc? Acin ke ban e cɔk thou ca yok: yen aba dui ku jal lony. 23Goki bɛɛr coot areet, yiki thiec bi cɔk piɛte. Go cɔtden gam. 24Go Pilato luk cit ke cik thiec bik loi. 25Go ran e ci mac ne ci teer ku ci tir nɔk go lony, man e thiecki; ku gɛm Yecu bik luɔi ke de piɔnden.
26Ana yii thelki ye wei e ke dɔm ran cɔl Thimon muɔny Kurene ke bɔ baai, ku kɛnki yeth tiɛm ageer bi ɣaac ne Yecu cok.
27Ku kuany cok ne dun diit de kɔc, ku diar pɛl wuɔi dhiauki ne yen. 28Go Yecu rɔt puɔk ke jiɛm, Ye nyiir ke Jeruthalem, duɔka ye dhiau ne ɣɛn, dhiauka ne ke de gupkuɔn, ku ne mithkuɔn. 29Ŋɛmka, akol aabi bɛn, akol bik kek ke ya jam, Yii kaa thiei kee rut, ku adhienh ken guɔ dhieth, ku thin kene guɔ tiaak. 30Ku kaabi kurdit ya yɔɔk, Ya matka wɔ; ku kurthii, Kuɔmka wɔ piny. 31Na yiki keekake loi ne tim ŋokic, e ke bi ŋo ya loi ne ke ci riɛric?
32Ku kee nɔŋ kɔc kɔk keerou eya, kɔc ci kerac loi, thel ke kene yen le ke nɔk.
33Na cik bɛn te cɔl Apet, ke piɛtki thin, ku kɔc ci kerac loi, tok ne ciɛn cuec ku kene ne ciɛn cam. 34Go Yecu jam, Ye Awa, pɛl ke, ne ke kuc kek ke loiki. Goki alɛthke tɛk roth, caarki. 35Ku kaac kɔc dɛɛiki. Ku bui ne bany, jamki, Yii kee kɔc kɔk luɔk; ne luak rɔt, te yen Kritho de Nhialic, ye kanlɔcde. 36Ku bui eya ne lathkeer, yiki bɛn enɔŋ en, yinki binegar, 37jamki, Yii na ye Meleŋ de Judai, ke yin luak rɔt. 38Ku kee nɔŋ gar ne yenom, ci gɔɔr ne letai ke Giriki, ku ka ke Roma ku ka ke Eberu, Ya yekene kee meled de judai.
39Go ran toŋ de kɔc ci karac loi go ye bui, jiɛm, Ye cii ye Kritho? luak rɔt ku wɔɔk. 40Go kene dhuk, wɛɛi, yook, Ye cii riɔc ne Nhialic, ke ŋem ke yin tɔ ne yelukwei toŋeic? 41Ku wɔ gum apiath neyic, ne ke yen ariɔmda yene yuku loom ci man de ke e cuk loi: ku yerane acin awany ci kan wuɔc. 42Ku jiɛm, Ye Yecu, nyic a te cin lɔ ne ceŋduic. 43Go yɔɔk, Ye yin ya yɔɔk neyic, Ya yin bi tɔ wene ɣɛn ne yekole ne Paradeitho.
44Ku kee jal ciɛt thaa de dhetem emane, go cuɔl dit bɛn ne piny ebɛn agut en thaa de dheŋuan. 45Ku ce akɔl cii beer ruɛr: ku ther alanhdiit de yekalu theer yeyic piny ne yeciɛlic. 46Ɣɔn ye Yecu ye ci coot areet, ku jiɛm, Ye Awa, ɣan kɛn tiɛpdie ne yiciin: ku na ci yekene luel, ke jal thook. 47Na ci bɛny de rem ke ci loi ŋem, go Nhialic noom, jiɛm, Ye kee cok ya ran lajik neyic. 48Ku dun ci gueer daai ne yekene, na cik ka ci loi ŋem, e ke dhuk e ke biak kepiɔth. 49Go kɔc nyic e kedhia, ku diar eke kueny ecok ne Galili, goki kɔɔc temec, dɛɛiki ne keekake.
50Ŋem, go ran cɔl Jothep, ye ran de roordit yic, ye ran piath ku lejik, 51(ee ken mat kene keek ne luŋden kene luɔiden), ee ye ran de Arimathaya, pan toŋ de Judai, ee ran e ye ceŋ de Nhialic ŋɔɔth: 52go lɔ enɔŋ Pilato, ku thiec guɔp de Yecu. 53Go jat piny, ku dol ne alanh linon, ku kɛn ne raŋ e ci wec ne kuuric, cin ran ci kan thiok thin. 54Ku kee ye kol de Juɛr, ku ci kol e thabath thiɔk. 55Go diar eke bɔ kene yen ne Galili, goki kuany cok lek daai ne raŋ, ku kɛn cene guɔpde kan. 56Ku dhukki, leki wal nyir juir kene miok.
Goki lɔŋ ne kol e thabath ci man de looŋ.
اکنون انتخاب شده:
Luk 23: LEKJOT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© British and Foreign Bible Society 1940, 2017
در مورد Lek Jot de Jecu Kritho 1940 اطلاعات بیشتر کسب کنید
