Daa 12

Dii oa Ablaũɛ aà bↄ a bùsuu

1Dii ò Ablaũɛ: Bↄ n bùsuu n buiↄ guu n mae bɛ, ní gɛ́ bùsu pↄ́ má ↄlↄnɛu.#12.1 Zĩn 7.2-3, Ɛbɛ 11.8

2Má tó n bui dasikũ.

Má báaadangu, mí n tↄbↄ,

n kĩ́i ↄ̃ wàli ɛ̀fãai eu.

3Má báaada gbɛ̃́ pↄ́ aa samaa'onɛↄgu,

mí gbɛ̃́ pↄ́ aa savãi'onɛↄ ká.

Dṹnia bui píi a ɛ̀fãai e n sabai.#12.3 Zĩn 3.25, Gal 3.8

4Ɔ̃ Ablaũ dàzɛu lá Dii òɛwa. Lↄtu gɛ̀aànↄ. Aà wɛ̃̀ basiiↄ̃ sↄosaideu ↄ̃ à bↄ̀ Halana 5ń a na Salaio ń a vĩ̀i nɛ́ Lↄtuo ń ń àizɛɛ pↄ́ aa vĩↄ ń gbɛ̃́ pↄ́ aa è Halanaↄ. Màa aa bↄ̀ Halana aa dà Kanaa zɛ́u.

Kɛ́ aa kà we, 6aa pã̀ bùsupia e aa kà Mↄle gbɛ̃́nɛli kĩ́i Sikɛũ. Kanaaↄ ku bùsupiu gↄↄ bee. 7Ɔ̃ Dii bↄ̀ mↄ̀ Ablaũwa à mɛ̀: Má bùsuɛ bee kpa n buiↄwaɛ.#12.7 Daa 13.15, 15.18, 17.8, Zĩn 7.5, Gal 3.16 Ɔ̃ à Diipi gbagbakĩi kɛ̀ we. 8Kɛ́ à fɛ̀lɛ we, à mipɛ̀ gbɛ̀sĩsĩ pↄ́ kú Bɛtɛli gukpɛↄwa, ↄ̃ à bòokpà we, Bɛtɛli ku bɛ'aɛ oi, Ai ku gukpɛ oi. À Dii gbagbakĩi bò we lↄ, ↄ̃ à aà sìsi. 9Ɔ̃ à dàzɛu lↄ, à mipɛ̀ Nɛgɛvɛwa.

10Kɛ́ imina kà bùsupiu, ↄ̃ Ablaũ gɛ̀ gↄↄplakɛi Egipi, asa iminapi kɛ̀ zàiɛ. 11Kɛ́ à kà kãi ń Egipio, a ò a naɛ: Má dↄ̃ nↄanan n ũ. 12Tó Egipiↄ n e, aa mɛ ma nan n ũ, aa ma dɛɛ, aai n tó. 13Onɛ́ ma dãen#12.13 Daa 20.2, 26.7 n ũ, kɛ́ wà e ma kũ ↄplapla n yã́i. Lá ńyↄ̃ ma misin we. 14Kɛ́ aa kà Egipi, Egipiↄ è nↄɛpi maa kɛ̀ zài. 15Kɛ́ Egipiↄ kí Falaↄ̃ↄ ìwaↄ aà è, aa aà maabòɛ̀, ↄ̃ wà aà sɛ̀ gɛ̃̀ò Falaↄ̃ↄɛ a bɛ. 16Ɔ̃ à Ablaũ yàaekɛ̀ maamaa aà yã́i, à sãↄ kpàwà ń zuↄ ń zàa'ĩnaↄ ń zↄgↄ̃ɛↄ ń zↄnↄɛↄ ń yiongoↄ. 17Ɔ̃ Dii gyã pãsĩↄ kà Falaↄ̃ↄgu ń a bɛdeↄ Ablaũ napi yã́i. 18Ɔ̃ Falaↄ̃ↄ Ablaũ sìsi a òɛ̀: Bↄ́ yã́ ń kɛ̀mɛɛ màai? Bↄ́yãi ni oimɛɛ n naɛo ni? 19Àkɛa n mɛ̀ n dãeɛ, ↄ̃ ma aà sɛ̀ nↄ ũi? N nↄ kɛ! Ǹ n pↄ́ sɛ taò. 20Falaↄ̃ↄ yã'ò a gbɛ̃́ↄnɛ Ablaũ yã́ musu, ↄ̃ aa gɛ̀ zɛ̀ɛ̀ ń a nao ń a àizɛɛↄ píi.

انتخاب شده:

Daa 12: BBL2010

های‌لایت

به اشتراک گذاشتن

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Bòó Bibeli Luayãtaala اطلاعات بیشتر کسب کنید

Daa 12

آیات محبوب کتاب مقدس از
Daa 12

كتاب‌مقدس:

Boko

ترجمه: Bòó Bibeli Luayãtaala - BBL2010

Daa 12

Daa 12

آیات محبوب کتاب مقدس از Daa 12

كتاب‌مقدس:

Boko

ترجمه: Bòó Bibeli Luayãtaala - BBL2010

Daa 12

آیات محبوب کتاب مقدس از
Daa 12