INLAHEN 6
6
Yik Tö Sat Tak Hamòlṙen (Deacon)
1Hē e yik mahaköp nö ṙūhölre ṙôngö, ngaich yik Yahūti aṅ tahëng, nö uyëkö yik aṅmuh Yahūti; pò yik tafīösi kikānö in cha, nöng örheūheu nö vāichiṙen hē el nāhaṅl. 2Havë-eti yik tö nët sīön tak tö yik tömaṙôngö; ngaich ngö ṙô, Rö-ö in ihö kô ṙāngö ngam ṙô ngam Tēv, öi meukṙen nya-aṅkūö. 3Kahōlö; lökten yin yēḵ ngëichkö yip tö sat tak tarik in re, tö eūka mikah, tö īnu tö ngam Töhet Fanöinylö, mikah inrē; nö vahīlö ih in e angū-ö la-en. 4Hòṅ ih pöri īhö, iṙūöhen kamnipkūö i vine-eṅkūötēv, i inhangkö ngam ṙô inrē. 5Ngaich ṙāmölōn yik tömaṙôngö tö ngam ṙô; ngaich cha-a nö katöllen Satēpan, ök tarik tö īnu tö mikah, ngam Töhet Fanöinylö inrē; hēḵ Filip, Pròkòrös, Nikānôr, Tīmōn, Parmenas, Nikòlös inrē ök aṅ Antiòk, tövītu nö Yahūti. 6Asöklöngö cha-a nö i kūö yik tanīnöre, Keuheūthëṙô cha-a nö ve-ekūötēv, ngaich ṙēptö eltīre cha-a nö i kui cha.
7Ngaich ngam ṙô ngam Tēv nö ṙūhölre; ngaich ṙūötöre ṙôngö yik mahaköp i Yerūsalem, nö pōyen; maṙôngö inrē yik kūön ṙô, hamôḵòṅ ngam mikah.
Kē-ě Ang Satēpān
8Ngaich ang Satēpan nö inlōntuvö, minhôiṅyu inrē; ngaich tī tö yöng pinngangkūö, minkahngö inrē nö i yik tarik. 9Rēvre yik umuh chamôhòl alahare aṅ ik chūök vine-eṅkūötēv, yik tö Lipertīn invëka, yik aṅ Kurĕnī, aṅ Aleksanriā inrē, yik aṅ Kiliki aṅ Asi inrē; nö lā-al ṙô Satēpan. 10Ngaich cha-a nö öt kô tö mikah ò, tö ngam Töhet Fanöinylö, löknyö ṙô ò inrē. 11Ngaich cha-a nö haṙāi tarik, yik tö ngö ṙô, Hang ṙô ò in īhö, nö ötlēḵôre tö Môsös, tö ngam Tēv inrē. 12Ngaich cha-a nö haruhlö alaha yik tarik, yik mākūö, tö yik kamūich inrē, ngaich yihtöre nö in ò, ngaich kēḵ an; kēten ò ngaich, nö i kūö kamhôṅka. 13Ngaich asöklö samūöicha cha-a, yik tö ngö ṙô, Öt ṙākö ṙôre ön ngòh tarik, nö ötlēkôre tö ngih töhet chūök, ngam chöngö inrē; 14Tön hang ṙô ò in īhö, nö ngö ṙô, tö ngòh Yēsū aṅ Nāsaret, nö tiṙōlngö ngih chūök min; ngaich haṙīngö nup fālen, kahëtö Môsös nö in hī. 15Ngaich ṙòkhöre yik amūichhak, nö im kinṙôka nö hatīönkökūö Satēpan; ngaich ök kūö ò nö meūkö tö cha, nöng sā kūö ma-ahānga.
انتخاب شده:
INLAHEN 6: CANIBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
