آیات محبوب کتاب مقدس از Amas 27

به اشتراک گذاشتن

Katonda akuwe ku musulo gw'eggulu n'obugagga bw'ettaka, n'ekyengera ky'eŋŋano n'evviini ensu. Amawanga gakuweereze, n'abantu bakuvunnamire; beera mukama wa baganda bo. Abaana ba nnyoko bakuvunnamire. Akukolimira, naye akolimirwe, akuwa omukisa, naye gumuweebwe.”

Ezawu n'agamba nti: “Erinnya erya Yakobo lyamutuuka, laba wuuno annimbye n'omulundi omulala: mu kusooka, yantwalako obukulu bwange obw'obuggulanda, ate kati atutte omukisa gwange.” Kwe kumuddira n'amugamba nti: “Tewanterekeddeyo mukisa na gumu?”

Yizaake n'amugamba nti: “Ewala okuva ku bugagga bw'ettaka ekisulo kyo gye kinaabeeranga; ewala okuva ku musulo ogugwa okuva mu ggulu. Obulamu onoobuggyanga mu kitala kyo, era onooweerezanga muganda wo. Obudde bulituuka ne weesimmattula, ekikoligo kye n'okyeyambula ku nsingo yo.”

Ezawu n'agamba kitaawe nti: “Taata, omukisa olinayo gumu gwokka? Nkwegayiridde, nange mpa omukisa.” Ezawu n'akuba omulanga ogw'omwanguka n'akaaba.