Popular Bible Verses from પ્રેરિતોનાં ક્રત્યો 2

Share

પતરસેં હેંનનેં કેંદું, “પાપ કરવા નું બંદ કરો અનેં તમં મનું દરેક જણ પુંત-પુંતાના પાપ ની માફી હારુ ઇસુ મસીહ ના નામ થી બક્તિસ્મ લેંહો તે તમું પવિત્ર આત્મા નું વરદાન મેંળવહો.”

અનેં વેય પસંદ કરેંલં સેંલં થી શિક્ષણ મેંળવવા મ, અનેં સંગતિ રાખવા મ અનેં પ્રભુ ભોજ મ અનેં પ્રાર્થના કરવા મ લાગેંલં રિય.

તર વેય બદ્દ પવિત્ર આત્મા થી ભરાએંજ્ય, અનેં ઝી વરદાન પવિત્ર આત્માવેં હેંનનેં આલ્યુ, હેંને પરમણે અલગ-અલગ ભાષા મ બુંલવા મંડ્ય.

તર અપસુક નું હરગ મહો મુંટા કુંએંણા નેં જેંમ અવાજ આયો, અનેં ઝાં વેય બેંઠં હેંતં વેયુ આખુ ઘેર ગાજેંજ્યુ. તર હેંનનેં હામેં ઇવી આગ પરગટ થાઈ ઝેંનો આકાર જીબં નેં જેંમ હેંતો, ઝી અલગ-અલગ થાએંનેં હેંનં મનં દરેક મનખં ઇપેર જાએંનેં રુંકાતી ગઈ. તર વેય બદ્દ પવિત્ર આત્મા થી ભરાએંજ્ય, અનેં ઝી વરદાન પવિત્ર આત્માવેં હેંનનેં આલ્યુ, હેંને પરમણે અલગ-અલગ ભાષા મ બુંલવા મંડ્ય.

વેય દર-રુંજ એક મન થાએંનેં મન્દિર મ ભેંગં થાતં હેંતં અનેં ઘેરોં-ઘેર પ્રભુ ભોજ લેંતં જાએંનેં મન મ કપટ રાખ્યા વગર અનેં આનંદ થી ખાવાનું ખાદં કરતં હેંતં. અનેં પરમેશ્વર ની સ્તુતિ કરતં હેંતં અનેં બદ્દ મનખં હેંનેં થી ખુશ હેંતં અનેં ઝી મનખં તારણ મેંળવતં હેંતં, હેંનનેં પ્રભુ દર-રુંજ હેંના વિશ્વાસી મનખં ના ટુંળા મ જુંડ દેંતો હેંતો.

પરમેશ્વર કે હે કે સેંલ્લં દાડં મ એંવું થાહે કે હૂં મારો આત્મા બદ્દ મનખં નેં આલેં અનેં તમારા સુંરા અનેં તમારી સુરજ્યી ભવિષ્યવાણી કરહે અનેં જુંવન્ય દર્શન ભાળહે અનેં ડુંહં મનખં હામણં ભાળહે.

અનેં બદ્દ વિશ્વાસ કરવા વાળં મનખં હળેં-મળેંનેં રેંતં હેંતં અનેં હેંનની બદ્દી વસ્તુ ઇપેર બદ્દનો એક હરકો અધિકાર હેંતો. અનેં વેય પુંત-પુંતાની મિલકત અનેં સામન વેંસેં-વેંસેંનેં ઝેંનેં જરુરત પડતી હીતી, હેંનેં આલ દેંતં હેંતં.

અનેં ઝી કુઇ પ્રભુ નું નામ લેંહે વેયુસ તારણ મેંળવહે.”

પ્રભુ નો દાડો આવવા થી પેલ સૂર્યો કાળો પડેં જાહે અનેં સાન લુઈ જીવો થાએં જાહે. વેયો દાડો મહાન અનેં ગજબ નો દાડો વેંહે.