Mamuhay ng isang Puno ng Layunin na Buhay!Muestra

“Paglingkuran ang Iba”

Ang simpleng ibig sabihin ng paglilingkod ay ang pagiging handang tumugon sa pangangailangan ng iba. Ang pagtugon na iyon ay maaaring mangailangan ng ating oras, talento, mapagkukunan at pagsisikap; ngunit ang paglilingkod na bunsod ng pag-ibig sa Diyos at sa iba ay maaaring maging isa sa pinakamasaya at magagandang karanasan sa buhay ng isang tao. 

Ang pagtugon sa mga pangangailangan ng iba ay maaaring may maraming anyo at maaaring magtuon sa mga pangangailangan ng parehong mga Kristiyano at hindi mananampalataya. Palaging may mga pagkakataong maglingkod sa lokal na iglesia bilang isang indibidwal man o bilang bahagi ng isang grupo. MAYROON kang maiaalok na napakahalagang bagay 

Mayroon ding mga oportunidad na lumilitaw sa simpleng personal na pakikipag-ugnayan sa mga tao, o sa simpleng pag-obserba sa pangangailangan ng isang tao, at sa pagtugon sa hindi hinihinging tulong. 

Ang anumang tugon na ibinibigay mo, maging ito man ay oras, mapagkukunan, talento o simpleng isang nakakapagpatibay ng loob na salita, ay isang gawaing paglilingkod. Ngunit nauunawaan din ng Diyos na mayroon tayong limitadong kakayahan sa maaari nating ibigay, kaya inaasahan Niya tayong maging responsable at mabuting tagapangasiwa kapag nangangako. 

Ang hangad ng Diyos ay ang ibahagi natin ang ating sarili nang may kagalakan. Bagaman kung minsan ay mahirap para sa ilan sa atin ang tumanggi, ang katotohanan ay maaaring manakaw ng labis na pagtulong ang kasiyahan at kagalakan na nais ng Diyos na nasa atin kapag naglilingkod tayo.