Hoe God oor jou voel

God weet alles van jou. Hy weet wanneer jy sit en wanneer jy staan. Hy verstaan wat jy dink en weet alles wat jy doen. God weet wat jy gaan sê nog voordat jy dit sê. Niks kan jou van God se liefde vir jou skei nie. Hy het elke deeltjie van jou geskep. Hy het jou besonder wonderlik geskep.

God het jou al voor jou geboorte gesien en al jou dae in sy boek neergeskryf. God se gedagtes oor jou is kosbaar en Hy dink meer dikwels aan jou as wat daar sandkorrels op die aarde is. God weet presies hoeveel hare daar op jou kop is.

God het jou onvoorwaardelik lief. Deur Jesus Christus sien God jou as volmaak en rein.

ONTHOU: As God ons dan so spesiaal gemaak het, hoe kan ons dan nié in onsself glo nie?