Gén 7
7
Noé tiyäjo p'ante lehi
1Lhawuk tahuyej Noé wet yok:
–Nilhokej wichi tä i'pe honhat niwohit elh chik iwoye onech'ethayaj, tajlhama am. Tä mälhyejtso, am lhäy'e haw'et lheley tiyäjo häp ahi. 2Itshätäy tä lakokhayaj newache, chuma siete lhamel tä asnakis lhäy'e siete iyhäj tä atsinhay. Wet häp itshätäy tä lakokhayaj ihi, chuma tefwajpejni tä asnak lhäy'e elh tä atsinha.#Lev 11 3Häte afwencheypej tä w'enha lhamej chumapej siete, lhäy'e siete tä atsinhay, häpkhilek nittäya itshätäy lhäy'e afwenchey tä i'pe honhat. 4Tsi chik nichäte siete ifwalas, ochenla pelhay tä wuj, wet iwomlahchä cuarenta ifwalas wet cuarenta honatsis. Wet otäyhthila nilhokej olhenhay tä leyalh ihi tä i'pe honhat.
5Wet Noé iwoye nilhokej m'ak tä Lhawuk ne'tek iwoye.
6Tä inät hip'op'ante'pe honhat, Noé hiw'en seiscientos nekchämis. 7Wet lham lhäy'e lech'efwa, lhäy'e leles, lhäy'e leles lech'efwas, lhamel tiyäjo lehi yämthilek pelhay nilänahen.#Mat 24.37-39 8Wet häp itshätäy tä lakokhayaj newache, lhäy'e iyhäj tä lakokhayaj ihi, lhäy'e afwenchey, lhäy'e m'ayhay tä lhaitonchehen honhat, 9yikche Noé tä tiyäjo lehi, täkwfwaspej, elh tä asnak lhäy'e elh tä atsinha, mälhyej tä Dios ne'tek Noé iwoye.
Pelhay tä wuj
10Tä nichäte p'ante siete ifwalas, iwo tesa pelhay tä wuj, wet inät hip'o'pe honhat. 11Häpe p'ante iwel'a dos, häp ifwala tä diecisiete, wet Noé hiw'en seiscientos nekchämis. Wet häpe p'ante ifwalatso tä wasomche lewomekitas tä tumchä, wet äp tafwochehen lepelis tä ipuleye, 12wet iwomchä cuarenta ifwalas, cuarenta honatsis. 13Häp ifwalatso Noé tiyäjo lehi, lhäy'e lech'efwa, lhäy'e leles Sem, Cam lhäy'e Jafet, lhäy'e lhamel lech'efwas. 14Wet ichäj lhamche nilhokej itshätäy tä w'enhahiche, lhäy'e n'oläy, lhäy'e m'ayhay tä lhaitonchehen honhat, lhäy'e afwenchey. 15-16Elh tä asnak lhäy'e elh tä atsinha, häp tä tiyäjo Noé lehi, täkwfwaspej täkwfwaspej, mälhyej tä Dios ne'tek õ'woye. Wet nech'e Dios hip'ohi lehi lepe.
17-18Iwomchä cuarenta ifwalas, wet tä yiklhaphä inät, lehi i'pe t'at. 19Wet tä lhäy'epej lhip lhäy'epej lhip tä t'ayphä inät, pajtha hip'o'pe nilhokej chenhas tä atoschephä. 20Mat kamaj yiklhaphä t'at, pajtha siete metros tä tafwayejen chenhas. 21Wet y'inhen nilhokej wichi tä i'pe honhat, lhäy'e itshätäy tä n'oläy, lhäy'e itshätäy tä fwitses, lhäy'e m'ayhay tä lhaitonchehen honhat, lhäy'e afwenchey. 22Nilhokej m'ayhay tä leyalh ihi y'inhen t'at. 23Tajlhama Noé lhäy'e nilhokej m'ayhay tä ihi lehi tä n'ilahen. Mat iyhäj m'ayhay noj t'at, wichi, itshätäy, afwenchey, lhäy'e m'ayhay tä lhaitonchehen honhat. 24Wet inät i'pe honhat pajtha ciento cincuenta ifwalas.
Actualmente seleccionado:
Gén 7: WCHB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Wichí, Dios Lhämtes tä Matchehen © Sociedad Bíblica Argentina, 2002.
