Gén 6
6
Wichi iwoye p'ante m'ak tä ni'isa
1Tä iwo tesa tä lhayäm wujpe wichi tä ihi honhat, iche leles tsinhay. 2Wet Dios lakawos tä ipuleye hiw'en tä wuj tä isis, wet lhamel tachuma atsinhay tä ihumnhen wet yen ch'efwasa. 3Mat Lhawuk yok:
–Oyämhit’ala pitaj lew’atshancheyaj hin’o, tsi niwohit m'ak chik häpe, hin'o t'at. Tä mälhyejtso, iläyhla ciento veinte nekchämis, tajlhama.
4Wet häp ifwalastso tä Dios lakawos tä ipuleye yen ch'efwasa häp wichi les tsinhay, iwo lelesa wet n'äl p'ante gigantes tä iche, häp hin'ol tä wustas. Häte leles tä lepes lheley iche p'ante gigantes tä iyej. Wet wichi iwujyen tsi takhajayhen.
5Lhawuk hiw'en tä wuj tä ni'isa m'ak tä iwoye wichi tä ihi honhat, wet tajlhama t'at m'ak tä ni'isa tä lhamel yen tichunhayaja. 6Wet Lhawuk wuj tä lelhakli ihi wet yok:
–¿Chipte tä oyenlhihte hin'o? 7Athana otäyhthila wichi tä i'pe honhat, lhäy'e itshätäy, lhäy'e m'ayhay tä lhaitonchehen honhat, lhäy'e afwenchey. Tsi tä oyenlhihte lhamel, athana wuj tä ilän otichunhayaj.
8Mat Lhawuk akäjejlhi Noé.
Noé yenlhi lehi
9Oyäme Noé. Lham häpe hin'o tä is wet iwoye t'at Dios lhämet. Ihichet'a elh hin'o p'ante tä mälhyej iwoye lham, tsi iwoye t'at Dios lenech'ethayaj. 10Noé hiw'en p'ante tres leles, häpe Sem, Cam lhäy'e Jafet.
11-12Wet Dios y'ulhan häp honhat, tä m'ak tä ni'isa tä wichi iwoye tapoyej. 13Tä mälhyejtso, Dios tahuyej Noé wet yok:
–Otäyhthila nilhokej wichi tä i'pe honhat, tsi lhamel tä tamenej tä lhäy'e lhip m'ak tä ni'isa tä ihi honhat. Tä mälhyejtso, otäyhthila t'at, lhäy'e honhat. 14Enlhi ahi tä hal'ä yämthilek i'pe inät. Enlhi lech'ol tä ihi, wet ilenejlhi alquitrán, häp honhat lhits'i tä ichalaj, tä tumphä lhäy'e tä lech'oye, häpkhilek inät nityäjaho. 15Woyneje m'ak tä ofwel amho: ciento treinta y cinco (135) metros tä pitaj, wet veintidós metros y medio tä tsajo, wet trece metros y medio tä atojphä, 16wet enlhi tres lech'ol tä iche letape. Enlhi ventana tä tumphä, medio metro tä tumejlä lhetekch'o, wet tihi lepe tä ihi lhip. 17Ochenla pelhay tä wuj wet hich'ahla honhat, wet tatäyhla nilhokej m'ayhay tä ihi honhat, y'inhihena nilhokej. 18Mat am, ot'unthichela amej olhämet, owohit'ala elha. Tiyäjola ahi, lhäy'e hach'efwa, ales, lhäy'e lech'efwas. 19Häte is chik lethatho ahi nilhokej itshätäy tä w'enhahiche tä i'pe honhat, elh tä asnak lhäy'e elh tä atsinha, häpkhilek i'amej wet nittäya. 20Is chik täkwfwaspej itshätäy tä w'enhache lhamej yik amche chik letiyäjo ahi, lhäy'e afwenchey, lhäy'e m'ayhay tä lhaitonchehen honhat, täkwfwaspej täkwfwaspej häpkhilek nittäya. 21Häte chäj amche nilhokej m'ak tä itshätäy lhäk tä w'enhache lhamej, lhäy'e amel äk, wet amajej tä ihi ahi, häpkhilek amel lhäy'e itshätäy iche m'ak chik letufway.
22Wet Noé iwoye nilhokej m'ak tä Dios ne'tek iwoye.#Heb 11.7
Actualmente seleccionado:
Gén 6: WCHB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Wichí, Dios Lhämtes tä Matchehen © Sociedad Bíblica Argentina, 2002.
