Gén 23
23
Sara ileyej honhat wet õtjänch'oye
1Sara y'il p'ante tä hiw'en ciento veintisiete (127) nekchämis 2tä ihi p'ante hupuy tä lhey Kiriat-arba, wok oyok, Hebrón, tä ihi honhat tä Canaán. Wet Abraham tafwlhi tä lech'efwa y'il wet wuj tä äytaj letichunhayaj.
3Tä ileyej tä tafwlhi, yikch'oye lech'efwa p'itsek wet ihoye Het lhayis tä ihi honhattso, wet ifwenho tä yok:
4–Olham ohäpe hin'o tä lew'ethit'a honhatna. Mat ot'alhej amehen chik lew'en n'oho elh n'op'itsekw'et wet owo lahaya, yämthilek otihi och'efwa p'itsek.
5Het lhayis nichulho wet yok:
6–Yaelh, lhek ch'ahu n'oyehen. Am lhe n'oyejen tä ahäpe hin'o tä Dios tatshupiye. Tihi t'at hach'efwa n'op'itsekw'et tä lhäy'e lhip tä is. Ihichet'ala elh olhamel chik yohlak, “Olewuk”, wet n'äyej amho.
7Tä Abraham iläte, nephä tä tatayphä, wet t'upeyhchä tä ihi Het lhayis tatache 8wet yok:
–Chik matche tä lehuminche tä otjänlä och'efwa p'itsek tä oihi honhatna, woye tä owoye, fwenho Efrón, Sóhar lhäs, 9wet alhe n'oho tä is chik hiw'en n'oho chowej tä ihi chenaj tä ihi Makpela tä ihi lepes laka honhat. Owohla lahaya chowejtso tä ihi tä amel letatache, häpkhilek olewuk t'at wet oyen n'op'itsekw'eta.
10Wet Efrón iyej t'at lhamel tä lhaihuthiwek lepe n'olafwek tä ilunej hupuy. Wet häp tä nichulho Abraham wet yok:
11–Kha, yaelh. Lhek ch'ahu n'oye, oyen awayhata honhat lhäy'e chowej tä ihi. Ow'etfwas tä in'oyej iläte olhämet tä oyen at awayhata. Tihi t'at hach'efwa p'itsek.
12Matkat Abraham yachajo tä t'upeyhchä tä ihi tä wichi tatache, 13wet nichulho Efrón wet yok:
–Woye tä owoye, am tä ch'ahu n'oye. Olhaip'altsen ame, chumlä chinaj t'äj tä otiskanejpe honhat häpkhilek otihi och'efwa p'itsek.
14Efrón yok:
15–Yaelh, ch'ahu n'oye. Honhat laha w'awulho cuatrocientos chinaj t'äj. Täjtso isit'ak lhämlhi n'oho'pe, lhäy'e olham isit'ak oyämlhi amho'pe. Is chik letihi t'at hach'efwa p'itsek.
16Wet Abraham iwoye, hiw'enho Efrón cuatrocientos chinaj t'äj, ichumyenlhi chinaj t'äj tä hin'ol tä ifwellhi m'ayhay ichumyenlhi. Wet Het lhayis hiw'en t'at m'ak tä iwoye. 17Tä mälhyejtso, honhat tä lewuk Efrón tä ihi Makpela tä tumej Mamre lhip tä hichä, wok oyok, honhat lhäy'e chowej tä ihi chenaj lhäy'e nilhokej hal'äy tä ihi lhiptso, 18nech'e lewuk t'at Abraham. Wet nilhokej Het lhayis tä lhaihuthiwek lepe n'olafwek tä ilunej hupuy, lhamel hiw'en t'at m'ak tä Abraham lhäy'e Efrón iwoye.
19Wet nech'e Abraham itihi lech'efwa Sara p'itsek häp chowejtso tä ihi chenaj tä ihi honhat tä Canaán. Ihi t'at lhip tä lhey Makpela tä tumej hupuy tä Mamre lhip tä hichä, häp hupuy tä wichi iwo lheya Hebrón. 20Wet mälhyej p'antetso tä Abraham ichäj honhat lhäy'e chowej tä ihi tä lewuk p'ante Het lhayis. Wet nech'e häpe n'op'itseyhay lew'et tä lewuk Abraham lhayis.
Actualmente seleccionado:
Gén 23: WCHB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Wichí, Dios Lhämtes tä Matchehen © Sociedad Bíblica Argentina, 2002.
