Mat 5

Nya'n Jeju ndoo deg dø mbalt

(Oo Luk 6:20 teen 26)

1Lon Jeju oo bakad deg koosïg ye, al dõ dø mbalbot, kamla ndï ber, na ngéndoog loa ðen roat. 2Ta la Jeju tee tan ndoodïn, an:

3Ngéronelg la în ngéndog kam ndildt ye,

kïta kõþe kï dørãt dõ i lod.

4Ngéronelg la i deg'n ndï høn ndo ye,

kïta Luwah a sølkamd.

5Ngéronelg la în deg kï sayelïl ye,

kïta Luwah a ad'd õn nduba døning kïgo kunkøt loa.

6Ngéronelg la in deg'n þo kï kïnda ða nya kïdenesew,

ndï õd ye, kïta Luwah a ad'd ndenïn.

7Ngéronelg la în ngékookumtondo lo deg ye,

kïta Luwah a oo kumtondo lod.

8Ngéronelg la în deg'n kamd janjoi ye,

kïta a oon Luwah.

9Ngéronelg la în ngéla deg nooj nat kï kamkïsokïber ye,

kïta a kunïnd ngan Luwah.

10Ngéronelg la i îgïn deg dan rod ndo kïta

nyaða kïdenesew ye,

kïta kõþe kï dørãgt i lod.

11În ngéronelg, lon deg a tajsïn, a dan rosï ndo, a elïn takïbal kïdangdang døsït kïta kîsï ngéndoog lom. 12I ðan ronel, kï kamnda kï dumbit. Kïtø nyabajisï a i kïbobe kam dørãt dõ, kïta titbe la dan ne ro ngékeltag kï ta Luwaht ndo, îgïn ðen kete nõsït ye.

Ngékadkamg în kat kï kunj døning

(Oo Mrk 4:21 teen 23; Luk 8:16 teen 18; 1 Pie 2:9 teen 12)

13În kat dan degt kï døningt; na îla mïrã kat goto a ne, ndaa i ði a? Maj kïta nya mad al, na küa kø kad deg þan kï njad tã koon.

14În kunj lo deg kï døningt. Þe'n ndahna dø mbalt dum yaro. 15De a ndah horr lambat kïta la girr ngot kïbo al, na a ndaha dõ dø kag nda lambat tã, kad unj dø degt tube kï kam kujt. 16I titbe la kï adïn kunjsï unjïn nõ degt kïtakad oon kïlaðasïg kïmaj, kad øsïn ne gon bøwsï kï kam dørãgt dõ.

Ta kï mbïna Krist't kï mberkïnda lo Moij

(Oo Luk 12:58,59; 16:18)

17Ot koon kanan m'ðe kïta kørr mberkïnda lo Moij kï kïlo ngékeltag kï ta Luwaht kø. M'ðe kïta kørr kø al, na kïta tølta tag kad asïnatap. 18Kïtø, m'ndï m'elsï rota, lon dørã kï døning tøin kø al þaitø, nya mad kïða kïndang kïdu tëbe, ke kï ngon mesirr be kaa a tøi kø kam mberkïndat lo Moij al, mbã kad nyag tube ðan nya kamtã. 19Kïtø 'nten dekïðen'n tøi dø kïkïða lo kïdu tøi ku mþergt'n non, na ndoo deg kad ðan titbe ho a ne, a kunïna kïdu tøi kam kõþet kï dørãgt. Na dekïðen a ðago mberkïndat, na ndoo deg kad ðan goot ho a ne, a kunïna kïbo tøi kam kõþet kï dørãgt. 20Kïtø m'ndï m'elsï: Îla nyaðasï kïdenesew tøi kï lo ngéndang maktubg, kï Parisig al a ne, a andïn kam kõþet kï dørãgt al bat.

Mberkïnda lo Jeju

21Oon dø: Elïn ngékïkete anan: A i tøl de al, de'n tøl de a ne, kï awïn sia logangtat. 22Na mî, m'ndï m'elsï: Dekïðen ndï ða wong kï ngonkõ a ne, kï awïn sia logangtat; dekïðen ndï el ngonkõ an raka: Ad i de kï pãbe tø a ne, asï ta kad ngékøjtag øjïna kuma, na de'n a el ngonkõ an: Î þood de a ne, asï ta kad aw kam horr Jahanamat. 23Kïtø 'nten lon i ndï i la kadkari loi kï dø dingïr kadkarit, na nõbe kami gah dø ngonkõit kï aw sei kï ta mad a ne, 24i nya kadkari loi nõbe kï dø dingïr kadkarit, na aw i la nooj nat kï ngonkõi kete, kamla i ðe i la kadkari loi ad Luwah ye.

25I la nooj nat kï madkøli kanangbe lon în ne sia dø ðob kaw logangtat þaitø; na þeta madkøli lai ji ngegangtat, ngegangta a lai ji asïgart, na asïgar tø a lai dangãit. 26M'ndï m'eli rota; a i teet al bat mbã i ba døboi sile.

Nyandoo lo Jeju dø sah dekïdët kï sah ngawt

27Oon dø elïn maði anan: A i sah dekïdë ke i sah ngaw al. 28Na mî m'ndï m'elsï m'an: Dekïdïngã'n ndï nøl dekïdë mbã, ad nyura õa a ne, saha ngarkamïnt woi. 29Na îla kumi ko kõi i nya kï gai gigt kad i so a ne, ørra i laa kø sãi; kïta i sooit kad ngõðøøi kïkïða nuj kø, tøi kad lan dãroi kïtaagbe kam horr Jahanamat. 30Na îla jii ko kõi i nya kï gai gigt kad i so a ne, i ganga i laa kø sãi. Kïtø i sooit kad ngõðøøi kïkïða nuj kø, tøi kad lan dãroi kïtaagbe kam horr Jahanamat.

Nyandoo lo Jeju dø tuþa dekïdët

(Oo Mat 19:9; Mrk 10:11 teen 12; Luk 16:18)

31Elïn maði tø anan: Dekïdïngã'n ndï tuþa nën a ne, kï ada maktub tuþa. 32Na mî m'ndï m'elsï: Îla dekïdë ða ngaw al a ne, na ngawa tuþaa, de'n non ndï ndah nën kayat kï ða; na de'n a taa dekïdë kï ngawa tuþa tïtø ða ngaw a ne, ndï saha ta sah.

Nyandoo lo Jeju dø yokïndat

(Oo Mat 12:36; 23:16 teen 22; Jak 5:2)

33Oon dø tø elïn ngékïkete anan: A i nda yo kï ta kï ngom al, na nya'n un køi i ndan yo ad Bïraþe nõ, a i tøl kona. 34Na mî m'elsï: A i ndan yo al bat, ke kï nya mad kï dørãt dõ kïta i pong kõþe lo Luwah, 35ke kï nya mad kï døningt në, kïta i þebo lo Ngar kïbo. 36A i nda yo kï døit al ho, kïta asï kad bisïdøi kïkïðabe tel kïndà ke kï kil al. 37Na adïn ta losï i ã ã, ke a koon; ta'n a elïn tøi dø îgïn non taa ðe kokïro ngemajalt.

Nyandoo lo Jeju dø ndangïrat

(Oo Luk 6:29 teen 30)

38Oon dø elïn maði anan: Kum kïta kum, ngang kïta ngang; 39na mî m'ndï m'elsï, ot ndan ngïra dø det'n ndï ða sesï majal, na îla de mad nda køti ko kõi a ne, i tel ko kï mad ada tø. 40Îla de mad ndig kaw sei lo gangtat kï'n taa ngamaj loi a ne, i nya kubkul loi ada kïdøt. 41Îla de mad høi kï lo ngetøgt kï n'aw sei kïlometïr kïða a ne, aw sia mbã kïlometïr joo. 42De mad ndï køi nya a ne, ada. Na ot tel gidi kad de'n gee tinai nya ho.

Nyandoo lo Jeju dø tar madngétagt

(Oo Luk 6:27 teen 36; Rom 12:17 teen 21)

43Oon dø elïn anan: A i tar madþei, na a øsïta madngetai. 44Na mî m'ndï m'elsï: I tarïn madngétasïg; i njangïn dø îgïn hã ndï ndølsïn, i ðan maj kï îgîn ndï øsïsïn ta, i køøn Luwah kïta deg kï ngédarosïndo, kï ngéndoorsï, 45kïtakad în ne ngan bøwsï kï dørãt dõ; kïta ndï ad kàd lon þa dø ngéðamajalgt, kï ngéðamajg tu, ndï ad man ndii ed dø ngéðadenesewt kï ngéðadenesew al tu. 46Na îla i ndï i tarïn ngétarsï tã a ne, nyabaji losï i ði a? Ngétirr nya ndï ðan titbe ho ale? 47Na îla i ndï i ðan lapia ngankõsïg tã koon a ne, i ðan ði kïtadang kï tøi lo deg madg a? Deg kï gerïn Luwah al ndï ðan titbe ho a le? 48Kïtø 'nten la maj kad î ne deg kïkasïnatap tit'n bøwsï kï dørãt dõ în kïkasïnatap ye be ho.

Actualmente seleccionado:

Mat 5: MB80

Destacar

Copiar