Mat 6

Nyandoo lo Jeju dø ðamajt kï ngéndog

(Oo Luk 11:2 teen 4)

1Oon go rosï maj kad i ðan nyaðag kïdenesew losï nõ degt kad oosïn. Îla i ðan titbe a ne, nyabajisï mad goto ro Bøwsït kïkam dørãt dõ. 2Kïtø 'nten lon i ndï ad kadkari ngendø mad a ne, ot kun towmand døt, tit'n ngéndokum deg ndï ðan ne kam kuj kawnagt lo juipg, kïgo ðobg, kïtakad'n ngahn ne køsïgon ro degt. M'ndï m'elsï ta kï rota: Deg'n non taan nyabajid woi. 3Na lon i ndï ad nya mad, kï i ðan kï ngendø mad a ne, ot kad jigeli ger nya'n jikõi ndï ad, 4kïtakad kadkari loi i kï kad gid tilt. Bøwi'n ndï oo nya'n i ndï i ða gid tilt ye, a bajii.

Nyandoo lo Jeju dø keltat kï Luwah

(Oo Luk 11:1 teen 5; Mat 18:21 teen 35)

5Lon i ndï elïn ta kï Luwah a ne, kï în tit ngéndokumdeg al; kïta ndigïn ða dõ kelta kï Luwah kam kuj kawnagt lo juipg, kï døkum ðobg kad deg oond. M'ndï m'elsï ta kï rota: Deg'n non taan nyabajid woi.

6Na î, lon i ndï elta kï Luwah a ne, and gilelot loi, ut tabit loi, kamla elta kï Bøwi'n ndï lo yarot; na Bøwi'n ndï oo nya'n i ndï ða gid tilt ye, a bajii.

7Na lon i ndï elïn ta kï Luwah a ne, ot kelïn tag kï pãbe kï dø nat nat tit'n ngéger Luwah al ndï ðan ne, kïta ndï oon a anan i kïtakul tag kï kel ngãi lod la Luwah a oon dø køø lod ye. 8Kïtø 'nten, ot kîn titd; kïta bøwsï ger nyag'n i geen, kete lon i køøna ne al þaitø. 9Oon, sumba kad elïn ta kï Luwah titbe:

Bøwj'n i kam dørãt dõ,

kï tøi to kïkunjðang.

10Kï kõþe loi ðe.

Kï nya'n i ndig, kï ðan døningt ne,

tit kï în ndï ðan kam dørãt dõ.

11Adj nyasaj kï ndø kïða kïndøgndøg.

12I nyàgo majalg loj,

tit'n kï ndï kï nyan go majalg lo ngéðaj majal ye ho,

13ot kaw sej kad nájïn, na i taaj ji ngemajalt. Kïtø îla kõþe i loi, kï tøg kï køsïgon kï mbãkïnõt. Amin.

14Titbe, îla i ndï i nyan go majalg'n deg ðan sesï kø a ne, Bøwsï kï dørãt kaa a nyàgo majalg losï ho. 15Na îla i nyan go majalg'n deg ðan sesï nõ kø al a ne, Bøwsï kaa a nyàgo majalg losï al ho.

Nyandoo lo Jeju dø køg ro nyasat

16Lon i ndï øgïn rosï nyasa a ne, ot kadïn takumsï høndo, tit'n ngéndokumdeg a ðan ne; kïta ndï lan kumd nat kad deg oon ne kad n'øgïn rod nyasa. M'ndï m'elsï ta kï rota: Deg'n non taan nyabajid woi. 17Na î, lon i ndï øg roi nyasa a ne, i wur døi kï yib, i tugo kumi, 18kïtakad deg oon takad øg roi nyasa al. Bøwi kïðabe tã la a oo kï lo yarot ye. Na Bøwi'n ndï oo nya'n i ndï i ða gid tilt ye, a bajii.

Nyandoo lo Jeju dø nyamajgt kï kam dørãt

(Oo Luk 11:34 teen 36; 12:15 teen 34; 1 Tim 6:9 teen 10)

19Ot mbon nyamajg kïta rosï døningt ne, lot'n nyõ kï nõ ndï tujïn nyat; lot'n þogg ndï mbut þogïnt tø. 20Na i mbon nyamajg kïta rosï kï kam dørãt dõ; lot'n nyõ kï nõ a tujïn nyat al, þogg a mbut þogïnt al tø. 21Kïtø lon nyamajg loi i tit a ne, nõ be la ngarkami i tit ye.

Nyandoo lo Jeju dø kunjt kï kam det

(Oo Luk 11:34 teen 36)

22Kum de i lamba lo dãroa, îla kumi janjoi a ne, dãroi kïtaagbe a unj, 23na îla kumi majal a ne, dãroi kïtaagbe a i til. Îla kunj kï kamit i til ye, tila a diw kïrïr kï tøi.

Jeju ndoo deg ta dø ða þert lo Luwah kï nyamajg

(Oo Luk 16:13; 12:22 teen 31)

24De kï asï ða þer lo bïraþeg joo goto. Kïtø a øsï ta kïkïða, na a tar kïmad, ala, a hønooj kïkïða, na a i kid kïmad. Asïn ða þer lo Luwah kï lo Mamõ ad nyamajg, tu joo al.

Jeju ndoo deg kad þankul Luwah, na kï soolïn al

(Oo Luk 12:22 teen 31)

25Kïtø 'nten la m'ndï m'elsïn m'an: Ot soolïn dø ndïsït kïdøsï dõ, kïta nyasasï, ke dø dãrosït kïta nyag'n a i lan rosït. Kumkajir lo de tøi nyasa ale? Dãro de tø tøi kub ale? 26Oon yelg kï dõ, duwïn kohnya al, jan nyako al, kawïn nyako kï dama al ho, na Bøwsï kï dõ dørãt ndï uld. În nya kï ngãi tøi yelg ale? 27Nõ kusït asï la þal kïda dø kaglo ndïnt kï døndõ kïta soolg lon a?

28Kïtøði i ndï i soolïn ne dø kubt kï la rot a? I ndan kumsï i nølïn ne hutkámg kï kam mut, oon titbãi ða þa tøgïn ne; ðan kïla al, þewïn kïlla kub al, 29na m'elsï: Salomõ kïþe kïdøn kam nyamajgt lon tube, la kub kïmaj tit kïkïða ku hutkámgt'n non al. 30Mu kï kam gawt'n ða þola, na loti a lana kam horrt, na Luwah ndï laa kub titbe yela, îng tã Luwah a oo gosï kï kub al yo? Kadkam Luwah losï i tëbe. 31Kïtø 'nten ot soolïn bat, na ot kanan: Ði j'a kï sa a? Ke ði ja kï j'ãi a? Ke ði j'a kï la rojt a? 32Kïtø nyag'n non tube deg kï gerïn Luwah al la ndï sahnd ye. Bøwsï kï dõ dørãt ger þet, i ndï i geen nyag'n non tube. 33Kïtø 'nten dasabang i sahn kõþe loa kï nyaða kïdenesew kïgo ndigt loa, na nyag'n non tube tø a adsï døt. 34Kïtø 'nten ot soolïn dø lotit; kïta loti a sool dø nyagt kï køsïdøn. Ke ndø kïðen kør loa asa.

Actualmente seleccionado:

Mat 6: MB80

Destacar

Copiar