'Olic 45
45
O Sapararamod to Hongti a Radiw
O nitilidan no tloc no ngasaw ni Korah a 'olic, o sapasifana' a 'olic. O ccay no saki olah a radiw. Mapatorod i kakridan no paradiway. O no <<Yolinohana>> a hacong ko saparadiw.
1Matomes i faloco' ako ko nga'ayay a sasowalen,
o aasipen ako to saki hongti a 'olic konini,
matiya o satilid no mafana'ay a mitilid ko ngoyos ako a caciyaw.
2O samakapahay i polong no tamdamdaw kiso,
damsay a citaneng ko sowal iso,
saka, mida'oc a mapalmed no Kawas kiso.
3O tadamaanay a hongti,
fakecen#45.3 fakecen -- o roma i, fakeden, fatelen (ka'amis). ko fonos iso.
O tadamaanay o kasnengan kiso.
4O sapihadimelaw to so'linay ato mo^celay a dmak saka,
ka o kasnengan#45.4 kasnengan -- o roma i, tiseng. kiso a tala'ayaw a romakat,
ta pakayni i 'icel iso a mapalasawad ko 'ada.
5Macidem ko pana' iso a mita'sel to faloco' no 'ada,
mihinefa a ma^min i ka'ayaw iso ko kasakitakit.
6O tatahada'oc ko nipaflian no Kawas i tisowanan a tadamaanay a kamaro'an#45.6 nipaflian no Kawas i tisowanan a tadamaanay a kamaro'an -- ano ^ca i, Kawasaw, o tadamaanay a kamaro'an Iso, roma i, o fangcalay a nikowanan Iso a kitakit.!
O mo^celay ko pikowan iso.
7O maolahay kiso to mo^celay,
mi'intel kiso to tatiihay,
saka o Kawas, o Kawas iso ko mipili'ay i tisowanan,
palipahaken Ningra kiso to ikakaay no tao a lipahak.
8Safangsis sa ko riko' iso to nano mir ato aloy ato akasiya,
itira i nisanga'an to ra'it#45.8 ra'it -- o roma i, packis (sawali). no ^co a loma' a midatok ko midatokay a patngil a palipahak i tisowanan.
9Mikapot to fafahifahi iso ko fafahiyan a wawa no hongtingti no kasakitakit,
cicalok to tada^kim a ma^res ko fafahi iso a tomireng i kawanan no kamaro'an iso.
10Kiso o malofafahi no hongti, pitngil to sowal ako,
tawalen ko finacadan iso ato malininaay iso.
11O nika kapah iso ko saka^nep no hongti,
o tawki iso cingra saka, o hahaklongen iso cingra.
12O tatayra i tisowanan a pangiraw ko Tiri a tamdaw,
o mamilongoc ko cidafongay a tamdaw to pisanga'ay iso i cangraan.
13Wata: ko nika kapah no fafahiyan a wawa no hongti i laloma' no loma' no hongti!
O nitselan to tada^kim ko riko' ningra.
14Ciriko' cingra to makapahay a nitselan a riko' a makayat a tayra i ka'ayaw no hongti,
mitoor i cingraan ko pacafayay a widang ningra a tayra i ka'ayaw.
15Mahmek cangra a lipahak a ma^min a malahaklong a micomod i loma' no hongti.
16Hongtiaw ako, o caciwawa kiso to 'alomanay a wawawawa,
o mamirocok to tato'asan iso cangra a malahongti,
o papatirengen iso cangra a papikowan to polong no hkal.
17Onini a 'olic a radiw ako i, o papiharatengay to tamdamdaw a ma^min to nika tadamaan no ngangan iso, ta pahmek cangra a romadiw a tahada'oc.
Actualmente seleccionado:
'Olic 45: AMIS2019
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© The Bible Society in Taiwan, 2019
