'Olic 44
44
O Pilongoc to Sadipot
O nitilidan no tloc no ngasaw ni Korah a 'olic, o sapasifana' a 'olic. Mapatorod i kakridan no paradiway.
1Kawasaw, matngilto niyam ko nano sowal no tato'asan niyam to pakayniay i tadamaanay a dmak Iso i cangraan i ti:yaho,
2Kiso ko milaplapay to roma a finacadan,
paaro'en Iso a palnak ko finawlan Iso i sra nangra,
tfocen Iso ko kasafinacadan,
nikawrira, palmeden Iso a pacakat ko finawlan Iso.
3Caay ko fonos ko sapilowid no finawlan Iso to 'ada a miala tora sra,
caay ko nano 'icel nangra ko sapakalowid nangra to 'ada,
deng o nano patlaw ato 'icel Iso ato pikapot Iso ko sapakalowid nangra,
nawhani maolah Kiso i cangraan.
4O hongti ako, o Kawas ako Kiso,
Kiso ko sapakalowid no finawlan Iso.
5O nano 'icel Iso ko sapakalowid niyam to 'ada,
o nano pikapot Iso i tamiyanan ko saka masakasak niyam ko 'ada.
6Caay piti'er kami to pana' niyam,
caay pakapa'orip ko fonos ako i takowanan.
7Nikawrira, lowiden Iso koya mi'intelay i tamiyanan,
deng Kiso ko pa'oripay a paliyas nai 'ada niyam.
8Kawasaw, o mamararid kami a pahmek i Tisowanan.
O mamida'oc kami a mikansiya i Tisowanan.
9Nikawrira, anini sa i, falahen Iso kami a mipakangodo,
caayto pikapot Kiso to sofitay niyam a milood.
10Mapakatoled Iso kami i ka'ayaw no 'ada niyam,
pakonira han Iso ko mi'intelay a 'ada a papi'afas to dafong niyam.
11Samatiya han Iso kami o papacoken a siri a paliwasak i roma a kitakit.
12Saka^med han Iso ko finawlan Iso a pa'aca#44.12 pa'aca -- o roma i, miliwal (katimol), pacakay.,
awaay aca ko ha^tan Iso. #44.12 awaay aca ko ha^tan Iso -- ano ^ca i, samatiya han o awaay ko ^poc a dafong ko pinengneng i cangraan.
13O pihaen Iso i tamiyanan i, malokatawaan,
malosasopa'en, malolalokesen no tao kami.
14Malokatawaan, malosasamsamen no kasakitakit kami.
15Mararid kako a mapakangodo,
caay pitolas a malokes kako,
16nawhani matngil ako ko ngiha' no milokesay ato misamsamay,
ma'araw ako ko misa'adaay ato pacoliay i takowanan.
17Talacowa caay ka tawal niyam Kiso,
caay piliyang kami to nitlekan Iso a sowal,
nikawrira, malitmoh niyam ko matiniay a pades.
18So'linay ko dmak niyam to saki Tisowanan,
caayho pipacoli kami to limo'ot Iso.
19'Arawhani siday han Iso kami i kaitiraan no 'a'adopen,
falah han Iso kami i tatihi no patay.
20Ano matawalay niyam Kiso o Kawas niyam,
ano pasayraay kami a mitolon i kawakawas no roma a kitakit i,
21kona mahapinang Iso a mitapal,
nawhani mata'sel ko pinengneng Iso to masimeday i faloco' no tamdaw.
22Nikawrira, o nano Miso ko saka saromi'ad sa kami,
samatiya sa o papacoken a siri kami.
23Tapangaw, kapalalto, nawiro fafoti' sa Kiso saw?
Kalomowadto, akato tahada'ocen kami a mifalah.
24Nawiro caay pilingwa Kiso i tamiyanan saw?
Nanay haratengenho ko pisemsem niyam ato nika samsam niyam.
25Matolo' kami i sra,
mapolin kami i alafoh no sra.
26Nanay kalomowadto Kiso a padama i tamiyanan,
nawhani o mida'ocay ko olah Iso i tamiyanan,
nanay pa'oripenho Iso kami.
Actualmente seleccionado:
'Olic 44: AMIS2019
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© The Bible Society in Taiwan, 2019
